ထိုင်းနိုင်ငံတွင်ရောက်ရှိနေသည့် မြန်မာနိုင်ငံသား ၁၆၀ ကျော် တာချီလိတ်မြို့တွင် ပြန်လည်ဝင်ရောက်လာ

0
246

ထိုင်းနိုင်ငံ၌ အကြောင်းအမျိုးမျိုးဖြင့် ဖမ်းဆီးခံရပြီး ပြန်လည်လွတ်မြောက်လာသူများနှင့်နေရပ်ပြန်လိုသူများဖြစ်သည့် မြန်မာနိုင်ငံသား ၁၆၁ ဦးအား ထိုင်းနိုင်ငံတာဝန်ရှိသူများက နိုဝင်ဘာ ၂၈ ရက်(ယနေ့)နံနက်ပိုင်းက ပြန်လည်လွှဲပြောင်းပေးခဲ့သည်။

ပြန်လည်ဝင်ရောက်လာသည့် မြန်မာနိုင်ငံသားများသည် ယနေ့နံနက် ၁၀ နာရီက ရှမ်းပြည်နယ်၊တာချီလိတ်မြို့၊မဲခေါင် ရပ်ကွက်ရှိ မြန်မာ-ထိုင်းချစ်ကြည်ရေးတံတား အမှတ်(၂)မှ ရောက်ရှိလာခဲ့ကြခြင်းဖြစ်သည်။

ပြစ်ဒဏ်ကျခံနေရာမှလွတ်မြောက်လာသည့် မြန် မာနိုင်ငံသား အမျိုးသား ၁၀၁ ဦး၊အမျိုးသမီး ၂၁ ဦးနှင့်နေရပ်ပြန်လာသည့် အမျိုးသား ၁၃ ဦး၊ အ မျိုးသမီး ၂၆ ဦး(စုစုပေါင်း ၁၆၁ ဦး)တို့အား ထိုင်းလူဝင်မှုကြီးကြပ်ရေးဌာန၊လူဝင်မှုကြီးကြပ်ရေး အရာရှိ Mr. Sonsak Singkham နှင့်တာဝန်ရှိသူ များက လာရောက်လွဲပြောင်းပေးခဲ့ခြင်းဖြစ် သည်။

ပြန်လည်ဝင်ရောက်လာသည့် မြန်မာနိုင်ငံသားများအား တာချီလိတ်ခရိုင် စီမံအုပ်ချုပ်ရေးအဖွဲ့ ဥက္ကဋ္ဌ၊ တာချီလိတ်တပ်နယ်မှ ဗျူဟာမှုးဗိုလ်မှုးကြီးမင်းမင်းထွန်း၊မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌဦးတင်ဦးကျော်၊လူဝင်မှုကြီကြပ်ရေးဌာနခွဲ (၆)မှ လက်ထောက်ညွန်ကြားရေးမှူး၊လူကုန်ကူးမှုတာဆီးကာကွယ်ရေးရဲတပ်ဖွဲ့မှတာဝန်ရှိသူများ၊မယ်ဆိုင်မြို့ရောက် မြန်မာနိုင်ငံသားများကူညီစောင့်ရှောက်ရေးနှင့်စေ့စပ်ညှိနှိုင်းရေးကော်မတီ (CNCMC)အဖွဲ့နှင့်လူမှုကူညီရေးအသင်းများက ကြိုဆိုလက်ခံခဲ့ကြသည်။

ထို့ပြင် တာဝန်ရှိသူများက ပြန်လည်ဝင်ရောက် လာသူများအားလိုအပ်သည့် စစ်ဆေးမှုများပြု လုပ်၍ ကူညီထောက်ပံ့မှုများပြုလုပ်ခဲ့ကြကြောင်း သိရသည်။


LEAVE A REPLY

Please enter your comment!
Please enter your name here