ရှီက ဘိုင်ဒင်အား ထိုင်ဝမ်ကိစ္စ ဝင်မပါရန် သတိပေး
ဝါရှင်တန်/ပေကျင်း၊ ဇူလိုင် ၂၈ ရက်
တရုတ်သမ္မတ ရှီကျင့်ဖျင်နှင့် အမေရိကန်သမ္မတ ဂျိုးဘိုင်ဒင် တို့ ဇူလိုင်လ ၂၈ ရက် ကြာဿပတေးနေ့တွင် ဖုန်းပြောခဲ့ကြရာ ရှီက အမေရိကန်အား ထိုင်ဝမ်အရေးကိစ္စတွင် ဝင်ရောက်စွက်ဖက်ခြင်းသည် မီးနှင့် ကစားခြင်းကဲ့သို့ အန္တရာယ်များကို ဖိတ်ခေါ်နေကြောင်း သတိပေးခဲ့သည်။
အဆိုပါ သတိပေးချက်သည် အမေရိကန် အောက်လွှတ်တော်ဥက္ကဌ နန်စီ ပေလိုစီ၏ ထိုင်ဝမ်ကျွန်းခရီးစဉ်အပေါ် ပေကျင်းအစိုးရ၏ စိုးရိမ်မှုများကို မီးမောင်းထိုးပြနေခြင်းဖြစ်သည်။
“မီးနှင့် ကစားသူသည် မီးကြောင့် ပျက်စီးခြင်းသို့ ရောက်လတ္တံ”ဟု ရှီက ဘိုင်ဒင်ကို ပြောခဲ့ကြောင်း တရုတ်နိုင်ငံခြားရေးဝန်ကြီးဌာနက ရှီ၏အဆိုကို ကိုးကား၍ ဖော်ပြခဲ့သည်။ အဆိုပါ ပြောကြားချက်ကိုလည်း အမေရိကန်မှ သေချာစွာ နားလည်သဘောပေါက်ပါရန် မျှော်လင့်ကြောင်း ပြောကြားခဲ့သည်။
ရှီက ဝါရှင်တန်သည် ပြည်နယ်အားလုံးပေါင်းမှ တရုတ်တစ်ပြည်တည်းဟူသော မူဝါဒ ကို လိုက်နာသင့်ပြီး ထိုင်ဝမ်၏ ကိုယ်ပိုင်လွတ်လပ်ရေးနှင့် ပြင်ပမှ ဝင်ရောက်ဖွက်ရေးတို့ကို တရုတ်နိုင်ငံက ပြင်းပြင်းထန်ထန် ဆန့်ကျင်ကြောင်း အလေးပေးပြောကြားခဲ့သည်။
ထိုင်ဝမ်နှင့်ပတ်သက်သော အမေရိကန်၏ မူဝါဒ ပြောင်းလဲခြင်းမရှိကြောင်း၊ ထိုင်ဝမ်ရေလက်ကြားတစ်လျှောက် ငြိမ်းချမ်းရေးနှင့် တည်ငြိမ်ရေးတို့ကို ထိခိုက်စေမည့် တစ်ဖက်သတ် ကြိုးပမ်းမှုများကို ဝါရှင်တန်က ပြင်းပြင်းထန်ထန် ကန့်ကွက်ကြောင်း ဘိုင်ဒင်က ပြောကြားခဲ့သည်ဟု အိမ်ဖြူတော်က ဆိုသည်။
ထို့အပြင် ၎င်းတို့နှစ်ဦးသည် မျိုးသုဥ်းသတ်ဖြတ်မှုနှင့် အတင်းအဓမ္မခိုင်းစေမှုဆိုင်ရာ ကိစ္စရပ်များကိုလည်း ဆွေးနွေးခဲ့ကြောင်း အိမ်ဖြူတော်က ပြောကြားခဲ့သည်။
အဆိုပါ ဖုန်းခေါ်ဆိုမှုအပြီးတွင် ထိုင်ဝမ်သည် ဘိုင်ဒင်အား ၎င်း၏ ထောက်ခံအားပေးမှုအတွက် ကျေးဇူးတင်ရှိကြောင်းနှင့် ထိုင်ဝမ်၏ လုံခြုံရေးဆိုင်ရာ ပူးပေါင်းဆောင်ရွက်မှုကိုလည်း အမေရိကန်နှင့် ဆက်လက် ပူးပေါင်းသွားမည်ဖြစ်ကြောင်း ပြောကြားခဲ့သည်။
အဆိုပါ နှစ်နာရီကျော် ကြာသော ဖုန်း ပြောဆိုမှုသည် အစိုးရ၏ တရုတ်နိုင်ငံနှင့် အပြန်အလှန် ဆက်သွယ်ပြောဆိုမှုများအား ပိုမိုအားကောင်းလာစေရန်နှင့် နှစ်နိုင်ငံကြား မတူညီကွဲပြားမှုများကို တာဝန်သိစွာ ညှိနှိုင်းဆောင်ရွက်ရန်အတွက် ကြိုးပမ်းမှု တစ်စိတ်တစ်ပိုင်း ဖြစ်ကြောင်း အိမ်ဖြူတော်က ပြောကြားခဲ့သည်။
အမေရိကန်သည် အထူးသဖြင့် ထိုင်ဝမ်အရေးနှင့် ပတ်သက်၍ တင်းမာမှုများ လျော့ချရန်အတွက် စိုးရိမ်နေကြောင်း သိရသည်။
Source: Reuters
