ယူကရိန်းမှာ ​ကြေကွဲစရာတွေဆက်ဖြစ်မလာ​အောင် အနောက်အုပ်စုအားပူတင်သတိပေး

0
7

ယူကရိန်းမှာ ​ကြေကွဲစရာတွေဆက်ဖြစ်မလာ​အောင် အနောက်အုပ်စုအားပူတင်သတိပေး

ကိဗ်(ယူကရိန်း)၊ဇူလိုင် ၈

ရုရှားသမ္မတ ဗလာဒီမာပူတင်က မော်စကိုအား ဆယ်စုနှစ်များစွာ ရန်လိုနေခဲ့သည့် အနောက်အုပ်စုကို ကြာသပတေးနေ့ (ဇူလိုင် ၇) တွင်သတိပေးခဲ့ပြီး စစ်မြေပြင်တွင် ရုရှားကိုအနိုင်ယူလိုပါက စမ်းကြည့်ရန်ကြိုဆိုသော်လည်း ၎င်းသည်ယူကရိန်းအတွက်​ကြေကွဲစရာတွေပိုဖြစ်စေလိမ့်မည်ဟု သတိပေးခဲ့သည်။

ပူတင်၏ထိပ်တန်းသံတမန် Sergei Lavrov သည် ဆန့်ကျင်သူအများစုနှင့် ပထမဆုံးအကြိမ် မျက်နှာချင်းဆိုင်တွေ့ဆုံရသည့် အင်ဒိုနီးရှားနိုင်ငံ၌ သောကြာနေ့ကကျင်းပသည့် G20 တံခါးပိတ်နိုင်ငံခြားရေးဝန်ကြီး အစည်းအဝေးပြုလုပ်ရန် ပြင်ဆင်နေချိန်တွင်ပူတင်၏ယခုမှတ်ချက်ထွက်ပေါ်လာခြင်းဖြစ်သည်။

“နောက်ဆုံးကျန်နေတဲ့ ယူကရိန်းနိုင်ငံသား‌ တွေ‌ကြောင့်အနောက်အုပ်စုကကျွန်တော်တို့ကိုတိုက်ချင်နေတယ်ဆိုတာ အကြိမ်ပေါင်းများစွာကြားခဲ့ပြီးပါပြီ၊ဒါဟာ ယူကရိန်းနိုင်ငံသားတွေအတွက် ကောင်းတဲ့လက္ခဏာမဟုတ်ပေမဲ့ အရာအားလုံးကအဲ့လိုဖြစ်ဖို့ပဲဦးတည်နေတာပဲ” ဟု ပူတင်ကပါလီမန် ခေါင်းဆောင်များကို ရုပ်မြင်သံကြား မိန့်ခွန်းတွင်ပြောကြားခဲ့သည်။

အနောက်အုပ်စုက ပိတ်ဆို့အရေးယူမှုနဲ့ ရုရှားကိုချုပ်ကိုင်ဖို့ကြိုးစားခဲ့ပေမဲ့ ထင်သလောက်အရာမရောက်ခဲ့ပါဘူး။ဒဏ်ခတ်ပိတ်ဆို့မှု‌တွေကြောင့် ရုရှားကိုထိခိုက်ခဲ့တာမှန်ပေမယ့် “သူတို့မျှော်လင့်ထားတဲ့ပမာဏအတိုင်းတော့အကျပ်မရိုက်ခဲ့ပါဘူး” ဟု၎င်းကထပ်မံပြောသည်။ရုရှားကငြိမ်းချမ်းရေးဆွေးနွေးဖို့လက်မခံတာမဟုတ်ပါဘူး၊ဒါပေမယ့် ပဋိပက္ခတွေပိုများလာလေလေ၊သဘောတူညှိနှိုင်းဖို့ကပိုအလှမ်းဝေးလာလေလေတော့ဖြစ်လာမှာပဲဟုလည်းဆိုခဲ့သည်။

ဗြိတိန်ဝန်ကြီးချုပ်ဘောရစ်ဂျွန်ဆင် ရာထူးကဆင်းပေးမည်ဟုပြောကြားပြီးနောက် ကိဗ်သည် ၎င်းအားအဓိကထောက်ခံသူတစ်ဦးကို ဆုံးရှုံးခဲ့သည်။

ယူကရိန်းနိုင်ငံခြားရေးဝန်ကြီး Dmytro Kuleba က ရုရှား၏ထိုးစစ်ဆင်မှုကို ပြတ်ပြတ်သားသားရှုံ့ချသည့် ပထမဆုံးကမ္ဘာ့ခေါင်းဆောင်များထဲတွင်ပါဝင်သည့် ဗြိတိန်ဝန်ကြီးချုပ်အား “ယူကရိန်း၏ စစ်မှန်သောမိတ်ဆွေ” ဟုဆိုခဲ့ပြီးဆက်လက်၍လည်း ယူကရိန်းနိုင်ငံကိုကာကွယ်ရန် နှင့် နောက်ဆုံးတွင် စစ်ပွဲကိုအနိုင်ရစေရန် ကူညီထောက်ပံ့ပေးရန်လည်းတောင်းဆိုခဲ့သည်။

ဂျွန်ဆင်၏နုတ်ထွက်မှုသည် ကိဗ်ကိုထောက်ခံသည့် အခြားဥရောပနိုင်ငံအချို့တွင် ပြည်တွင်းမငြိမ်သက်မှုများနှင့် ကာလရှည်ကြာ ပဋိပက္ခဖြစ်လာနေသည့်အတွက် ၎င်းတို့၏ ဆက်လက်ရပ်တည်နိုင်မှုနှင့်ပတ်သက်၍ သံသယများထွက်ပေါ်လာနေချိန်ဖြစ်သည်။

ယခုဖြစ်ရပ်သည် ဒုတိယကမ္ဘာစစ်နောက်ပိုင်း ဥရောပတွင်အကြီးမားဆုံး ပဋိပက္ခဖြစ်ကာ ထောင်ချီသေဆုံးပြီးသန်းပေါင်းများစွာအိုးမဲ့အိမ်မဲ့ဖြစ်ပြီး မြို့များစွာကိုပျက်စီးစေခဲ့သည်။

Source – Reuters/ec


LEAVE A REPLY

Please enter your comment!
Please enter your name here