ပါကစ္စတန် ဓာတ်အားပြတ်တောက်မှုကြောင့် မိုဘိုင်းလ်နှင့်အင်တာနက်ဝန်ဆောင်မှုများရပ်ဆိုင်းနိုင်

0
152

ပါကစ္စတန် ဓာတ်အားပြတ်တောက်မှုကြောင့် မိုဘိုင်းလ်နှင့်အင်တာနက်ဝန်ဆောင်မှုများရပ်ဆိုင်းနိုင် 

အစ္စလာမာဘတ်၊ဇူလိုင် ၁

နိုင်ငံတစ်ဝန်း လျှပ်စစ်မီးပြတ်တောက်မှုကြောင့် မိုဘိုင်းနှင့်အင်တာနက်ဝန်ဆောင်မှုများ ရပ်ဆိုင်းသွားနိုင်ကြောင်းပါကစ္စတန် တယ်လီကွန်းအော်ပရေတာများကသတိပေးထားသည်။  

“ပါကစ္စတန်ရှိ တယ်လီကွန်းအော်ပရေတာများသည် နိုင်ငံတစ်ဝန်းတွင် နာရီပေါင်းများစွာ ဓာတ်အားပြတ်တောက်မှုကြောင့် မိုဘိုင်းနှင့်အင်တာနက်ဝန်ဆောင်မှုများကို ပိတ်ပစ်ရနိုင်သည်ဟုသတိပေးခဲ့ကြောင်း” Pakistan National Information Technology Board (NITB) မှတွစ်တာတွင်ရေးသားခဲ့သည်။

ဝန်ကြီးချုပ် Shehbaz Sharif က ဇူလိုင်လတွင် တိုင်းပြည်သည်ပိုမိုကြီးမားသည့် ဝန်ထုပ်ဝန်ပိုးကို ရင်ဆိုင်ရနိုင်သည်ဟု သတိပေးပြီးနောက် ရက်ပိုင်းအတွင်း ယခုကြေငြာချက်ထွက်ပေါ်လာခြင်းဖြစ်သည်။

ပါကစ္စတန်အစိုးရအ‌နေဖြင့် သဘောတူညီချက်ဖြစ်မြောက်အောင် ကြိုးပမ်းခဲ့​သော်လည်း လိုအပ်သော သဘာဝဓာတ်ငွေ့ရည် (LNG) ထောက်ပံ့မှုကို မရရှိနိုင်ကြောင်းတနင်္လာနေ့တွင် ၎င်းက ပြောကြားခဲ့သည်။

ပါကစ္စတန်တွင် အစိုးရ၀န်ထမ်းများအတွက် အလုပ်ချိန်များကို လျှော့ချခဲ့ပြီး ကရာချီအပါအဝင်မြို့အသီးသီးရှိ စက်ရုံများကိုလည်း စောစောပိတ်ရန်၊စျေးဝယ်စင်တာများနှင့် စက်ရုံများကို စွမ်းအင်ချွေတာရန်ပါအမိန့်ပေးထားသည်။

အစိုးရအနေဖြင့်လည်း​လောင်စာပိုမိုဝယ်ယူနိုင်​ရေး ကာတာနှင့်စကားပြောနေသည်ဟု ပါကစ္စတန် ဘဏ္ဍာရေးဝန်ကြီး Miftah Ismail ကပြောကြားခဲ့သည်။

ပါကစ္စတန်တွင် ဓာတ်အားပြတ်တောက်ရခြင်း၏ အဓိကအကြောင်းအရင်းမှာ ဓာတ်အားနှင့် စွမ်းအင်ရင်းမြစ်များ နည်းပါးခြင်းကြောင့်ဖြစ်သည်။နိုင်ငံတွင် လောင်စာဆီပြတ်လပ်မှုနှင့် အဓိကရင်ဆိုင်နေရပြီး ပြည်နယ်အများအပြားတွင် ၁၂ နာရီကြာမီးပျက်သွားခဲ့ပြီး လောင်စာဆီပြတ်တောက်မှုကြောင့် လျှပ်စစ်ဓာတ်အားပေးဝေမှုတွင်လည်း ကြီးမားသောထိခိုက်မှုနှင့်ကြုံနေရသည်။

ရုရှားနှင့်ယူကရိန်းတို့ကြား ဖြစ်ပွားနေသော စစ်ပွဲကြောင့် ကမ္ဘာလုံးဆိုင်ရာ စွမ်းအင်ပြတ်လပ်မှုနှင့် လောင်စာဆီပြတ်လပ်မှု လည်းပေါ်လွင်လာသည်။

Source – Wio News


LEAVE A REPLY

Please enter your comment!
Please enter your name here