ခရစ်တော်မွေးနေ့(ခရစ္စမတ်)ကျေးဇူးတော်ချီး မွမ်းခြင်းအခမ်းအနားအား ဒီဇင်ဘာ ၂၃ ရက်ည နေပိုင်းက ရန်ကုန်တိုင်း၊ပန်းဘဲတန်းမြို့နယ်ရှိ Holy Cathedral Church ၌ကျင်းပစဥ် နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင် လှိုင်တက်ရောက်စဥ်ပြောကြားခဲ့ခြင်းဖြစ်သည်။
ခရစ်တော်မွေးနေ့(ခရစ္စမတ်)ကျေးဇူးတော်ချီး မွမ်းခြင်းအခမ်းအနားအား မြန်မာနိုင်ငံခရစ်ယာန်အသင်းတော်များကောင်စီ၊မြန်မာနိုင်ငံတော်ကတ်သလစ်ဆရာတော်ကြီးများ၊မြန်မာနိုင်ငံဧဝံဂေလိခရစ်ယာန်မဟာမိတ်အဖွဲ့ချုပ်၊မြန်မာနိုင်ငံခရစ် တော်သာသနာပြန့်ပွားမှုပူးပေါင်းဆောင်ရွက်ရေးအဖွဲ့တို့က စုပေါင်းကျင်းပခြင်းဖြစ်သည်။
မြန်မာနိုင်ငံတွင်ဘာသာကြီး(၄)ခုအပြင် အခြားဘာသာများကိုလည်း ဖွဲ့စည်းပုံအခြေခံဥပဒေအရ လွတ်လပ်စွာကိုးကွယ်ခွင့်ပြုထားကာ နိုင်ငံတော်အနေဖြင့်အသိအမှတ်ပြုထားသည့် ဘာသာများကို တတ်နိုင်သမျှကူညီစောင့်ရှောက်လျက်ရှိသည်ဟု ဆိုသည်။
ဖွဲ့စည်းပုံအခြေခံဥပဒေ အခြေခံမူများပုဒ်မ ၃၄ တွင် “ငြိမ်ဝပ်ပိပြားရေးနှင့်သော်လည်းကောင်း၊ ပြည်သူ့ကိုယ်ကျင့်တရားနှင့်သော်လည်းကောင်း၊ ပြည်သူ့ကျန်းမာရေးနှင့်သော်လည်းကောင်း၊ဖွဲ့ စည်းပုံအခြေခံဥပဒေပါ အခြားပြဋ္ဌာန်းချက်တို့နှင့်သော်လည်းကောင်း မဆန့်ကျင်လျှင်နိုင်ငံသားတိုင်းသည် ဘာသာသာသနာရေးတွင် လွတ်လပ်စွာယူဆနိုင်သော အခွင့်အရေး၊လွတ်လပ်စွာ ဆောင်ရွက်နိုင်သော အခွင့်အရေးတို့ကိုအညီ အ မျှရရှိစေရမည်”ကို ပြဋ္ဌာန်းထားကြောင်း နစက ဥက္ကဋ္ဌကပြောသည်။
“မြန်မာနိုင်ငံမှာ အများဆုံးကိုးကွယ်မှုရှိနေတဲ့ ဗုဒ္ဓ ဘာသာနဲ့အတူ ခရစ်ယာန်ဘာသာ၊အစ္စလာမ်ဘာသာ၊ဟိန္ဒူဘာသာနဲ့အခြားဘာသာဝင်တွေဟာ ရှေးနှစ်ပေါင်းပဝေသဏီထဲက အတူတကွနေထိုင်ခဲ့ကြပါတယ်”ဟု နစက ဥက္ကဋ္ဌကပြောသည်။
ထို့ပြင် မည်သည့်ဘာသာကိုမျှထိခိုက်နစ်နာစေခြင်း၊ခွဲခြားဆက်ဆံခြင်းမရှိဘဲ လူမျိုးမရွေး၊ဘာသာမရွေးအပြန်အလှန် လေးလေးစားစား ညီညီညွတ်ညွတ်စည်းစည်းလုံးလုံးဖြင့် နိုင်ငံတော်၏ ကောင်းကျိုးများကို ညီအစ်ကိုမောင်နှမရင်းစိတ်ထားနှင့်တည်ဆောက်ခဲ့ကြသည်ဟု ဆိုသည်။
“ဆက်လက်ပြီးတည်ဆောက်ကြဖို့ လိုအပ်သလို ၊ ဘာသာရေးကိုအလွဲသုံးစားလုပ်ပြီး မိမိတို့နိုင်ငံ သားတွေ အချင်းချင်းကြားမှာ စည်းလုံးညီညွတ် မှုပျက်ပြားအောင်၊ ပြိုကွဲအောင်လုပ်ဆောင်နေတာတွေကို အစဉ်သတိပြုကာကွယ်ကြဖို့လိုအပ်ပါတယ်”ဟု နစက ဥက္ကဋ္ဌကပြောသည်။
မည်သည့်ဘာသာကို ကိုးကွယ်သည်ဖြစ်စေ ဘာသာတိုင်းသည် လူသားများအတွက် လောကီအကျိုး၊လောကုတ္တရာကောင်းကျိုး၊ငြိမ်းချမ်းမှု၊မေတ္တာတရား၊ချစ်ခြင်းတရား၊ကရုဏာတရားများကိုသာညွှန်ပြပေးနေသည်ကိုတွေ့ရမည်ဟု ဆိုသည်။
“ဘာသာတရားတွေရဲ့ ညွှန်ပြမှုအဆုံးအမတွေကို လိုက်နာကျင့်သုံး၊ကျင့်ကြံကြမယ်ဆိုရင် ငြိမ်းချမ်းသာယာတဲ့ လူ့အသိုက်အဝန်း၊ငြိမ်းချမ်းသာယာဝပြောတဲ့ နိုင်ငံအဖြစ်တည်ရှိနေမှာဖြစ်ပါတယ်”ဟု နစက ဥက္ကဋ္ဌကပြောကြားခဲ့သည်။
