အပေးအယူ မဟာဗျူဟာနှင့် ငြိမ်းချမ်းရေး (အယ်ဒီတာ့အာဘော်)

အပေးအယူ မဟာဗျူဟာနှင့် ငြိမ်းချမ်းရေး (အယ်ဒီတာ့အာဘော်)
January 25, 2017 Asian Fame

1:51 pm
အပေးအယူ မဟာဗျူဟာနှင့် ငြိမ်းချမ်းရေး (အယ်ဒီတာ့အာဘော်)

နိုင်ငံတစ်နိုင်ငံ ဘက်စုံ၊ ကဏ္ဍစုံဖွံ့ဖြိုးတိုးတက်လာစေရန်အတွက် လက်နက်ကိုင် ပဋိပက္ခချုပ်ငြိမ်းရေးနှင့် ငြိမ်းချမ်းရေးသည် အရေးပါသောအခန်းကဏ္ဍမှ ပါဝင်နေ သည်။ လက်ရှိအစိုးရလက်ထက်တွင် ငြိမ်းချမ်းရေးကို အထူးအလေးပေးဆောင်ရွက်သည့်အနေဖြင့် ၂၁ ပင်လုံညီလာခံကြီးကိုကျင်းပကာ အရှိန်အဟုန်မြှင့်ဆောင်ရွက်ခဲ့ သော်လည်း လက်ရှိအချိန်အထိ မျှော်မှန်းထားသလောက် ခရီးမပေါက်နိုင်ဘဲရှိနေသည်။

ယခုလ ၂၃ ရက်နေ့တွင် နေပြည်တော် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန အစည်းအဝေးခန်းမ၌ကျင်းပသော တစ်နိုင်ငံလုံး ပစ်ခတ်တိုက် ခိုက်မှုရပ်စဲရေးသဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများမှ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ ခေါင်း ဆောင်များနှင့် တွေ့ဆုံရာတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ‘ယုံကြည်မှုတည်ဆောက်ရေး’တွင် ပထမဆုံးအနေဖြင့် မိမိကိုယ်ကိုယ် ယုံကြည်မှုရှိရန် အထူးအရေးကြီးကြောင်း၊ မြန်မာနိုင်ငံ၏ ငြိမ်းချမ်းရေးလုပ်ငန်းစဉ်အတွင်း ဝင်ရောက် ရန်အတွက် မိမိကိုယ်ကိုယ် ယုံကြည်မှု ရှိရန်လိုအပ်ကြောင်းနှင့် ငြိမ်းချမ်းရေးမရရှိဘဲ အချိန်ကြာမြင့်နေပါက တိုင်းပြည်နှင့်လူထုနစ်နာမည်ဖြစ်ကြောင်း တိုက်တွန်းပြောကြား သွားခဲ့ပါသည်။

လတ်တလောတွင် မြန်မာနိုင်ငံမြောက်ပိုင်းဒေသ မျက်နှာစာအချို့တွင် ဖြစ်ပေါ် နေသော တစ်ကျော့ပြန်တိုက်ပွဲများကြောင့် အဆိုးဘက်သို့ ဦးတည်မသွားစေရေးနှင့် ငြိမ်းချမ်းရေးလမ်းကြောင်းပေါ်သို့ ရောက်ရှိလာရေးအတွက် ပါဝင်သူအားလုံးတွင် တာဝန်ရှိသည်မှန်သော်လည်း နိုင်ငံရေးအရ သြဇာကြီးမားသူတို့၏ စေတနာပါပါ ချဉ်းကပ်မှု၊ စိတ်ရှည်သည်းခံမှု၊ အမြော်အမြင်ကြီးမားမှု၊ မဟာဗျူဟာကျကျ ထိန်းကျောင်းနိုင်မှုတို့သည် ပိုမိုအရေးပါလျက်ရှိသည်။

ဤနေရာတွင် အမေရိကန် သင်္ချာနှင့်ဘောဂဗေဒပညာရှင် ဂျွန်နက်ရှ် (John Forbes Nash) ၏ ဂိမ်းသီအိုရီကို အနည်းငယ်ကောက်နုတ်ဖော်ပြလို၏။ သူသည် ထိုဂိမ်းသီအိုရီနှင့် ၁၉၉၄ ခုနှစ်တွင် ဘောဂဗေဒဆိုင်ရာ နိုဘယ်ဆုကို ရရှိခဲ့သည်။ ပထမပိုင်းတွင် ဂိမ်းသီအိုရီကို သင်္ချာဆိုင်ရာဆင်ခြင်နည်းတစ်ခုအနေနှင့်သာ အသုံး ပြုခဲ့ပြီး နောက်ပိုင်းတွင် စီးပွားရေးနယ်ပယ်များတွင်သာမက နိုင်ငံရေးမျက်နှာစာထိ အသုံးဝင်မှုများရှိလာကာ ယခုအခါ ကမ္ဘာ့အင်အားကြီးနိုင်ငံကြီးများ၏ ထိပ်သီးဆွေးနွေး ပွဲများအထိပင် ဂိမ်းသီအိုရီကိုအခြေခံသည့် မဟာဗျူဟာအခင်းအကျင်းများဖြင့် အရေးပါသော သဘောတူညီချက်များကိုပင် ချမှတ်နိုင်သည်အထိ ကျယ်ပြန့်လာခဲ့ပါသည်။

ဂိမ်းသီအိုရီတွင် သုညဂိမ်း (Non Zero-Sum Game) နှင့်သုညမဟုတ်သောဂိမ်း (Zero-Sum Game) ဆိုသည့် အခြေခံဂိမ်း (၂)မျိုးပါရှိ၏။ သုညဂိမ်းဆိုသည်မှာ တစ်ဖက်က နိုင်လျှင် အခြားတစ်ဖက်က ရှုံးဆိုသည့် အရှုံးအနိုင်အဖြေရှိသော ဂိမ်းအမျိုးအစား ဖြစ်ပါသည်။ ရှုံးသူနှင့်နိုင်သူတို့၏ အနိုင်အရှုံးကို ချေလိုက်လျှင် ရလဒ်သည် သုညဖြစ်ပြီး ဂိမ်းတစ်ခုလုံးအနေနှင့်ခြုံကြည့်လျှင် တစ်ဖက်ကအရှုံးဖြစ်နေသည့်အတွက် ပဋိပက္ခအသွင်ဆောင်သည့်ရလဒ်ဖြစ်ပြီး အကျိုးမများဟု ဆိုပါသည်။ ဒုတိယဂိမ်းအမျိုးအစား ဖြစ်သည့် သုညမဟုတ်သည့်ဂိမ်း၏သဘောမှာမူ နှစ်ဖက်စလုံးနိုင်လျှင်နိုင် (win-win) သို့တည်းမဟုတ် နှစ်ဖက်စလုံးရှုံး (lost-lost) ဆိုသည့် ရလဒ်မျိုးထွက်သည့် ဂိမ်းအမျိုးအစားဖြစ်ပါသည်။ ကောင်းကျိုး သို့မဟုတ် ဆိုးကျိုးတစ်ခုခု ရလဒ်ထွက်သည့်အတွက် အဖြေသုညမဟုတ်သောကြောင့် သုညမဟုတ်သောဂိမ်းဟု ခေါ်ဝေါ်ခြင်းဖြစ်ပါသည်။

ဂိမိးသီအိုရီကို လက်တွေ့နိုင်ငံရေးနယ်ပယ်၌ အသုံးချရာတွင် နှစ်ဖက်ပါဝင် သူတို့က တစ်ဖက်ကနိုင်လျှင် တစ်ဖက်ကရှုံးဆိုသည့် သုညဂိမ်းပုံစံမျိုးမသွားဘဲ သုည မဟုတ်သောဂိမ်းမှ နှစ်ဖက်စလုံးအနိုင်ရမည့် win-win အခြေအနေသို့ ဦးတည်သွား စေရေး ဆောင်ရွက်သွားကြရမည်ဖြစ်ပါသည်။ ဤနေရာတွင် ဂျွန်နက်ရှ်၏ မဟာဗျူ ဟာတစ်ခုဖြစ်သည့် အပေးအယူမဟာဗျူဟာ (Bargaining Strategy)သည် နာမည် ကျော်ကြားလှပါသည်။ Bargaining သည်နှစ်ဖက်စလုံး မနစ်နာစေဘဲ အဆင်ပြေ စေမည့် သုညမဟုတ်သောဂိမ်းအမျိုးအစားဖြစ်ပါသည်။ သို့ဖြစ်ပါသောကြောင့် ထိပ် တိုက်ရင်ဆိုင်သောနည်း၊ တိုက်ပွဲပုံစံနည်း၊ တောင်းဆိုချက်နည်းများဖြင့် ချဉ်းကပ်ပါ ကအောင်မြင်မှုဆီ ဦးတည်မသွားနိုင်ဘဲ၊ အပြန်အလှန်အဆိုပြုမှုများကို အပေးအယူ မျှမျှဖြင့် ညှိနှိုင်းသောနည်းဖြင့်သာ အဖြေရှာနိုင်မည်ဟု သီအိုရီသဘောက ဆိုပါသည်။

လက်ရှိဆောင်ရွက်နေသော ငြိမ်းချမ်းရေးလမ်းစဉ်တွင်ဖြစ်ပေါ်နေသည့် ပဋိပက္ခ အသွင် ဆောင်သော ပွတ်တိုက်မှုများကို ဂိမ်းငယ်လေးများဟု ယူဆသော် မျက်နှာစာ အသီးသီးရှိနှစ်ဖက်ပါဝင်သူများ ဂိမ်းကိုအနိုင်ကစားနိုင်မှု၊ အစိုးရတိုင်းရင်းသားလက် နက်ကိုင်ခေါင်းဆောင်များအပါအဝင် နိုင်ငံရေးသြဇာကြီးသူတို့ က မဟာဗျူဟာကျကျ ထိန်းကျောင်းနိုင်မှုတို့သည်သာလျှင် တိုင်းပြည်၏ အနာဂတ်ဖြစ်ပါကြောင်း ရေးသား ဖော်ပြအပ်ပါသည်။

အယ်ဒီတာ

Comments (0)

Leave a reply

Your email address will not be published. Required fields are marked *

*