ပထမနှစ်အဝေးသင် သင်တန်းများ၏ ကျောင်းဝင်မှတ်ပုံတင်ခြင်းကို သက်ဆိုင်ရာတက္ကသိုလ်နှင့် ကောလိပ်များတွင် ဒီဇင်ဘာ ၂၆ ရက်မှစ၍ လက်ခံပေးသွားမည်

ပညာရေးဝန်ကြီးဌာန၊အဆင့်မြင့်ပညာဦးစီးဌာနမှ အဝေးသင်တက္ကသိုလ်တက်ရောက်မည့်သူများ ကျောင်းဝင်မှတ်ပုံတင်ခြင်းနှင့်ပတ်သက်၍ အသိ ပေးကြေညာခဲ့ခြင်းဖြစ်သည်။

၂၀၂၂ ခုနှစ် တက္ကသိုလ်ဝင်စာမေးပွဲအောင်မြင်ပြီး ပထမနှစ်အဝေးသင် သင်တန်းများတက်ရောက်ခွင့်ရသူများ၏ ကျောင်းဝင်မှတ်ပုံတင်ခြင်းအား သက်ဆိုင်ရာတက္ကသိုလ်နှင့်ကောလိပ်များတွင် ဒီ ဇင်ဘာ ၂၆ ရက်မှ ၂၀၂၃ ခုနှစ်၊ဇန်နဝါရီ ၃၁ ရက်အထိ လက်ခံဆောင်ရွက်ပေးသွားမည်ဖြစ်သည်။

ထို့ပြင် ၂၀၂၂ ခုနှစ်မတိုင်မီ တက္ကသိုလ်ဝင်စာမေးပွဲအောင်မြင်သူများနှင့်ကျရှုံးကျောင်းသား၊ကျောင်းသူများအား ဒီဇင်ဘာ ၂၆ ရက်မှ ၂၀၂၃ ခုနှစ်၊ဖေဖော်ဝါရီ ၂၈ ရက်အထိ စနေနေ့နှင့်တနင်္ဂနွေနေ့များတွင်ပါ လက်ခံဆောင်ရွက်ပေးသွားမည်ဖြစ်သည်။

ဒုတိယနှစ်နှင့်အထက် အဝေးသင်သင်တန်းများအားလုံး၏ ကျောင်းဝင်မှတ်ပုံတင်ခြင်းကို ၂၀၂၃ ခုနှစ်၊ဇန်နဝါရီ ၁၆ ရက်မှဖေဖော်ဝါရီ ၂၈ ရက်အထိ စနေနေ့နှင့်တနင်္ဂနွေနေ့များတွင်ပါ လက်ခံဆောင်ရွက်ပေးသွားမည်ဖြစ်သည်။

ထို့အတူ ၂၀၂၂ ခုနှစ် တက္ကသိုလ်ဝင်စာမေးပွဲ အောင်မြင်သူများအတွက် ပထမနှစ်အဝေးသင် သင်တန်းဝင်ခွင့်ရရှိသူများစာရင်းအား ဒီဇင်ဘာ ၁ ရက်တွင် သက်ဆိုင်ရာ တက္ကသိုလ်နှင့်ကောလိပ်များ၊ပညာရေးဝန်ကြီးဌာန website:www.moe. gov.mm နှင့် အဆင့်မြင့်ပညာဦးစီးဌာန website: www.dhe.gov.mm တို့တွင် ကြေညာထားမည်ဖြစ်သည်။