မြောက်ဥက္ကလာပမြို့နယ်၊ (ဈ)ရပ်ကွက်၏ ရပ်ကွက်အုပ်ချုပ်ရေးမှူးရုံးအနီးတွင် မပေါက်ကွဲသေးသည့် ဗုံးတစ်လုံးတွေ့ရှိ ရှင်းလင်းနိုင်ခဲ့
ရန်ကုန်တိုင်း၊မြောက်ဥက္ကလာပမြို့နယ်၊(စျ)ရပ် ကွက်၊မေဓာဝီလမ်းပေါ်ရှိ ရပ်ကွက်အုပ်ချုပ်ရေးမှူးရုံးအနီးတွင် မပေါက်ကွဲသေးသည့် ဗုံးတစ်လုံးအား စက်တင်ဘာ ၂၂ ရက်နံနက်ပိုင်းက တွေ့ရှိခဲ့ရကြောင်း သိရသည်။
ယင်းနေ့နံနက် ၁၁ နာရီ ၄၅ မိနစ်ခန့်က (စျ)ရပ် ကွက်၏ ရပ်ကွက်အုပ်ချုပ်ရေးမှူးရုံးအနီးတွင် ဗုံးတစ်လုံးတွေ့ရှိကြောင်း သတင်းအရ လုံခြုံရေးအဖွဲ့ဝင်များက လာရောက်စစ်ဆေးခဲ့ကြသည်။
ထို့နောက် လမ်းအားယာယီပိတ်၍ တွေ့ရှိခဲ့ရသည့်ဗုံးအား လုံခြုံရေးအဖွဲ့ဝင်များက ဖြုတ်ယူခဲ့ပြီးနောက် ဘောလုံးကွင်းတစ်ခုအတွင်း၌ ဖောက်ခွဲဖျက်ဆီးရှင်းလင်းခဲ့ကြကြောင်း သိရသည်။
“ဗုံးဖြုတ်နေတဲ့အချိန် လမ်းကိုခနပိတ်ထားတယ် ပြီးတော့မှ ဘောလုံးကွင်းထဲကိုသွားပြီး ဖောက်ခွဲပစ်လိုက်ကြတာပါ ပေါက်ကွဲသံကတော့ကျယ်တယ်”ဟု (စျ)ရပ်ကွက်နေသူတစ်ဦးကပြော သည်။