ဆေးလိပ်သောက်သုံးမှုကို ထိန်းချုပ်မည်ဆိုလျှင်

ဆေးလိပ်သောက်သုံးမှုကို ထိန်းချုပ်မည်ဆိုလျှင်
October 19, 2016 Asian Fame

11:15 am
ဆေးလိပ်သောက်သုံးမှုကို ထိန်းချုပ်မည်ဆိုလျှင်
In Articles

ဆေးလိပ်သောက်သုံးမှုကို ထိန်းချုပ်မည်ဆိုလျှင်

may-phyo-khin

မြန်မာနိုင်ငံတွင် ကျန်းမာရေးဝန်ကြီးဌာနမှ ထုတ်ပြန်ချက်များအ ရ ၂ဝ၁၄ ခုနှစ်တွင် ဆေးလိပ်သောက်သုံးသူများနှင့် ကွမ်းစားသူ များအား လေ့လာခဲ့ရာတွင် ဆေးလိပ်သောက်သုံးမှု ရာခိုင်နှုန်း ၂၆ ဒသမ ၁ ရာခိုင်နှုန်းရှိပြီး အမျိုးသားများ၏ ၄၃ ဒသမ ၈ ရာခိုင်နှုန်းနှင့် အမျိုးသမီးများ၏ ၈ ဒသမ ၄ ရာခိုင်နှုန်းသည် ဆေးလိပ်သောက်သူများဖြစ်သည်ကို တွေ့ရှိရသည်။ ထိုအထဲမှ ၈ဝ ရာခိုင်နှုန်းသည် နေ့စဉ် ဆေးလိပ်သောက်သုံးနေကြသူများဖြစ်ကြသည်။

မြန်မာနိုင်ငံ၏ ကျန်းမာရေး ကြေညာချက်စာတမ်းများအရ ခံတွင်းကင်ဆာဖြစ်စေသော အကြောင်းအရာများတွင် ဆေးလိပ် သောက်ခြင်း၊ ကွမ်းစားခြင်း၊ ကွမ်းနှင့် ဆေးရွက်ကြီးငုံခြင်း၊ အရက်သောက်ခြင်း၊ ချွန်ထက် သော သွားများနှင့် အစဉ်အမြဲ ထိ ခိုက်နေခြင်း၊ ခံတွင်းသန့်ရှင်းမှု မရှိခြင်း၊ ဗီတာမင်အေနှင့် စီချို့တဲ့ ခြင်း အစရှိသည်တို့ဖြစ်သည်။ အဓိကအကြောင်းရင်းမှာ ကွမ်းစားခြင်း၊ ဆေးလိပ်သောက်ခြင်းစသော အန္တရာယ်အပြုအမူများ ဖြစ်ကြောင်း ပါရှိသည်။

”ဆေးရုံတွေမှာတော့ ဆေးလိပ်၊ ဆေးရွက်ကြီးနဲ့ ပတ်သက်ပြီး ဟောပြောပွဲတွေ အမြဲတမ်းလုပ်ပါ တယ်။ နယ်တွေမှာလည်း သွား လုပ်ဖြစ်ပါတယ်”ဟု အင်းစိန်ပြည် သူ့ဆေးရုံကြီးမှ အထူးကု ဆရာဝန် ကြီး (ဆေးပညာ)ဒေါက်တာ ဒေါ် တင့်တင့်ကြည်က ပြောကြားသည်။ ကျန်းမာရေးဝန်ကြီးဌာနအနေဖြင့် ဆေးလိပ်၊ ဆေးရွက်ကြီးတို့၏ အန္တ ရာယ်နှင့် ပတ်သက်၍ ပညာပေး လုပ်ငန်းများ အစဉ်တစိုက် ဆောင် ရွက်နေပြီး ပြည်သူ့ဆေးရုံများ၌ လည်း ဆေးလိပ်နှင့် ကွမ်းယာသုံး စွဲခြင်း စွဲလမ်းမှုကို ဖြတ်ပေးနေ ကြောင်း သိရသည်။

မြန်မာနိုင်ငံတွင် ဆေးလိပ် သောက်သုံးမှုဟုဆိုရာတွင် စီးက ရက်အပြင် ဆေးပေါ့လိပ်၊ ဆေး ပြင်းလိပ်၊ ဆေးတံ၊ ပွတ်ချွန်း သောက်သုံးမှုနှင့် ဝါးပြောင်းဖြင့် ရှု ခြင်းများလည်း ပါဝင်သည်။ ဆေး ရွက်ကြီး (သို့မဟုတ်) ဆေးပြင်း လိပ်ကို ကိုက်ဖဲ့၍ ငုံသည့်အကျင့် ဓလေ့များကိုလည်း တွေ့ရှိရသည်။ ပွတ်ချွန်းသောက်ခြင်းသည် အိမ် နီးချင်းနိုင်ငံတစ်ခုမှ ကူးစက်လာ သည့် ဓလေ့တစ်ခုဖြစ်ပြီး အနေ တော်ဖြတ်ထားသည့် သတင်းစာ စာရွက်(သို့) စက္ကူရွက်အတွင်းသို့ ဆေးမှုန့်ထည့်ကာ လက်ဖြင့် ကတော့ပုံသဏ္ဌာန်လိပ်ထားသည့် ဆေးလိပ်ဖြစ်သည်။ စက္ကူရွက်အစား ဖက်ကို အသုံးပြုသည်ကိုလည်း တွေ့နိုင်ပြီး ၎င်းဖက်လိပ်ပွတ်ချွန်းကို (ဘီဒီ)ဟုခေါ်ကြောင်း သိရသည်။ စက္ကူပွတ်ချွန်းကို ကျေးလက်တောနယ်၊ အစွန်အဖျားဒေသများတွင် အသုံးများပြီး ဘီဒီ ပွတ်ချွန်းကို မြို့ကြီးများတွင် ဝယ်ယူရရှိနိုင်ပါသည်။

မြန်မာနိုင်ငံတွင် ဆေးပေါ့လိပ်ကို အသေးစားနှင့် အလတ်စားလုပ်ငန်းများအဖြစ် ခရိုင်မြို့ကြီးများတွင် အများဆုံး လုပ်ကိုင်ကြ လေ့ရှိပြီး ဆေးပေါ့လိပ်ကို အခြေခံ လူတန်းစားအများအပြားနှင့် နယ် မြို့နယ်များ၊ ကျေးလက်ဒေသများတွင် စီးကရက်ထက် ပိုမိုနှစ်ခြိုက်စွာ သောက်သုံးနေကြကြောင်းကို တွေ့မြင်နေရသည်။ စီးကရက်တစ်လိပ်လျှင် အနည်းဆုံးငွေ ၁ဝဝ ကျပ် နီးပါးပေးရသော်လည်း ဆေးပေါ့လိပ်တစ်လိပ်လျှင် ငွေ ၅ဝ ကျပ်နီးပါးသာ ပေးရသောကြောင့် ဆေးပေါ့လိပ်သောက်နှုန်းမှာ အခြေခံ လူတန်းစားများအကြား များပြားခြင်းလည်း ဖြစ်ပေသည်။ သို့သော် ဆေးပေါ့လိပ် သောက်သုံးမှုနှုန်းမည်မျှရှိသည်ကိုမူ ကျန်းမာရေးဌာနမှ တရားဝင်စစ်တမ်းများ ကောက်ယူထားခြင်းမျိုး မရှိပေ။ FCTC Myanmar 2014 Report, ASEAN Tobacco Tax Report Card 2013 စစ်တမ်းများအရ မြန်မာနိုင်ငံတွင် ဆေးလိပ်သောက်သုံးခြင်း၏ ၈ဝ ရာခိုင်နှုန်းမှာ ဆေးပေါ့လိပ်ကို သောက်သုံးနေကြပြီး ၅ ရာခိုင်နှုန်းသည် ဆေးပြင်းလိပ်၊ ၆ ရာခိုင်နှုန်းသည် လက်လိပ်ဆေးလိပ်များနှင့် ကျန်ရှိသော ၉ ရာခိုင်နှုန်းသာလျှင် စီးကရက် သောက်သုံးခြင်း ဖြစ်ကြောင်း သိရသည်။

ထို့အတွက် ဆေးလိပ်သောက် နှုန်းအမှန်တကယ်ကျဆင်းလိုလျှင် မြန်မာနိုင်ငံ၏ ဆေးလိပ်ဈေးကွက်ကို လေ့လာပြီး ဆေးလိပ်စွဲနေသူ (သို့) သောက်သုံးသူ အမျိုးမျိုးကို လေ့လာဆန်းစစ်သင့်သည်။ မည်သည့် ဆေးလိပ်မျိုးကို သောက်သုံးသူအများဆုံးဖြစ်ကြောင်းနှင့် မည် သူတွေက အများဆုံး သုံးစွဲနေ ကြောင်းကို လေ့လာပြီး ထိုနေရာ များနှင့် ကိုက်ညီသင့်လျော်သည့် ပညာပေးမှုများ၊ တားမြစ်မှုများ၊ ထိန်းကျောင်းမှုများကို ဖော်ဆောင် လုပ်ကိုင်သင့်ပေသည်။

ဆေးလိပ်သောက်သုံးမှုကို လျော့ကျစေရန် ရည်ရွယ်ပြီး အခွန်အခနှုန်းထားများကိုလည်း နှစ်ကြိမ်တိုင်တိုင် တိုးမြှင့်ကောက်ခံခဲ့ခြင်းဖြစ်သည်။ အထူးကုန်စည် ဖြစ်သည့် ဆေးလိပ်များကို ကျ သင့်သည့် အထူးကုန်စည် အခွန် အခများ ပေးဆောင်စေပြီး အခွန် တံဆိပ်ခေါင်းများ ကပ်စေခြင်းဖြင့် တရားဝင် ထုတ်လုပ်များကို ထိန်း ကျောင်းကြပ်မတ်သည်ကို တွေ့လာရသည်။ သို့သော်လည်း အချို့ သော ဆေးပေါ့လိပ်ထုပ်များနှင့် ဆေးလိပ်အစည်းများတွင်မူ ယနေ့ တိုင် အခွန်တံဆိပ်ခေါင်းများ ကပ်ထားခြင်းကို မတွေ့ရချေ။ များသောအားဖြင့် အထူးကုန်စည်များ စာရင်းတွင် ပါဝင်သည့် ဆေးပေါ့ လိပ်ကို အိမ်တွင်းစက်မှု လက်မှု လုပ်ငန်းအနေဖြင့်လည်းကောင်း၊ တစ်နိုင်တစ်ပိုင် မိရိုးဖလာ လုပ်ငန်းအဖြစ်လည်းကောင်း လုပ်ကိုင် ကြသည့်အတွက် မည်မျှထုတ်လုပ်သည်၊ မည်ကဲ့သို့
အခွန်ဆောင်သည်ကို စောင့်ကြည့်ရန် ခက်ခဲလှသည်။ ယနေ့ထက်တိုင်လည်း ဆေးလိပ်သောက်နှုန်းကို မည်မျှထိ ထိရောက်စွာ လျော့ကျနိုင်ခဲ့သည်ဟူ၍ ထုတ်ပြန်ထားသည့် ကျန်းမာ ရေးဆိုင်ရာ စစ်တမ်းများကိုမူ မတွေ့ရှိရသေးပေ။

လက်ရှိတွင် ဆေးလိပ်သောက် သုံးမှုကို ထိန်းချုပ်ရန်အတွက် မြန်မာနိုင်ငံရှိ ဆေးလိပ်ထုပ်တိုင်းတွင် ကျန်းမာရေးအသိပညာပေး ရုပ်ပုံ နှင့် စာသားများကို ထည့်သွင်းရန် ယခုနှစ် ဖေဖော်ဝါရီလ ၂၉ ရက် က ကျန်းမာရေးဝန်ကြီးဌာနက အမိန့်ကြေညာစာ ထုတ်ပြန်ခဲ့ပြီး ၆ လအကြာ စက်တင်ဘာလ ၁ ရက် နေ့မှစတင်ကာ အကောင်အထည် ဖော်နေပြီဖြစ်သော်လည်း အကျိုးဆက်ကိုမူ ဆက်လက်စောင့်ကြည့်ရ မည်ဖြစ်သည်။ ထို့အပြင် အခြားသော ထိန်း ချုပ်မှုများအောက်မှ လွတ်မြောက် နေသော ကျန်းမာရေး အန္တရာယ်ကိုလည်း ထိခိုက်စေနိုင်သည့် ဆေးပေါ့လိပ်များနှင့် စစ်တမ်းများ အရ သုံးစွဲမှုမြင့်တက်နေသည့် အ ခြားသော ဆေးရွက်ကြီး ထုတ်ကုန်ဖြစ်သည့် ကွမ်းစားဆေး အမျိုးမျိုးကိုလည်း ကြပ်မတ်စောင့်ကြည့်ပြီး လိုအပ်သည့် ထိန်းကျောင်းမှုများကို လုပ်သင့်ပေသည်။ သို့မှသာ ဆေးလိပ်အမျိုးမျိုး သုံးစွဲနေကြသော ဆေးလိပ်သောက်သည့် အရေအတွက်မှာ ကျဆင်းလာနိုင်မည် ဖြစ်ပြီး လိုအပ်သည့် ထိန်းကျောင်းကြပ်မတ်မှု၊ ဆွေးနွေးတိုင်ပင် နှစ်သိမ့်မှု၊ ကူညီမှုတို့ကိုလည်း ပံ့ပိုးလုပ်ဆောင်နိုင်မည်ဖြစ်ကြောင်း တိုက်တွန်းလိုက်ရပါသည်။

မေဖြိုးခင်

Comments (0)

Leave a reply

Your email address will not be published. Required fields are marked *

*