တောမီး

တောမီး
July 18, 2016 Asian Fame

4:58 pm
တောမီး

tawmee

”ရှို့ပါ”

ကျွန်တော်တို့ဟာ ခပ်အအ တောမီးလေးတွေပါ။လျှပ်စစ်မီးနဲ့ရှို့လည်းလောင်ပါတယ်။ ဒါမှမဟုတ် ဖယောင်းတိုင်မီး နဲ့လည်း လောင်နိုင်ပါတယ်။ လမ်းရေလျှံလည်း မီးလောင်လွယ်ပါတယ်။ဓာတ်ကြိုးပြတ်ကျလည်း မီးလောင်လွယ်ပါတယ်။ အဝေးပြေးလမ်းကားမှောက်လည်း မီးလောင်တတ်ပါတယ်။ နိုင်ငံရေးနဲ့ရှို့လည်း မီးလောင်ပါတယ်။ဘာသာရေးနဲ့ဆို ပိုလို့ မီးလောင်လွယ်ပါတယ်။ ရှို့ကြပါ။ ကျွန်တော်တို့ဟာ မီး လောင်ရန်အသင့်ရှိတဲ့ တောမီး လေးတွေပါ။ ကျွန်တော်တို့ဟာ ဘာနဲ့ ရှို့ရှို့လောင်တတ်တဲ့ ခပ်အအ တောမီးလေးတွေပါ။ သူများလစာတိုးရင်တောင် မီးလောင်ဖို့အသင့်ပါ။ ကုန်ဈေးနှုန်းကြောင့်လည်း မီးလောင်ပါမယ်။အမှိုက်ကစလို့ ရှို့ရင်တောင် ပြာသာဒ်အထိ မီးလောင်တတ်ပါတယ်။ ဝါယာတစ်စက ဈေးတစ်ခုလုံး ပြာကျသည်အထိ မီးလောင်လွယ်ပါတယ်။ နိုင်ငံရေးနဲ့ရှို့လည်း မီးလောင်ပါတယ်။ ဘာသာရေးနဲ့ဆို ပိုလို့တောင် မီးလောင်လွယ်ပါတယ်။ ရှို့ပါ။ ကျွန်တော်တို့ဟာ အသိÓဏ်မဲ့တဲ့ ခပ်အအတောမီးလေးတွေပါ။လူတွေကလည်း ငရဲကျတဲ့ ဇာ မဏီငှက်လို ပြာကျနေတဲ့ မီးပုံထဲက ခုန်ခုန်ထနေတာလည်း မောလှပါပြီ။ မကြာခဏ ပြာပုံထဲက ခုန်ခုန်ထနေရလို့၊ တောင်ပံခပ်ရင်တောင် မီးတွေပွက်ပွက်ထ အန်ကျနေပါပြီ။ နေရာတကာလှိုက်လောင်နေရ လို့ ရင်ထဲမှာမီးစတွေလည်း အလိုလို ဖြစ်ထွန်းနေပါပြီ။နိုင်ငံရေးနဲ့ ရှို့ပါ။ ဘာသာရေးနဲ့ ရှို့ပါ။ ကျွန်တော်တို့ဟာ ခပ်အအ တောမီးလေးတွေ ဖြစ်သလိုလောင် တတ်ပါတယ်။ ရှို့ပါ။တောမီးစစ်စစ်ကလေးတွေပါ။ တောသားတွေ မသိနားမလည် သစ်ခုတ်လို့ တောပြုန်းတာပါ။ ကိစ္စ မရှိပါဘူး။ ထင်းမရှိရင်တောင် မီးက လောင်ပြီးသားပါ။ကန်စွန်းရွက်ဈေးနဲ့လည်း မီး လောင်တတ်ပါတယ်။ ဓာတ်တိုင်အောက်က ကလေးတစ်ယောက်ရေမသောက်ရရင်တောင် မီးလောင်ရန်အသင့်ပါ။တံတားတွေ နိမ့်နိမ့်သွားအောင် တောသားလေးတွေ မဆင်မခြင်အပေါ့စွန့်မိပါတယ်။ ဒါလည်း မီးလောင်ပါတယ်။ အပြော မကြီးပါဘူး။တောမီးစစ်စစ်ကလေးတွေပါ။ နှုတ်တစ်ရာ၊ စာတစ်လုံးက စလို့ တစ်ပြည်လုံး ပြာကျသည်အထိ လောင်တတ်ပါတယ်။ ငွေပုံပေါ်ထိုင်၊ ဘာတန်ဖိုးမရှိတဲ့ စကားတစ်လုံး ကြောင့်လည်း မီးလောင်တတ်တဲ့ ခပ်အအ တောမီးလေးတွေပါ။ ဘာဝတ်စုံညာဝတ်စုံနဲ့ ချွတ်ခြုံကျနေတဲ့ စကားနဲ့လည်းတာသွားအောင် လောင်လိုက်ပါရစေ။ ရှို့ပါ။ ကျွန်တော်တို့က ခပ်အအ တောမီးလေးတွေပါ။ ရင်ဘတ်စည်တီးပြီး ခပ်ကြီးကြီး လောင်လိုက်ချင်လို့ပါ။ ကျွန်တော်တို့က ခပ်အအ တောမီးစစ်စစ်လေးတွေပါ။

အကြည်တော်

Comments (0)

Leave a reply

Your email address will not be published. Required fields are marked *

*