ပေကျင်း၊ဒီဇင်ဘာ ၂၅
ထိုင်ဝမ်နှင့်အမေရိကတို့၏ ရန်စမှုများအားတုံ့ပြန်သည့်အနေဖြင့် ထိုင်ဝမ်နားတစ်ဝိုက်တွင် ပင်လယ်ပြင်နှင့်လေကြောင်း စစ်ရေးလေ့ကျင့်မှုများအား ဒီဇင်ဘာလ ၂၅ ရက်နေ့ကပြုလုပ်ခဲ့ကြောင်း တရုတ်စစ်တပ်ကပြောကြားခဲ့သည်။
ထိုင်ဝမ်အား တရုတ်သည်၎င်း၏ပိုင်နက်ဟုယူဆထားပြီး တရုတ်ပြည်မ၏အုပ်ချုပ်မှုအောက်သို့ သွတ်သွင်းရန်ကြိုးပမ်းနေခြင်းဖြစ်သည်။လွန်ခဲ့သည့်သုံးနှစ်ကတည်းက တရုတ်၏ထိုင်ဝမ်နားတစ်ဝိုက် စစ်ရေးလေ့ကျင့်မှုများအား ထိုင်ဝမ်ကသတိထားနေရသည်။
ဩဂုတ်လကထိုင်ဝမ်သို့လာရောက်ခဲ့သော အ မေရိကန်အောက်လွှတ်တော်ဥက္ကဌ နန်စီပေလိုစီ၏ခရီးစဉ်ကြောင့်လည်း တရုတ်ကအကြီးဆုံးစစ်ရေးလေ့ကျင့်မှုပြုလုပ်ခဲ့ပြီး မကြာသေးမီအချိန်ကအတည်ပြုလိုက်သော အမေရိက၏ နိုင်ငံတော်ကာကွယ်ရေးဥပဒေကိုလည်း ကန့်ကွက်ခဲ့သည်။
တာဝန်ရှိသူများ၏ အကျဉ်းချုံးထုတ်ပြန်ချက်၌ တည်နေရာအတိအကျမဖော်ပြထားဘဲ ထိုင်ဝမ်နားတစ်ဝိုက်တွင် “ပူးပေါင်းကင်းလှည့်ခြင်းနှင့် ပူးတွဲပစ်ခတ်တိုက်ခိုက်လေ့ကျင့်မှု” များအားပြုလုပ်ခဲ့ကြောင်းသိရှိရသည်။
“ဒါဟာအခုတလော တိုးတိုးလာနေတဲ့ အမေရိကနဲ့ထိုင်ဝမ်တို့ရဲ့ ပူးပေါင်းဆောင်ရွက်မှုနဲ့ရန်စမှုတွေကို ပြတ်ပြတ်သားသားတုံ့ပြန်မှုတစ်ခုပါပဲ” ဟုလည်း ၎င်းကထပ်လောင်းပြောကြားခဲ့ပြီး “နိုင်ငံ၏အချုပ်အခြာအာဏာနှင့် နယ်မြေတည်တံ့ခိုင်မြဲမှုအားထိပါးလာမည့် ကိစ္စများကို ထိထိရောက်ရောက်တုံ့ပြန်နိုင်ရန် လိုအပ်တာမှန်သမျှကိုလုပ်ဆောင်မည်” ဟုလည်းဖော်ပြပါရှိသည်။
Source : Reuters
