ကရင်ပြည်နယ် ၊ မြဝတီမြို့နယ် ၊ မဲထော်သလေးကျေးရွာ အနီးရှိ KK Park တွင် အွန်လိုင်းလိမ်လည်မှုများ၊ အွန်လိုင်းလောင်းကစားမှုများနှင့် ဒုစရို-က်မှုများကျူးလွန်ခဲ့ကြသည့် ပြည်ပနိုင်ငံသားများကို စစ်ဆေးဖော်ထုတ်ကာ သက်ဆိုင်ရာနိုင်ငံများသို့ ပြန်လည်လွှဲပြောင်းပေးအပ်လျက်ရှိရာ ယနေ့ နိုဝင်ဘာလ (၁၁) ရက်တွင် ပြည်ပနိုင်ငံသား (၁၃၃) ဦးကို ထိုင်းနိုင်ငံမှတဆင့် သက်ဆိုင်ရာ နိုင်ငံများသို့ ပြန်လည်လွှဲပြောင်းပေးခဲ့သည်။
ယင်းသို့ လွှဲပြောင်းရာတွင် ဖိလစ်ပိုင်နိုင်ငံသား (၁၂၇) ဦး၊ ပါကစ္စတန်နိုင်ငံသား (၅) ဦး၊ ကာဇစ္စတန်နိုင်ငံသား (၁) ဦးတို့ကို မြန်မာနိုင်ငံဘက်မှ တပ်မတော် တာဝန်ရှိသူများ၊ မြန်မာ နိုင်ငံရဲတပ်ဖွဲ့၊ လ.ဝ.က နှင့် အုပ်ချုပ်ရေးအဖွဲ့တာဝန်ရှိသူများ ၊ ထိုင်း လ.ဝ.က နှင့် သက်ဆိုင်ရာနိုင်ငံ သံရုံးများမှ တာဝန်ရှိသူများက စိစစ်လွှဲပြောင်းလက်ခံမှုကို ဆောင်ရွက်ခဲ့ကြခြင်း ဖြစ်သည်။
KK Park နယ်မြေတွင် အွန်လိုင်းလောင်း ကစားမှုများ၊ အွန်လိုင်းလိမ်လည်မှုများ ကျူးလွန်ခဲ့ကြသည့် ပြည်ပနိုင်ငံသားများအား စစ်ဆေးဖော်ထုတ်ထိန်းသိမ်းခဲ့ရာ ၂၀၂၅ ခုနှစ် ဇ န်နဝါရီ (၃၀)ရက်မှ နိုဝင်ဘာ (၅) ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာသည့် စုစုပေါင်း ပြည်ပနိုင်ငံသား (၁၀၇၆၂)ဦးကို စစ်ဆေးဖော်ထုတ်ထိန်းသိမ်းနိုင်ခဲ့ကြောင်း သိရသည်။
၎င်းတို့အနက်မှ ယနေ့ နိုဝင်ဘာ (၁၁) ရက်အထိ ပြည်ပနိုင်ငံ သား (၉၅၃၆) ဦးကို ထိုင်းနိုင်ငံမှတဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့် အညီ စနစ်တကျ ပြည်နှင်လွှဲပြောင်း ပေးခဲ့ပြီးဖြစ်ကာ ကျန်ရှိသည့် ပြည်ပနိုင်ငံသား (၁၂၂၆) ဦးကိုလည်း သက်ဆိုင်ရာနိုင်ငံများသို့ လွှဲပြောင်းပေးရန်အသင့်ဖြစ်နေပြီဖြစ်ကြောင်း သိရသည်။
အဆိုပါ နယ်မြေအတွင်း နယ်စပ်လမ်းကြောင်းများမှ တဆင့်တရားမဝင် ဝင်ရောက်ပြီး အွန်လိုင်းလောင်းကစားမှုများနှင့် ဒုစရိုက်မှုများ ကျူးလွန်ခဲ့ကြသည့် ပြည်ပနိုင်ငံသား ၉၀ ရာခိုင်နှုန်းကျော်မှာ ထိုင်းနိုင်ငံကိုတဆင့်ခံ၍ တရားမဝင်နယ်စပ်ဖြတ်ကျော် ရောက်ရှိလာသူများဖြစ်ကာ ပြည်တွင်းလမ်းကြောင်းမှတဆင့် တရားမဝင်ဝင်ရောက်လာသည့် ပြည်ပနိုင်ငံသား (၃၄) ဦးသား ရှိကြောင်း သိရသည်။
ဓာတ်ပုံ – ပေါ်ပြူလာနယူးစ်