ဝါရှင်တန်၊မေ ၅
ရိုမန်ကက်သလစ်ဘာသာဝင်များ၏အထွဋ်အမြတ်ခေါင်းဆောင်အဖြစ်ယူဆထားသည့် ပုပ်ရဟန်းမင်းကြီးကွယ်လွန်ပြီးနောက် ၎င်း၏အရိုက်အရာကိုဆက်ခံမည့်သူကို ရွေးချယ်မည့်ညီလာခံမစတင်မီရက်ပိုင်းတွင် အမေရိကန်သမ္မတထရမ့်ပ်က ၎င်း၏ပုံကို AI ဖြင့်ပုပ်ရဟန်းမင်းကြီးပုံပြုလုပ်ကာ လူမှုကွန်ရက်ပေါ်တင်ခဲ့သည့်အတွက် ဝေဖန်ခံနေရကြောင်းသိရသည်။
အဆိုပါဓါတ်ပုံ၌ ထရမ့်ပ်က လက်ညှိုးတစ်ချောင်းထောင်ထားသည့်ပို့စ်ကို ပေးထားသည်။
မကြာသေးမီရက်ပိုင်းကလည်း ပုပ်ရဟန်းမင်းကြီးဖြစ်လိုသည်ဟု ထရမ့်ပ်ကနောက်ပြောင်ပြောကြားခဲ့သည့်အပြင် AI ဖြင့်ဖန်တီးထားသည့်ဓါတ်ပုံကို Truth ၌တင်ပြီးနောက် X လူမှုကွန်ရက်တွင်လည်း အိမ်ဖြူတော်တရားဝင်စာမျက်နှာ၌ ပြန်မျှဝေခဲ့သေးသည်။
အဆိုပါအပြုအမူများကြောင့် ရိုမန်ကက်သလစ်ဘာသာဝင်များအပေါ် လေးစားသမှုမရှိဟုဆိုကာ သမ္မတထရမ့်ပ် သည် ဝေဖန်ခံနေရသည်။ ကိုယ်တိုင်က ရိုမန်ကက်သလစ်ဘာသာဝင်မဟုတ်သော်လည်းထရမ့်ပ်သည် ပုပ်ရဟန်းမင်းကြီး၏ဈာပနကိုတက်ရောက်ခဲ့ပြီး တစ်ပတ်မပြည့်မီ၌ပင် ယခုဓါတ်ပုံပေါ်ထွက်လာခြင်းလည်းဖြစ်သည်။
အမေရိကရှိ ရိုမန်ကက်သလစ်ဘာသာဝင်များကမူ ၎င်းတို့အနေဖြင့် ပုပ်ရဟန်းမင်းကြီးကွယ်လွန်မှုအတွက် ဝမ်းနည်းစိတ်မကောင်းဖြစ်နေဆဲဖြစ်ကာ အရိုက်အရာဆက်ခံနိုင်ရေးအတွက် ဆွေးနွေးမှုများ၊ညှိနှိုင်းမှုများနှင့်စိတ်မကောင်းဖြစ်နေကြဆဲဖြစ်သဖြင့် သမ္မတအနေနှင့် ဤကိစ္စသည် လှောင်စရာကိစ္စမဟုတ်ဟုလည်းတုန့်ပြန်ပြောကြားခဲ့သည်။
သို့သော် အိမ်ဖြူတော်ကမူ ထရမ့်ပ်အနေဖြင့်လည်း ရိုမန်ကက်သလစ်ဘာသာကိုလိုလားသူတစ်ဦးဖြစ်ပြီး ယခုဓါတ်ပုံသည်လည်း သာမန်ဟာသ သဘောအနေထက်မပိုကြောင်း ပြန်လည်ဖြေရှင်းပြောကြားခဲ့သည်။
Source : စီအင်န်အင်န်