စတားလုံး တို့စုံတွဲ လမ်းခွဲ​ ဖြစ်မည်လား

စတားလုံး တို့စုံတွဲ လမ်းခွဲ​ ဖြစ်မည်လား
August 28, 2022 Popular Journal

စတားလုံး တို့စုံတွဲ လမ်းခွဲ​ ဖြစ်မည်လား

 

ရမ်ဘို အဖြစ်ကမ္ဘာ​ကျော်ခဲ့သည် ဆီလ်ဗက်စ်စတာ စတားလုံး နှင့် သူ၏တတိယအိမ်​ထောင်ဖက် ဖယ်လ်ဗင်တို့သည် ​ငွေရတုမင်္ဂလာနှစ်ပတ်လည်အပြီးတွင် ကွာရှင်းမည့်အသံထွက်လာကြရာ ပရိသတ်များ အံ့သြစိတ်ဝင်စား​နေကြသည်။

ဂျနီဖာ ဖယ်လ်ဗင်သည် ဖလော်ရီဒါပြည်နယ်၊ Palm Beach ကောင်တီရှိ တရားရုံးတစ်ခုတွင် သူမ၏ ၂၅ နှစ် သက်တမ်း အိမ်​ထောင်ကို ကွာရှင်းပြတ်စဲရန် လျှောက်ထားခဲ့သည်။ 

ချစ်သူများအဖြစ်ကိုးနှစ်ကြာ တွဲပြီးမှ ၁၉၉၇ ခုနှစ်တွင် လက်ထပ်ခဲ့​သော ဇနီးမောင်နှံတွင် သမီး​ချော သုံးဦးဖြစ်သည့် စကားလက်(၂၀)၊စစ်စတင်း(၂၄)နှင့် ဆိုဖီယာ(၂၅)နှစ် တို့ထွန်းကားထားသည်။ 

“ကိုယ့်မိသားစုကိုချစ်တယ်။ ကျွန်​တော်တို့ရဲ့ကိုယ်ရေးကိုယ်တာပြဿနာ​တွေကို ကိုယ်ဘာသာပဲ​အေး​အေး​ဆေး​ဆေး ဖြေရှင်းနေပါတယ်” ဟု ဖယ်လ်ဗင်ဖက်မှကွာရှင်းပြတ်စဲကြောင်း သတင်းအပြီး People မဂ္ဂဇင်းသို့ စတားလုံး က ပြောကြားခဲ့သည်။

ဖယ်လ်ဗင် သည် အိမ်ထောင်သက် နှစ်အစိတ် ကြာပြီးနောက် စတားလုံး နှင့်ကွာရှင်းဖို့ မည်မျှဝမ်းနည်းကြောင်း People မဂ္ဂဇင်းအား​အောက်ပါအတိုင်း ပြောပြခဲ့သည်။ “အိမ်ထောင်သက် ၂၅ နှစ်အကြာမှာခင်ပွန်းနဲ့ ကွာရှင်းဖို့ လျှောက်ထားကြောင်းကြေငြာလိုက်ရတာ စိတ်မကောင်းပါဘူး။ငါတို့မျှဝေခဲ့တဲ့နှစ် ၃၀ကျော်ဆက်ဆံရေးကို ငါအမြဲတမ်းမြတ်နိုး​နေမှာပါ။ ငါတို့နှစ်ယောက်စလုံးက ငါတို့ရဲ့သမီးချောလေးတွေကို​စောင့်​ရှောက်ရင်း ခင်မင်ရင်းနှီးစွာ ရှေ့ဆက်လှမ်းမယ်။ မိသားစုရဲ့ ကိုယ်​ရေးကိုယ်တာ လွတ်လပ်ခွင့်အတွက် နားလည်​ပေးဖို့ ပရိသတ်ကိုတောင်းဆိုပါတယ်” ဟုပြောထားသည်။

၂၀၂၂ ခုနှစ် မေလတွင် ၎င်းတို့၏ ၂၅ နှစ်မြောက် မင်္ဂလာနှစ်ပတ်လည်နေ့ကို ကျင်းပပြီးနောက် သုံးလအကြာတွင် ယခုကဲ့သို့ ကွာရှင်းမည့်သတင်းထွက်ပေါ်လာခြင်းဖြစ်သည်။

“ကျွန်တော့်ရဲ့ အံ့သြစရာကောင်းတဲ့ ဇနီးအတွက် ၂၅ နှစ်မြောက်နှစ်ပတ်လည်မှာ ပျော်ရွှင်ပါစေ” လို့ စတားလုံး က သူ့ Instagram မှာဓာတ်ပုံတွေနဲ့တင်ခဲ့ဖူးသည်။ “ကိုယ်ကျိုးမဖက်ဘဲ စိတ်ရှည်သည်းခံတဲ့ အမျိုးသမီးကိုဘဝအတွက် ဖော်ပြဖို့ စကားလုံးတွေ လုံလုံလောက်လောက် မရှိသလိုကိုယ်တို့ နောက်ထပ် ၂၅ နှစ်ဆင်နွဲပါရစေလို့ ဆုတောင်းပါတယ် ချစ်သူ!” လို့ပါတင်ထားခဲ့​သေးသည်။

ဖယ်လ်ဗင် က သူမရဲ့ကိုယ်ပိုင်ပို့စ်မှာ “ကျမတို့အတွက် ပျော်ရွှင်စရာ ၂၅ နှစ်မြောက် မင်္ဂလာနှစ်ပတ်လည်ဖြစ်ပါစေ။   ❤️❤️❤️ ချစ်စရာကောင်းတဲ့ မိသားစုကို အမြဲရယ်မော​ရ​စေပြီး ချစ်ပေးလို့ ကျေးဇူးပါနော်။ ကျမတို့ရဲ့ တစ်နှစ်ထက်တစ်နှစ် ပိုကောင်းလာအိမ်ထောင်ရေးနဲ့လက်ကျန် ဘဝတွေကို အတူဖြတ်သန်းဖို့ မစောင့်နိုင်တော့ဘူး”ဟုတင်ထားသည့် ဖယ်လ်ဗင်၏ပို့စ်က​တော့ ဖျက်လိုက်ပြီဖြစ်သည်။

Source: stylecaster.com

Comments (0)

Leave a reply

Your email address will not be published. Required fields are marked *

*