ကမ္ဘာ့ဘောလုံးအဖွဲ့ချုပ်(FIFA)နှင့် မြန်မာ နိုင်ငံဘောလုံးအဖွဲ့ချုပ်(MFF)တို့ပူးပေါင်းကျင်းပနေသည့် FIFA-MFF ယူ-၁၇ အမှတ်ပေးလိဂ်ပြိုင်ပွဲ ဒုတိယအကျော့ အုပ်စုအဆင့် ပွဲစဉ် (၁၃)ကို ယနေ့ မေလ (၃)ရက် ညနေပိုင်းတွင် စတင်ယှဉ်ပြိုင်ကစားသွားမည်ဖြစ်သည်။
ထိုသို့ ယှဉ်ပြိုင်ကစားရာ၌ တစ်ရက်လျှင်ပွဲစဥ် နှစ်ပွဲနှုန်းဖြင့် အသင်းလေးသင်း ယှဉ်ပြိုင်ကစားသွားကြမည်ဖြစ်သည်။
ယနေ့ ညနေတွင် Maubin FC နှင့် Insein City FC အသင်းတို့က မြန်မာနိုင်ငံဘောလုံးအဖွဲ့ချုပ် လေ့ကျင့်ရေးကွင်း(၁)၌ လည်းကောင်း ၊ Shan FC နှင့် Burmese Youth FC တို့က ဗဟန်းကွင်းတွင်လည်းကောင်း အသီးသီး ယှဉ်ပြိုင်ကစားသွားကြမည်ဖြစ်သည်။
အလားတူ မေလ(၄)ရက် ညနေပိုင်းတွင် Naypyitaw United FC နှင့် City Shwepyithar FC ၊ Royal Yangon FC နှင့် Su Latt Myint Mo FC အသင်းတို့ယှဉ် ပြိုင်ကစားသွားမည်ဖြစ်ပြီး မေလ (၅)ရက်တွင် Rakhine United FC နှင့် Shwepyithar United FC၊ Artharwady FC နှင့် Phaysi myay FCတို့ ယှဉ်ပြိုင်ကစားသွာကြမည်ဖြစ်သည်။
ပြီးခဲ့သည့် အုပ်စုအဆင့် ပွဲစဉ်(၁၂) အပြီးတွင် အမှတ်ပေးဇယားရလာဒ် ရပ်တည်မှုအရ ရခိုင်ယူနိုက်တက်က (၃၄) မှတ်ဖြင့် အသင်းအားလုံး၏ ထိပ်ဆုံးတွင်ရပ်တည်နေပြီး ရှမ်းယူနိုက်တက်က (၂၈)မှတ်ဖြင့် ဒုတိယနေရာ၌ လည်းကောင်း၊ နေပြည် တော်ယူနိုက်တက်က (၂၅)မှတ်ဖြင့် တတိယနေရာ ၌ လည်းကောင်း၊ ဆုလာဘ်မြင့်မိုရ် အသင်းက (၂၂)ဖြင့် စတုတ္တနေရာ၌ လည်းကောင်း အသီးသီး ရပ်တည်လျက်ရှိသည်။
ထို့ပြင် ပြိုင်ပွဲတစ်လျှောက် ဂိုးအများဆုံးသွင်းယူနိုင်သူစာရင်းအရ ဆုလာဘ်မြင့်မိုရ်အသင်းမှ စည်သူဖြိုးက (၁၅) ဂိုး၊ ရခိုင်ယူနိုက်တက်အသင်းမှ ထူးဝဏ္ဏ က (၁၂)ဂိုး၊ အာသာဝတီ ယူနိုက်တက်အသင်းမှ ကောင်းမြတ်အောင်က (၁၀)ဂိုးနှင့် ရှမ်းယူနိုက်တက်မှ ခေးရောင်မင်းလေးက (၉)ဂိုးဖြင့် အ များဆုံးသွင်းယူထားနိုင်ခဲ့သည်။
FIFA-MFF ယူ-၁၇ အမှတ်ပေးလိဂ်ပြိုင်ပွဲတွင် အသင်း (၁၂) သင်း ပါဝင်ယှဉ်ပြိုင်နေခြင်းဖြစ်ကာ နှစ်ကျော့စနစ်ဖြင့် ကျ င်းပနေပြီး အမှတ်ပေးဇယားထိပ်ဆုံးရပ်တည်နိုင်မည့်အသင်းမှာ ချန်ပီယံဆုဖလားရရှိမည်ဖြစ်သည်။