ထုတ်လုပ်ပြီးလျှပ်စစ်ဓာတ်အားများ ပြည်သူလူ ထုထံဓာတ်အားပျောက်ဆုံးမှုအနည်းဆုံးနှင့်ဗို့ အားပြည့်ဝတည်ငြိမ်စွာအချိန်မီဖြန့်ဖြူးပေးပို့နိုင်ရေးသည် မိမိတို့ဝန်ကြီးဌာန၏အဓိက ရည်မှန်း ချက်ဖြစ်ဟု ပြည်ထောင်စုဝန်ကြီးဦးသောင်းဟန်ပြော

0
61

ထုတ်လုပ်ပြီးလျှပ်စစ်ဓာတ်အားများ ပြည်သူလူ ထုထံဓာတ်အားပျောက်ဆုံးမှုအနည်းဆုံးနှင့်ဗို့ အားပြည့်ဝတည်ငြိမ်စွာအချိန်မီဖြန့်ဖြူးပေးပို့နိုင်ရေးသည် မိမိတို့ဝန်ကြီးဌာန၏အဓိက ရည်မှန်း ချက်ဖြစ်ဟု ပြည်ထောင်စုဝန်ကြီးဦးသောင်းဟန်ပြော

ရန်ကုန်တိုင်းအတွင်း လျှပ်စစ်ဓာတ်အားတိုးမြှင့်ဖြန့်ဖြူးပေးနိုင်ရန်၊ဓာတ်အားစနစ်တည်ငြိမ်တိုး တက်ကောင်းမွန်စေရန်နှင့်လျှပ်စစ်ဓာတ်အား လျော့နည်းပပျောက်မှုကျဆင်းစေရန်တို့နှင့်ပတ် သက်၍ ဇွန် ၁၁ ရက်ကပြုလုပ်သည့် ညှိနှိုင်းအ စည်းအဝေး၌ ခရိုင်လျှပ်စစ်မန်နေဂျာ/ခရိုင်လျှပ် စစ်အင်ဂျင်နီယာများ၊မြို့နယ်လျှပ်စစ်မန်နေဂျာ/မြို့နယ်လျှပ်စစ်အင်ဂျင်နီယာများအား ပြောကြားခဲ့ခြင်းဖြစ်သည်။

“ရန်ကုန်တိုင်းရဲ့ လျှပ်စစ်ဓာတ်အားသုံးစွဲမှုဟာ နှစ်စဉ် ၁၅ ရာခိုင်နှုန်းခန့် တိုးတက်သုံးစွဲနေတာကြောင့် တိုးတက်သုံးစွဲလာမယ့် ဓာတ်အားလို အပ်ချက်တွေကို ဖြည့်ဆည်းပေးနိုင်ဖို့အတွက် ဓာတ်အားထုတ်လုပ်မှုအပိုင်းမှာ ပြန်ပြည့်မြဲ စွမ်းအင် အပါအဝင် နည်းမျိုးစုံနဲ့ တိုးတက်ထုတ် လုပ်နိုင်ဖို့ကို ဆောင်ရွက်လျက်ရှိပါတယ်”ဟုပြည်ထောင်စုဝန်ကြီးဦးသောင်းဟန်ကပြောသည်။

ထို့ပြင် ဓာတ်အားပို့လွှတ်ခြင်းအပိုင်းအား တိုးချဲ့ဆောင်ရွက်ခြင်း၊ဓာတ်အားဖြန့်ဖြူးခြင်းအပိုင်းများကိုလည်း တိုးချဲ့ပြုပြင်ဆောင်ရွက်လျက်ရှိကာ ထိုသို့ဆောင်ရွက်မှုများအား တက်ညီလက်ညီကြိုးစားဆောင်ရွက်ကာရရှိလာသည့် နိုင်ငံတော် ၏ ဘဏ္ဍာငွေအ အလေအလွင့်မရှိစေရန် အကျိုးရှိစွာအသုံးချနိုင်စေရန် သတ်မှတ်ထားသည့်အချိန်ကာလအတွင်း အရည်အသွေး ပြည့်ဝ ကောင်းမွန်သည့် ပစ္စည်းများအား စနစ်တကျသုံးစွဲတည်ဆောက်ရန်လိုအပ်သည်ဟုပြောသည်။

အလားတူ ထုတ်လုပ်ပြီးလျှပ်စစ်ဓာတ်အားများအား ပြည်သူလူထုထံ ဓာတ်အားပျောက်ဆုံးမှု အ နည်းဆုံးနှင့်ဗို့အားပြည့်ဝတည်ငြိမ်စွာ အချိန်မီဖြန့် ဖြူးပေးပို့နိုင်ရေးသည် မိမိတို့ဝန်ကြီးဌာန၏ အဓိက ရည်မှန်းချက်ဖြစ်သည်ဟုပြောသည်။

“ကျန်ရှိနေတဲ့ ဓာတ်အားခကြွေးကျန်တွေကို ရာ နှုန်းပြည့်အပြည့်အဝကောက်ခံရရှိစေဖို့အတွက် ခရိုင်/မြို့နယ်လျှပ်စစ်မန်နေဂျာတွေ လျှပ်စစ်အင်ဂျင်နီယာတွေ ဘဏ္ဍာရေးတာဝန်ခံတွေက အောက်ခြေအထိကွင်းဆင်းပြီး ကြီးကြပ်ဆောင်ရွက်သွားဖို့လိုသလို မီတာဖတ်တာ မီတာဘေလ်ဝေတာနဲ့ဓာတ်အားခကောက်ခံတာတွေကို လုံခြုံရေးပြည့်ပြည့်ဝဝနဲ့ တက်ညီလက်ညီ ဝိုင်းဝန်းကြိုးပမ်းဆောင်ရွက်သွားကြဖို့ လိုအပ်ပါတယ်”ဟု ပြည်ထောင်စုဝန်ကြီးဦးသောင်းဟန်ကပြောသည်။

အလားတူ မိမိတို့ဝန်ကြီးဌာနသည် ပြည်သူအား ဝန်ဆောင်မှုပေးနေသည့်ဌာနဖြစ်၍ ပြည်သူလူထု ၏ လျှပ်စစ်ဓာတ်အားလိုအပ်ချက်များအား အတတ်နိုင်ဆုံးဖြည့်ဆည်းနိုင်ရန် ဆောင်ရွက်၍ အကောင်းဆုံးဝန်ဆောင်မှုပေးနိုင်ရန် စေတနာထားကာ ဝိုင်းဝန်းကြိုးပမ်းဆောင်ရွက်ကြရန် လိုအပ်သည်ဟုပြောသည်။

ထို့နောက် ရန်ကုန်တိုင်းအတွင်းရှိ ခရိုင်လျှပ်စစ်မန် နေဂျာများ၊ခရိုင်လျှပ်စစ်အင်ဂျင်နီယာများက ခရိုင်/မြို့နယ်များအတွင်း လျှပ်စစ်ဓာတ်အားဖြန့်ဖြူးပေးထားမှုအခြေအနေ၊နှစ်အလိုက် ဓာတ်အားတိုးတက်သုံးစွဲလာမှုနှင့်ဓာတ်အားပျောက်ဆုံးမှု လျော့နည်းကျဆင်းရေးအတွက် ဆောင်ရွက်ထားရှိမှု၊ဓာတ်အားခများကောက်ခံရရှိမှုနှင့်ဆက် လက်ဆောင်ရွက်မည့် အစီအမံများအားရှင်းလင်းတင်ပြခဲ့ကြသည်။

အလားတူ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းဥက္ကဋ္ဌ ဦးအောင်ကျော်ဦးနှင့်ဦးစီး ဌာနအလိုက် ညွှန်ကြားရေးမှူးချုပ်များက ဖြည့် စွက်ရှင်းလင်းတင်ပြခဲ့ကြသည်။

 


LEAVE A REPLY

Please enter your comment!
Please enter your name here