စင်္ကာပူ MOPS ဈေးကျ၍ ယနေ့ ပြည်တွင်း စက်သုံးဆီစျေး (၅၅) ကျပ်ပြန်ကျ၊ 92 Ron တစ် လီတာလျင် ၂၂ ၄၀ ကျပ်ဖြင့်ရောင်းချ
ယနေ့ ပြည်တွင်း စက်သုံးဆီဈေးနှုန်းများ ပြန်လည်ကျဆင်းလာပြီး 92 တစ်လီတာလျင် ၂၂၄၀ ကျပ်ဖြင့် ရောင်း ချပေးနေကြောင်း စက်သုံးဆီအရောင်းဆိုင်များမှ သိရသည်။
ယမန်နေ့(စက်တင်ဘာ ၂၂ ရ က်)ကဖြစ်ပေါ်ခဲ့သည့် စျေးနှုန်းထက် ၅၅ ကျပ် ပြန်လည်ကျဆင်းလာခြင်းဖြစ်ပြီး ယနေ့တွင် ရန်ကုန်တိုင်းအတွင်း၌ 92 Ron တစ်လီတာလျင် ၂၂၄၀ ကျပ်ဖြင့် ရောင်းချလျက်ရှိသည်ဟု စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှထုတ်ပြန်သည့် ရည်ညွှန်းလက်လီစျေးနှုန်းများအရ သိရသည်။
ထို့ပြင် မန္တလေး၊ နေပြည်တော်၊ ပဲခူး၊ မကွေး၊ မုံရွာ၊ ပုသိ မ်၊ ဘားအံနှင့် မော်လမြိုင်တို့တွင်လည်း 92 Ron တစ်လီ တာလျင် ၂၂၀၀ ကျပ်ဝန်ကျင်ဖြင့်ရောင်းချပြီး ထားဝယ်၊ မြစ်ကြီးနား၊ စစ်တွေ၊ လားရှိုး၊ တောင်ကြီးနှင့် လွိုင်ကော်တို့တွင် 92 Ron တစ်လီတာလျင် ၂၃၀၀ ကျပ်ကျော်သို့ ပြန်ကျဆင်းခဲ့ကြောင်း သိရသည်။
ထို့အတူ ဟားခါးတွင် 92 Ron တစ်လီတာလျင် ၂၅၀၀ ကျပ်ဝန်းကျင်နှင့် ကျိုင်းတုံတွင် ၃၀၀၅ ကျပ်သို့ပြန်လည်ကျဆင်းခဲ့သည်။
ပြီးခဲ့သည့် ရက်ပိုင်းအတွင်းက စက်သုံးဆီဈေးနှုန်း ပြန် လည် မြင့်တက်ခဲ့ခြင်းမှာ Singapore MOPS စျေးတက်ခဲ့သည့်အတွက်ဖြစ်ပြီး လက်ရှိတွင် MOPS ဈေးပြန်ကျလာသည့်အတွက် ပြည်တွင်းစက်သုံးဆီဈေးနှုန်း ပြန် လည် ကျဆင်းလာခြင်းဖြစ်ကြောင်း သက်ဆိုင်ရာ တာဝန်ရှိသူတစ်ဦးက ပြောသည်။
စက်သုံးဆီတင်သွင်းသိုလှောင်ဖြန့်ဖြူခြင်းလုပ်ငန်းကြီး ကြပ်ရေးကော်မတီ၏ ယနေ့ ထုတ်ပြန်ခဲ့သည့် စက်သုံးဆီရည်ညွှန်းစျေးနှုန်းများအရ ရန်ကုန်တိုင်းအတွင်း၌ လ က်လီစျေးအဖြစ် 92 Ron တစ်လီတာလျင် ၂၂၄၀ ကျပ်၊ 95 Ron တစ်လီတာလျင် ၂၃၂၀ ကျပ်၊ HSD (500 ppm) တစ်လီတာလျင် ၂၇၃၀ ကျပ် သတ်မှတ်ထားသည်။
အလားတူ HSD (50 ppm)နှင့် HSD (10 ppm)တို့မှာ တစ် လီတာလျင် ၂၈၁၅ ကျပ်အဖြစ် စက်သုံးဆီရည်ညွှန်းလ က်လီစျေးနှုန်းများအဖြစ် သတ် မှတ်ခဲ့သည်။
ထို့ပြင် စက်သုံးဆီတင်သွင်းသိုလှောင်ဖြန့်ဖြူးခြင်းလုပ် ငန်းကြီးကြပ်ရေးကော်မတီ၏ စက်သုံးဆီရည်ညွန်းလက်ကားစျေးနှုန်းမှာလည်း ရန်ကုန်တိုင်း ၌ 92 Ron တစ်လီတာလျင် ၂၁၃၇ ကျပ်၊ 95 Ron တစ်လီတာလျင် ၂၂၁၄ ကျပ်၊ HSD(500 ppm) တစ်လီတာလျင် ၂၆၁၂ ကျပ်၊ HSD (50 ppm)နှင့် HSD(10 ppm)တို့မှာ တစ်လီတာလျင် ၂၆၉၂ ကျပ်တို့ဖြစ်သည်။
အဆိုပါ စျေးနှုန်းများအား စက်သုံးဆီတင်သွင်းသိုလှော င်ဖြန့်ဖြူခြင်းလုပ်ငန်းကြီးကြပ်ရေးကော် မတီမှ MOPS စျေးနှုန်းအပေါ်တွင် အခြေခံတွက် ချက်ထားခြင်းဖြစ်ကာ စက်သုံးဆီဝယ်ယူသူများအနေဖြင့် ကျေနပ်မှုမရှိပါက ကော်မတီသို့ဆက်သွယ်တိုင်ကြားနိုင်ကြောင်း သိရသည်။
