ပြည်တွင်း စားအုန်းဆီ ဈေးကွက်တွင် ယခုရက်ပိုင်းအ တွင်း ဈေးနှုန်းကျဆင်းနေပြီး တစ်ပိဿာ ၅၀၀၀ ကျပ်ဝန်း ကျင်သို့ ရောက်ရှိလာကြောင်း သိရသည်။
ယခုနှစ် နှစ်လယ်ပိုင်းက တစ်ပိဿာ ၁၀၀၀၀ ကျပ်ဝန်း ကျင်အထိ စံချိန်တင်မြင့်တက်ခဲ့သည့် ပြည်တွင်း စာအုန်းဆီဈေးနှုန်းမှ တဖြေးဖြေး ပြန်လည် ကျဆင်းလာရာမှ ၅၀၀၀ ဝန်းကျင်အထိ ပြန်လည်ကျဆင်းလာခြင်းဖြစ်သ ည်။
” ဒီရက်ထဲ တောက်လျှောက်ပြန်ကျလာတယ်လေ။ အစ်မတို့ ရောင်းဈေးအနေနဲ့က တစ်ပိဿာကို ၅၅၀၀ ပေါ့နော်။ အနည်းအများပေါ်မူတည်ပြီးလည်း ဈေးနှုန်းကွာဟတာတော့ ရှိပါတယ်။ ကျတာတော့ ပြီးခဲ့တဲ့ လတွေတည်းက ပြန်ကျလာတာပေါ့နော်။ အရင်လတွေက ၆၀၀၀ ကျော် ၇ ၀၀၀ ဝန်းကျင်ပေါ့။ အခုတော့ တော်တော်လေး ပြန်ကျပါပြီ ” ဟု ရန်ကုန်မြို့မှ စားအုန်ဆီ လက်ကားရောင်းချသူတစ်ဦးက ပြောသည်။
ပြီးခဲ့သည့် အောက်တိုဘာလ နောက်ဆုံးပတ်အတွင်းက မြန်မာနိုင်ငံအပေါ် FATF ၏ဂယက်ကြောင့် စားအုန်းဆီဈေးနှုန်း ၉၅၀၀ ကျပ်အထိ ပြန်တက်ခဲ့သည့်အပြင် အချို့အ ရောင်းဆိုင်များ အရောင်း အဝယ်မပြုလုပ်ဘဲ ရပ်နားထားရသည့်အထိ ဈေးနှုန်း မငြိမ်သက်မှုများ ပြန်လည်ဖြစ်ပေါ်ခဲ့သေးသည်။
ယင်းကဲ့သို့ ဖြစ်ပေါ်ခဲ့သော်လည်း ရက်ပိုင်းအတွင်း ပြန် လည်တည်ငြိမ်ခဲ့ကာ ဈေးနှုန်း ဆက်လက်ကျဆင်းလာခဲ့ခြင်းလည်း ဖြစ်သည်။
” အစ်မတို့ဆီမှာက တစ်ခုခုဆို ဈေးတက်ကြတာက ထုံးစံပဲလေ။ ကြားထဲမှာ ထိန်းနိုင်ရင်တော့ အဆင်ပြေတာပေါ့နော်။ ပြီးခဲ့တဲ့အခေါက်ကလည်း အဲဒီလို ဖြစ်တာပါ။ သိပ်တော့မကြာလိုက်ပါဘူး။ တဖြေးဖြေးပြန်ကျလာတာပေါ့” ဟု ၎င်းက ဆိုသည်။
ပြည်တွင်း စားအုန်းဆီဈေးကွက်တွင် ရောင်းဝယ် ဖောက် ကားရမည့် အခြေခံရည်ညွှန်းဈေးနှုန်းများကို စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေး ကော်မတီက အပတ်စဉ် သတ်မှတ်ပေးနေပြီး ယခုတပတ်အတွက် အခြေခံရည်ညွှန်းဈေးကို တစ်ပိဿာ ၄၄၂၀ ကျပ် သတ်မှတ်ထားကြောင်း သိရသည်။
ပြည်တွင်း၌ စားအုန်းဆီ ရောင်းချသူများအနေဖြင့် ဈေးကစားခြင်း၊ မသမာ သောနည်းဖြင့် သိုလှောင်ထားခြင်း၊ ဈေးတင်ရောင်းချခြင်းများကို အရေးကြီးကုတ်စည် ဥပဒေဖြင့် အရေးယူမည်ဟု စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေး ထားသည်။
