ယူအက်စ်-တရုတ်မဟာဗျူဟာမြောက်ဆက်ဆံရေး-၃ (ဖြစ်သင့်ရာကို စီစဉ်ဆောင်ရွက်ရေးလိုအပ်ချက်)

ယူအက်စ်-တရုတ်မဟာဗျူဟာမြောက်ဆက်ဆံရေး-၃ (ဖြစ်သင့်ရာကို စီစဉ်ဆောင်ရွက်ရေးလိုအပ်ချက်)
December 22, 2016 Asian Fame

11:26 am
ယူအက်စ်-တရုတ်မဟာဗျူဟာမြောက်ဆက်ဆံရေး-၃ (ဖြစ်သင့်ရာကို စီစဉ်ဆောင်ရွက်ရေးလိုအပ်ချက်)

mint

ခေါင်းစဉ်တပ် အကြောင်းအရာ၏ နက်နဲမှုနှင့်သက်ရောက်ချက်က တစ်ကမ္ဘာလုံးနှင့် ဆက်စပ်သက်ဆိုင်နေသောကြောင့် အပြုသဘောဘက်မှ ရည်ရွယ်ဆွေးနွေး နေကြရခြင်းဖြစ်သည်ဆိုရာ၌ ရှောင်လွှဲမရ(နိုင်)သော လုပ်ရပ်ဖြစ်ရပ်အကျိုးဆက် တွေလည်း မကြာခင်ကရော၊ ယခုပါ ရှိ သည်။ နောင်လည်းရှိမည်ပင်။ စူပါပါဝါနှင့် ဂရိတ်ပါဝါနံပါတ်ဝမ်းတို့ အကျိုးစီးပွားပြိုင် ဆိုင်ရာဆိုခြင်း၌ အဆိုးဘက်က ကြည့်သူများပြားလွန်းနေသည်ကလည်းပြောစရာ သိပ်မရှိလှ။ နိုင်ငံတကာစနစ် (Interna-tional System) တစ်ရပ်ကို ပြန်လည်မျှတ ပြေပြစ်ကောင်းမွန်စေရေး လိုအပ်ချက်ကလည်း အတော့်ကိုကြီးမားလှပြီး တကယ်တမ်းလည်း လုပ်ကြသင့်နေချိန်ဖြစ်၏။ ဒါ ကို အိုဘားမားရော၊ ရှိကျင်းဖျင်ပါသဘောပေါက် ကောင်းစွာနားလည်ပြီးတူရာမှ ညှိယူလာနေကြကြောင်း နောက်ဆုံး သုံးနှစ်လောက်အတွင်း အတော်ထင်ရှား ပါ၏။ သို့ငြား သူတို့ ပြည်တွင်းအမြင်တွေမှာလည်း မကြည်လင်တာတွေများလှသလို ကမ္ဘာ့နိုင်ငံရေးထိပ်သီးပုဂ္ဂိုလ် တချို့မှလွဲ၍ အတော်များများကလည်း စကားနာထိုးကြ၏။ တရုတ်က’လွန်’တာများပြီး အိုဘားမားက ‘ပျော့’သည်ဆို၏။ ထားပါတော့။ လူ့အဖွဲ့အစည်းတစ်ရပ်လုံး (The Whole) ဟုခြုံယူကြည့်လိုက်လျှင် အပြုထက်အဖျက်ဆောင်လိုသူတွေသာ ခပ်ပေါ ပေါများများ တွေ့လာကြရသည့်ကာလ။ ကိုယ့်နိုင်ငံမှာလည်း…။

အာရှ-ဖစိဖိတ်လုံခြုံရေးအကြောင်းအရာ နိဒါန်းမျှတို့ ထိပြခဲ့ပြီးပါပြီ။ မြောက်ကိုရီးယားနျူကိစ္စက ထိတ်လန့်စရာ။ တောင်တရုတ်ပင်လယ် အငြင်းပွားမှုက ကုန်သွယ် ရေကြောင်း ဥပဒေပိုင်းအားနည်းချက်နှင့် စိုးမိုးရေးမှာ ဦးသူအသာယူချက်တွေ ထင်ရှားနေ၏။ အရှေ့တရုတ်ပင်လယ်အရေး …။ လတ်တလော အတော်ပူညံ ပူညံ တွေဖြစ်နေ၏။ ကြားထဲမှာ ဦးခေါင်းနှစ်လုံး လင်းယုန်ကြီး ရုရှားအဓိပတိသမ္မတပူတင် က ကမ္ဘာ့သြဇာအကြီးဆုံး ပုဂ္ဂိုလ်အဖြစ် နံ ပါတ်’တစ်’ စွဲနေကြောင်း ထုတ်ပြန်ချက်တွေ အပြိုင်အဆိုင်။ သူ့ကို မေ့မထားကြဖို့ မီဒီ ယာတွေက ဆော်သြနေကြောင်းဟုပင် ပြောရတော့မလိုလို။ တကယ်တမ်းလည်း ”စစ်အေးသစ်” (New Cold War) ဟူသော ခေါင်းစဉ်တစ်ရပ် အတော်ပေါ်ထွက်နေတာ နှစ်နှစ်လောက်ရှိလာပြီး ယခုကာလပိုင်းမှာ (အထူးသဖြင့် အနောက်ဥရောပ၌) ပြန်ကျယ်လောင်လာနေပြန်ပါ၏။ အလျဉ်း သင့်ချိန်သီးခြားဆွေးနွေးပါဦးမည်။ ပူတင်ကို ကမ္ဘာက အတော်လန့်ပါသည်။

ပစိဖိတ်ဖြတ်ကျော် မိတ်ဖက်အဖွဲ့ (IPP-Trans Pacific Partnership) သည် အိုဘားမားနှင့်အတူ တစ်ခန်းရပ်ဇာတ်သိမ်းသွားပြီဟု ထင်မြင်ယူဆချက်က ဒေါ်နယ် ထရမ့်အနိုင်ရပြီးနောက်ပိုင်း ပိုမိုကျယ်ပြန့် လာနေခဲ့ရာမှ စိတ်ဒုန်းဒုန်းချလိုက်၊ ပြီးသွားပြီဆိုသော အနေအထားပင် ရောက်လာ၏။ ဒေသတွင်းသော့ချက်ကျ ကီးပ လေယာများဖြစ်ကြသော ဂျပန်၊ တောင် ကိုရီးယား၊ ဖိလစ်ပိုင်၊ သြစတြေးလျ၊ ထိုင်ဝမ်တို့ကိုလည်း သည်အတိုင်း ဇာတ်မျောကြီးဟု ယူဆလိုက်ကြလျှင်တော့ အာရှ၏ ဒီမိုကရေစီ ရေခံမြေခံတွေပါ မြောင်းထဲသွန်ချလိုက်သလို ဖြစ်သွားကြပေတော့မည်။ သတိကြီးကြပါကုန်။ ဂလိုဘယ်အမြင်အရ၊ ဂလိုဘယ် နိုင်ငံရေးအရ တရုတ်၊ ရုရှား(တည့်သည်၊ မတည့်သည်ကို ယတိပြတ်တစ်ချက်တည်း ဆုံးဖြတ်၍ မရပါ။) အောက်တိုကရေစီ Autocratic အကြောင်း အရာကြီး နှစ်ရပ်၊ နိုင်ငံတွေက ကမ္ဘာ့မြေ ကြီးတစ်ဝက်နီးပါးရှိ၏။ ဒီမိုဂရပ်ဖီတွေ ပြန်လေ့လာကြဖို့လိုမည်။ လူဦးရေ၊ ပညာရေး၊၊ သက်တမ်း…။

နောက်တစ်ချက်က ရုရှားသည် အာရှ-ပစိဖိတ်ကိစ္စမှာ သိပ်ဝင်ရောက်လေ့မရှိ။ အမှန်ပြောရလျှင် ဥရောပနှင့်သာ နပမ်း လုံးနေဖွယ် မြင်နေကြရသော်လည်း ရုရှား လင်းယုန်၏ ဦးခေါင်းတစ်လုံးမှာ အာရှ ဖြစ်ကြောင်း မပြတ်သတိပြုကြရမည့်အစား ဤဒေသအကြောင်းအရာများ၌ ပူတင်ကို လျှော့တွက်နေတတ်ကြသည်။ အပြုသ ဘောမဆောင်ပါ။ လတ်တလောအရေး ကြီးသည်က ယူအက်စ်- ရုရှားမဟုတ်ဟု ယတိပြတ် ပြောနိုင်မည်ဟု ယူဆသလား။ တရုတ်-ရုရှား မဟုတ်ဟုရော ပြောနိုင် သည်လား။ ယူအက်စ်- တရုတ်ကိစ္စကို ကမ္ဘာ့အပြိုင်အဆိုင် အရှိဆုံးဟု မြင်ကြရာ၌ စီးပွားရေးကသာ အများစုနေရာယူထား ပါ၏။ ၅၁ အချိုးမဟုတ်။ ၈ဝ ရာခိုင်နှုန်း ဖြစ်၏။ ယခုဆယ်စုနှစ်ပိုင်း တရုတ်စစ်ရေး ကြီးထွားလာခြင်းနှင့်အပြိုင် ဂျပန်၏ ကာကွယ်ရေးဘတ်ဂျက်နှင့် ကြီးထွားမှု ပမာဏ ကို ဆန်းစစ်ထည့်ပြောလာသူတွေ ရှိသော်လည်း အာရှ-ပစိဖိတ်ဒေသခေါင်းစဉ်အောက် မှာပဲရှိနေ၏။ ယခု စာတမ်းဆောင်းပါးသည်ပင် ဤခေါင်းစဉ်အောက်မှပဲ လာနေ ရေးနေသည်ဖြစ်ရာ ဒါကိုချည်းသက်သက် ပဲတော့ ဂလိုဘယ်နိုင်ငံရေး ပါဝါသုံးမျိုး ကစားကွက်တွေနှင့် ဆက်စပ်ကြည့်ရုံမျှသာ ဖြစ်ဦးမည်။ ကြီးမားသောအစိတ်အပိုင်းဟု ယူနိုင်ငြားကျန်နေသည့် အာရှအော်တိုက ရက်ရုရှားအကြောင်း မေ့မထားစေလိုပါ။ အာရှဒီမိုကရေစီနှင့် လစ်ဘရယ်ဈေးကွက် စီးပွားရေကို မလွဲမသွေ တာဝန်ယူလာရ သော ဂျပန်စစ်အခန်းကဏ္ဍအပေါ် ပူတင် သိပ်သဘောမတွေ့ကြောင်း သတိထားမိ တာ ၂ နှစ်ကျော် ၃ နှစ်ခန့်ရှိလာခဲ့ပြီဖြစ်ပါ၏။

ထို့ကြောင့်လည်း အာရှ-ပစိဖိတ် လုံ ခြုံရေး အကျပ်သည် ထိုထိုဆက်ဆံရေးများ စွာကြားထဲ၌ ”သြဇာလွှမ်းမိုးမှု” (Influe-nce)၊ တစ်နည်းပြောရပါက ကျွမ်းကျင်ပိုင် နိုင်မှုတွေဖြင့် တိုက်ရိုက်ချိတ်ဆက်လိုအပ်ပတ်သက်မှု ပို၍မြင့်မားချွန်မြတက်လာနေပါ၏။ အကြောက်တရားများသည် နှင်းဘောလုံး (Snow Ball)လို ဖြစ်သွားစေနိုင် ပါသည်ဟူသော အကောင်းမြင်ဘက်ကို ဘယ်လိုမျိုး ပိုရွေ့၊ ပိုအာမခံချက်ရှိရှိ ဖြစ် တည်လာနိုင်စေမည်လဲဆိုခြင်းက အဓိက မေးခွန်းဖြစ်လာနေသည်။ သို့မဟုတ်ပါက အန္တရာယ်ရောပြွမ်း မြန်ဆန်လှသော တုံ့ ပြန်ချက်တွေ ပြန်လည်လုပ်ဆောင်ချက်တွေနှင့် ပတ်ချာလည်ရိုက်နေသည့်ဤ ဒေ သ၊ ဤစက်ဝန်းကို Action-Reaction အနေအထားမှ ရုန်းမထွက်နိုင်သည့်အပြင် ပို၍တင်းမာလာစေနိုင်၏။ ဤနေရာမှာ ယူအက်စ်-တရုတ်မဟာဗျူဟာမြောက် ဆက်ဆံရေးကို ပို၍ မျှခြေညီ တည်ငြိမ်အောင် မြှင့်တင်လုံးပန်းနိုင်ဖို့ အရေးပိုပါလာကြောင်း သက်သေပြချက်၊ ကြံဆဆောင်ရွက်ချက် များ အပေါင်းလက္ခဏာပို့ဆောင်လာဖို့ လို အပ်ချက်ကြီးမား များပြားလာနေခြင်း… ဟု မြင်ကြရပါသည်။

ဖျားနာနေသော ကမ္ဘာလုံးဆိုင်ရာဖြစ် နိုင်ခြေများချည်းသာ အခြေခံတွေ့ရှိနေကြ ရခြင်းမှ ရုန်းထွက်နိုင်ကြဖို့ ရည်ရွယ်ယတိ ပြတ်ရှိရေးလိုအပ်လာသည်။ အနုတ်လက္ခ ဏာများကို ပြန်ပြောင်းဖို့လိုသည်။ သတိ ကြီးကြီးဖြင့် ”ဘက်” တွေအားလုံး အပြု ဆောင်ကာ ဆက်ဆံလာဖို့အတွက် ယူ အက်စ်-တရုတ်ကြားမှ ပြဿနာများကို စစ်စစ်မှန်မှန်သုံးသပ် ဖြေရှင်းရေးဆိုသည်က အိုဘားမား ဒုတိယသက်တမ်းစတင်ကတည်းက နှစ်ဘက်လုံး ရှေ့တန်းထားလာခဲ့ ခြင်းကြောင့် အဆင့်တစ်ဆင့်ဆီရောက်လာခဲ့ပြီဟုလည်း မြင်ကြရ၏။

အစောပိုင်းက ဆွေးနွေးထားပြီးခဲ့ သည့်အတိုင်း ယူအက်စ်နှင့် တရုတ်နှစ် နိုင်ငံသည် တစ်စိတ်တပိုင်းအားဖြင့် ကြည့် ပါက မိတ်ဆွေများ၊ အခြားဘက်က ကြည့် လျှင် ပြိုင်ဘက်များ..ဟူသော ပါရာဒိုင်း က စတင်ယူငင်ညှိကြည့်ကြရမည်ဖြစ်သည်။ ပြီးခဲ့သည့် ဆယ်စုနှစ်တစ်စုနီးပါးကာလ မှစ၍ ညှိနှိုင်းကြည့်မြင်တတ်ကြရဖို့ လိုအပ် သလို မျက်မှောက်ပြဿနာများ၊ အကျပ် အတည်းများနှင့် စိန်ခေါ်ချက်များအရာ၌ ယူအက်စ်အပြင် တရုတ်ဆီမှာလည်း လုပ် ပိုင်ခွင့်၊ သြဇာနှင့် တာဝန်အသီးသီးရှိနေ ကြကြောင်း အထင်အရှားဖြစ်ပါ၏။ ဤအ ချက်ကို အိုဘားမားရော၊ ရှီကျင်းဖျင်ပါ ကောင်းစွာ သိနားလည်ပြီးဖြစ်ငြား ထပ်မံ မြှင့်တင်ဖို့ ဆက်လက်ဆောင်ရွက်နိုင်ကြဖို့ လိုအပ်နေဆဲ၊ လိုအပ်ချက်များစွာကလည်း ပေါ်ပေါက်လာနေဆဲ ဖြစ်၏။

နှစ်ပတ်ဆက်အကြောင်းအရာနှင့် တုံ့ပြန်သက်ရောက်မှုတချို့

ထိုင်ဝမ်(တရုတ်တိုင်ပေ)သမ္မတကို လွန် ခဲ့သော နှစ်ပတ်လောက်က ဒေါ်နယ်ထရမ့် ဖုန်းဆက်တိုက်ရိုက်ပြောခဲ့၏။ Formal မ ဖြစ်သောပုံစံကို တရုတ်ကလည်း အလား တူပဲကန့်ကွက်ပြခဲ့သည်။ ယခုတော့တရုတ် နိုင်ငံခြားရေးဝန်ကြီးဝမ်ရီက တရားဝင်ကန့် ကွက် စကားဆိုလိုက်ခဲ့ပါ၏။ ထို့ထက်ပို ထူးခြားသည်ကတော့ လက်ရှိသမ္မတအို ဘားမားက ထိုင်ဝမ်ကိစ္စကို ပေါ့သေးသေးထင်ပြီး ဗလရွှတ်တတွေ ဒေါ်နယ်ထရမ့် ထပ်မပြော၊ ထပ်မလုပ်စေချင်သည်လား။ တရုတ်ကို နားချရင်း ပန်ကြားသည်လား၊ နှစ်ခုလုံးပဲလား.. ရည်ရွယ်ချက် အမျိုးမျိုး အပြုသဘောဆောင်သော တရုတ် တစ်ပြည် ထောင်တည်း မူဝါဒ အပေါ် ယူအက်စ်၏ ရပ်တည်ချက် မှာ လက်ရှိအတိုင်းဖြစ်ပြီး အလေးအနက်လည်းထားရမည်ဟု ဖျန်ဖြေပေးသလိုပြောခဲ့ရပါ၏။

ဤကိစ္စ၏ နောက် ဆက်တွဲ တုံ့ပြန်မှုပဲလားဟု ထင် မြင်ယူဆချင်စရာရှိပြီး ကမ္ဘာကလည်း ခပ်ကျယ်ကျယ် ဝေဖန်ကြသည့် ဖြစ်ရပ် က တရုတ်စစ်လက်နက် အပြည့်အ စုံ၊ လက်နက်အစစ်များ၊ လေယာဉ်တင်သင်္ဘောကြီး အပါအဝင်စစ်ရေးလေ့ကျင့်မှု ဖြစ်၏။ သတင်းတွေထဲမှာ အကျယ်တပြန့် ဖတ်ရ၊ သိကြရပြီးဖြစ်ပါလိမ့်မည်။ အကျယ် ချဲ့မရေးတော့ပါ။ တရုတ်အစိုးရကတော့ ကြိုတင်ပြင်ဆင်ထားသည့်အတိုင်းလုပ်သည်ဟု ပြောသလိုရှိငြား အချိန်အခါက တိုက်ဆိုင်နေခြင်းကတော့ သိပ်အမြင်မကောင်းလှပါ။

ယူအက်စ်-တရုတ်မဟာဗျူဟာမြောက် ဆက်ဆံရေးကို အစွမ်းကုန်(အပြုသဘော၊ ကမ္ဘာလွှမ်းခြုံ တာဝန်သိ၊ ယူမှု သဘောဆီ အထိရောက်အောင်) နှစ်ဖက်လုံးမှ ချိန်ညှိ ကြရေးတွင် စီးပွားရေးတစ်ခုတည်း ဇောင်း ပေး၍ မရတော့ချိန်ဆိုသည်ကို သဘော ပေါက်ထားသူများပြားပါလိမ့်မည်။ လုံခြုံ ရေးပဏာမ၌ပင် ပမာဏက စကားအ တော် ပြောလာပေလိမ့်မည်။ ဤအတွက် ဖြစ်နိုင်ခြေအရှိဆုံးအစီအစဉ် အနေအ ထားများ ဖန်တီးတည်ဆောက် လုပ်ယူ နိုင်ကြရေးလည်း အထူးအရေးပါလာနေ၏။

ဤအာရှ-ပစိဖိတ်-ယူအက်စ်ဆိုင်ရာ ဒေသကြီးထဲတွင် နှစ်ဖက်လုံးမှအထူးသတိ ကြီးကြီးထား ချဉ်းကပ်၍ ပူးပေါင်း၍ ညှိနှိုင်း၍ အပေးအယူ မျှမျှတတရှိရေး ဦး ဆောင်ပေးကြရမည့် ဒေသခွဲ လေးခုရှိ သည်။ ဖြစ်ရပ်(သို့မဟုတ်) အကြောင်းအ ရာ လေးရပ်၊ လေးမျိုးဟုလည်း ယူဆနိုင် ၏၊ စစ်ရေးပါဝါတွေနှင့်ပါ တိုက်ရိုက်သက် ဆိုင်နေပြီး စီးပွားရေးကိစ္စများလည်း ပူး တွဲယှက်နွယ်နေ၏။ (၁) ကိုရီးယားကျွန်း ဆွယ်၊ (၂) ထိုင်ဝမ်အရေး၌ ချဉ်းကပ်ပုံ နည်းလမ်းသစ်ရှာဖွေမှု၊ (၃) အရှေ့တရုတ် ပင်လယ်ရေပိုင်နက်များ။ (၄) တောင်တ ရုတ်ပင်လယ်၏ ယေဘုယျဒေသန္တရဆိုင်ရာ(များ)ဟု ရှင်းရှင်းလင်းလင်းကြီး ထွက် ပေါ်လာပါသည်။ ရင့်ကျက်၍ သဘော ထားကြီးသည့် ဥာဏ်ပညာပိုင်းမှ ချဉ်းကပ်နိုင်ကြဖို့ အထူးလိုအပ်ချက်ရှိလာ၍ ပညာရပ်များဆိုင်ရာရှုထောင့်တွေလည်း ပါဝင်လာတော့သည်။ နိုင်ငံရေး ယဉ်ကျေးမှု (Political Culture) တစ်ရပ်ထူထောင်ကြရမည့် အချိန်ကာလဖြစ်လာ၏။ ။

မင်းတင်

Comments (0)

Leave a reply

Your email address will not be published. Required fields are marked *

*