ငွေကြေးလုပ်​ဆောင်မူ စောင့်ကြည့်ရေးအဖွဲ့ (FATF )၏ စောင့်ကြည့်နိုင်ငံစာရင်းမှလွတ်မြောက်စေရေး ဆောင်ရွက်နေဟု ဗဟိုဘဏ် ဥက္ကဋ္ဌ ပြော

ငွေကြေးလုပ်​ဆောင်မူ စောင့်ကြည့်ရေးအဖွဲ့ (FATF )၏ စောင့်ကြည့်နိုင်ငံစာရင်းမှလွတ်မြောက်စေရေး ဆောင်ရွက်နေဟု ဗဟိုဘဏ် ဥက္ကဋ္ဌ ပြော
September 20, 2022 Popular Journal

ငွေကြေးလုပ်​ဆောင်မူ စောင့်ကြည့်ရေးအဖွဲ့ (FATF )၏ စောင့်ကြည့်နိုင်ငံစာရင်းမှလွတ်မြောက်စေရေး ဆောင်ရွက်နေဟု ဗဟိုဘဏ် ဥက္ကဋ္ဌ ပြော

မြန်မာနိုင်ငံအား ငွေကြေးလုပ်​ဆောင်မှု စောင့်ကြည့်ရေးအဖွဲ့ (Financial Action Task Force-FATF) ၏စောင့်ကြည့်နိုင်ငံစာရင်းမှ လွတ်မြောက်စေရေး ဗဟိုဘဏ်အနေဖြင့် ပြည်ထဲရေးဝန်ကြီးဌာန အပါအဝင် သက်ဆိုင်ရာဝန်ကြီးဌာနများနှင့် ပူးပေါင်းဆောင်ရွက်နေကြောင်း ဗဟိုဘဏ်ဥက္ကဋ္ဌ ဒေါ်သန်းသန်းဆွေက ပြောသည်။

စက်တင်ဘာလ (၁၉) ရက် နံနက်ပိုင်းက နေပြည်တော်တွင် ကျင်းပသည့် ဘဏ်လုပ်ငန်းကဏ္ဍတွင် AML/CFT ဆို င်ရာ လက်ရှိ ဆောင်ရွက်ချက်များနှင့် ဘဏ်များ ဆက် လက်ဆောင်ရွက်ရမည့် အချက်များနှင့် စပ်လျဉ်းသည့် ဆွေးနွေးပွဲတွင် ၎င်းက ပြောကြားခဲ့ခြင်း ဖြစ်သည်။

FATF အဖွဲ့၏ တိုးမြှင့်စောင့်ကြည့်ရမယ့် နိုင်ငံနဲ့ ဒေသများစာရင်း (Jurisdictions under Increased Monitoring) မှ လွတ်မြောက်စေရေး ကြိုးပမ်းဆောင် ရွက်နေခြင်းဖြစ်ပြီး လိုက်နာဆောင်ရွက်ရမည့် Action Plan ပါ အချက်တွေထဲက ဘဏ်တွေရဲ့ ဆုံးရှုံးနိုင်ချေ မြင့်မားသည့် အပိုင်းများ အပါအဝင် Onsite နဲ့ Offsite စစ်ဆေးခြင်းကို အချိန်မီ ဆောင်ရွက်ခဲ့ကြောင်းလည်း ဗဟိုဘဏ် ဥက္ကဋ္ဌက ပြောသည်။

ယင်းသို့ ဆောင်ရွက်ရာမှ တွေ့ရှိရသည့် အားနည်းချက်များကို သက်ဆိုင်ရာဘဏ်များနှင့် အပြီးသတ် အစည်းအဝေးပြုလုပ်၍ ပြင်ဆင်ရန်အချိန်သတ်မှတ်ကာ အဆိုပါအချိန်ဇယားအတိုင်း ဆောင်ရွက်ခြင်း ရှိမရှိ စောင့်ကြည့် ကွပ်ကဲလျက် ရှိကြောင်း သိရသည်။

ထို့အပြင် ဘဏ်မဟုတ်သော ငွေရေးကြေးရေးအဖွဲ့အစည်းများနှင့် မိုဘိုင်းငွေရေးကြေးရေး ဝန်ဆောင်မှုလုပ်ငန်းများကိုလည်း AML/CFT ဆိုင်ရာ အသိပညာ ပေးမှုများလည်း လုပ်ဆောင်နေကြောင်း သိရသည်။

ပြည်တွင်းရှိ ဘဏ်များ၏ အကြီးအကဲများ၊ အမှုဆောင်များ၊ စီမံခန့်ခွဲမှု အဖွဲ့များအနေဖြင့်လည်း  AML/CFT ရဲ့ အရေးကြီးမှုကို ကိုယ်တိုင်ကောင်းစွာ သဘောပေါက်နားလည်ပြီး မူဝါဒများ၊ လုပ်ထုံးလုပ်နည်းများ ချမှတ်ဆောင်ရွက်သွားရန်နှင့် မိမိတို့ဘဏ်၏ Compliance Team ကို လိုအပ်တဲ့ လမ်းညွှန်မှုများ လုပ်ပိုင်ခွင့်များနှင့် ပံ့ပိုးမှုများ ပေးရန်လည်း ဗဟိုဘဏ် ဥက္ကဋ္ဌက အစည်းဝေး တက်ရောက်လာသည့် ဘဏ်တာဝန်ရှိသူများကို ညွှန်ကြားခဲ့သည်။

ထို့အပြင် ဘဏ်များအနေဖြင့်  လျို့ဝှက်ထားရမည့် တာဝန်ကို ကျိုးပေါက်မှုမရှိစေရေး အထူးအလေးထားဆော င်ရွက်ကြရန်လည်း မှာကြားခဲ့သည်။

မြန်မာနိုင်ငံ ဗဟိုဘဏ်အနေဖြင့် ပြည်ပငွေလွှဲလုပ်ငန်း ကုမ္ပဏီများ ကြီးကြပ်ရေး လက်ဆွဲစာစောင်ကို အပြီးသတ်ရေးစွဲနေပြီး မကြာမီ ထုတ်ပြန်ပေးသွားမည့်အပြင် အဆို ပါ လက်စွဲစာစောင်နှင့်အညီ ပြည်ပငွေလွှဲကုမ္ပဏီများ၏ လုပ်ငန်းခွင်အတွင်း သွားရောက်စစ်ဆေးသွားမည် ဖြစ်ကြောင်းလည်း ဗဟိုဘဏ်ဥက္ကဋ္ဌက ဆိုသည်။

ထို့အပြင် အကြမ်းဖက်မှုနှင့် လက်နက်ဝယ်ယူမှုများကို ထောက်ပံ့မှုများနှင့် ပတ်သက်၍ ဘဏ်များကို လိုက်လံ စစ်ဆေးလျက်ရှိရာ လက်ရှိတွင် ဘဏ် (၉) ဘဏ်အား စစ်ဆေးပြီးသွားပြီ ဖြစ်ကြောင်း သိရသည်။

ပြီးခဲ့သည့် လဆန်းပိုင်းအတွင်းက မြန်မာနိုင်ငံအား ကမ္ဘာလုံးဆိုင်ရာ ဘဏ္ဍာရေးရာဇဝတ်မှု စောင့်ကြည့်အဖွဲ့ – FATF ၏ အမည်ပျက်စာရင်း တင်သွင်းခံရဖွယ်ရှိနေကြောင်း ပြောဆိုမှုများထွက်ပေါ်ခဲ့ကာ အကယ်၍ အမည်ပျက်စာရင်း တင်သွင်းခံရပါက နိုင်ငံခြား ရင်းနှီးမြှုပ်နှံမှုများအတွက် ဆွဲဆောင်နိုင်မည့် အခြေအနေ လျှော့နည်းသွားမည်ဖြစ်ပြီး  စီးပွားရေး လုပ်ငန်းများပါ ထိခိုက်မှုများရင်ဆိုင်ရနိုင်ဖွယ် ရှိနေခြင်းလည်း ဖြစ်သည်။

Comments (0)

Leave a reply

Your email address will not be published. Required fields are marked *

*