ထိုင်းနိုင်ငံမှ အိမ်ရှင်အဖြစ်ကျင်းပသော Arsec-Asia Inline Speed Skating Challenge 2023 ပြိုင်ပွဲတွင် မြန်မာမှ ရွှေ (၂) ၊ ငွေ (၂) ရရှိခဲ့ကြောင်း သိရသည်။
အဆိုပါဖိတ်ခေါ် စီနီယာ ပြိုင်ပွဲကို Arsec အာရှ speed skating technical အဖွဲ့၏ ဖိတ်ကြားချက်ဖြင့် ဇူလိုင် ၂၂ ရက်နေ့မှ ၂၄ ရက်နေ့ အထိကျင်းပခဲ့ခြင်းဖြစ်ပြီး အိမ်ရှင်ထိုင်း၊ အိန္ဒိယ၊ အင်ဒိုနီးရှား၊ မလေးရှား၊ ကမ္ဘောဒီယား၊ မြန်မာ (၆) နိုင်ငံ ၀င်ရောက်ယှဉ်ပြိုင်ခဲ့ကြကြောင်း သိရသည်။
ပြိုင်ပွဲတွင် မြန်မာကိုယ်စားပြုစကိတ်အသင်းဖြစ်သည့်မောင်အောင်ကျော်ဇင်(Team Phoenix)မှ မီတာ (၅၀၀) ပြိုင်ပွဲတွင် ရွှေ (၁)၊ မီတာ (၁၀၀၀) တွင် ငွေ (၁)၊ မောင်ခင်လှိုင် (တွံ့တေးစကိတ်အသင်း)မှ မီတာ (၁၀၀၀) အပြေးတွင်ရွှေ(၁) ခု၊ မီတာ (၅၀၀) တွင်ငွေ (၁) ခု စုစုပေါင်း ဆုတံဆိပ် (၄) ခု ရရှိခဲ့ကြောင်း သိရသည်။
