4:42 pm
မေဇင်ဝင်း
ရန်ကုန်၊ ဖေဖော်ဝါရီ ၁ဝ
ဒေသတွင်း နိုင်ငံများတွင် မြန်မာနိုင်ငံမှအလုပ်သမားများသည် လုပ်ငန်းခွင်စိတ်ဖိစီးမှုအမြင့်ဆုံးဖြစ်နေကြောင်း အလုပ်အကိုင်ရှာဖွေ ရေးဝက်ဘ်ဆိုက်တစ်ခုဖြစ်သော Jobnet.com.mm မှ သိရသည်။
မြန်မာနိုင်ငံတစ်ဝန်းမှ professional အဆင့်ရှိ အလုပ်သမား အချို့အား Jobnet.com.mm က စစ်တမ်းကောက်ခဲ့ရာ ၉၅ ရာခိုင်နှုန်းသည် လုပ်ငန်းခွင်စိတ်ဖိစီးမှု များရှိနေသည်ဟုဖြေကြားခဲ့ကြောင်း၊ စိတ်ဖိစီးမှုများအနက် လစာဝင်ငွေ ကြောင့်ဖြစ်ရသော စိတ်ဖိစီးမှုသည် အများဆုံးဖြစ်နေပြီး ၃၁ ဒသမ ၇ ရာခိုင်နှုန်းရှိနေကြောင်း သိရသည်။
ထိုင်းကုမ္ပဏီတစ်ခုဖြစ်သော INTAGE ကုမ္ပဏီမှ ကောက်ယူခဲ့သည့်စစ်တမ်းအရ ထိုင်းအလုပ်သမားများ၏ ၅ဝ ရာခိုင်နှုန်းသည် လည်းကောင်း၊ စင်ကာပူနိုင်ငံ Working in Asia စစ်တမ်းအရ ဖြေဆိုသူများ၏ ၅၂ ရာခိုင်နှုန်း သည်လည်းကောင်း စိတ်ဖိစီးမှုခံ စားနေရသည်ဟုဖြေဆိုကြကြောင်း၊ ထိုအချက်အလက်များနှင့် နှိုင်း ယှဉ်ပါက မြန်မာနိုင်ငံ၏လုပ်ငန်း ခွင်စိတ်ဖိစီးမှုရာခိုင်နှုန်း ကြီးမြင့် နေမှုအတွက် စဉ်းစားရန်လိုအပ်လာပြီဖြစ်ကြောင်း Jobnet.com.mm မှ သိရသည်။
Jobnet.com.mm သည် အဆိုပါစစ်တမ်းကိုအွန်လိုင်းမှ တစ်ဆင့်ကောက်ယူခဲ့ခြင်းဖြစ်ပြီး အဆိုပါစစ်တမ်းတွင် လုပ်ငန်းခွင် စိတ်ဖိစီးမှုများစေသောအချက် များအဖြစ် လုပ်ကိုင်ရသောအလုပ် ပမာဏ၊ အထက်လူကြီး၊ ကန့်သတ် ချိန်များအတွင်း ပြီးစီးအောင်လုပ် ကိုင်ရခြင်း၊လုပ်ဖော်ကိုင်ဖက်များ၊ မိသားစုရေးရာများ၊ လစာဝင်ငွေ၊ လမ်းကြောကျပ်ခြင်းနှင့် ကျန်းမာ ရေးမကောင်းခြင်း စသောအချက် များ ထည့်သွင်းကာ ကောက်ယူခဲ့ခြင်းဖြစ်ကြောင်း သိရသည်။ Jobnet.com.mm သည် အလုပ်အကိုင် အခွင့်အလမ်းများစွာ ရှာဖွေနိုင်သော ဝက်ဘ်ဆိုက်တစ်ခု ဖြစ်ပြီး ရန်ကုန်၊ မန္တလေး၊ နေပြည် တော်နှင့် အခြားမြို့ကြီးများရှိ အလုပ်အကိုင် အခွင့်အလမ်းများကို အဆိုပါဝက်ဘ်ဆိုက်တွင် ရှာဖွေကြည့်ရှုနိုင်ကြောင်းသိရသည်။
