ကွာရန်တင်းဝင်ရောက်ရန်မလိုသည့်ခရီးသွားအစီအစဉ် စင်ကာပူနိုင်ငံစတင်
စင်ကာပူနိုင်ငံဟာ ခရီးသွားခွင့် ပြန်လည်ဖွင့်လှစ်လိုက်တဲ့ အရှေ့တောင်အာရှနိုင်ငံများစာရင်းမှာ ပါဝင်လာပြီး မြောက်အမေရိကနဲ့ဥရောပနိုင်ငံတို့က ကာကွယ်ဆေးအပြည့်ထိုးနှံပြီးသူတွေ အနေနဲ့ ကွာရန်တင်းဝင်ရောက်ဖို့ မလိုဘဲ စင်ကာပူ ကို သွားလို့ရသွားပါပြီ။
ပြီးခဲ့တဲ့အောက်တိုဘာလ ၁၉ရက်နေ့မှစတင်ပြီး အမေရိကန်၊ ကနေဒါ၊ ယူကေ၊ ပြင်သစ်၊ အီတလီနိုင်ငံများအပါအဝင် နိုင်ငံပေါင်း ၁၀နိုင်ငံက ၎င်းအစီအစဉ်ကိုစတင်ခဲ့ကြပြီး ကိုဗစ်ရောဂါပိုးကင်းရှင်းကြောင်းအထောက်အထားပြသဖို့တော့ လိုအပ်မှာဖြစ်ပါတယ်။
နိုင်ငံခြားသားခရီးသွားများနဲ့ စီးပွားရေးဆိုင်ရာခရီးသွားလာမှုများကို စင်ကာပူနိုင်ငံက ဘရူနိုင်း၊ ဂျာမနီနိုင်ငံတို့နဲ့အတူ ပြီးခဲ့တဲ့လက စတင်ခဲ့တာဖြစ်ပါတယ်။
စင်ကာပူနိုင်ငံလူဦးရေရဲ့ ၈၄%ဟာ ကိုဗစ်ကာကွယ်ဆေးအပြည့်ထိုးနှံပြီးစီးသွားပြီဖြစ်ပြီး ပြီးခဲ့တဲ့ရက်ပိုင်းအတွင်းမှာတော့ စင်ကာပူနိုင်ငံရဲ့ရောဂါပိုးကူးစက်မှုအခြေအနေဟာ တစ်ရက်အတွင်းမှာပဲ ၃၉၀၀ဦးအထိ ပြန်လည်မြင့်တက်ခဲ့ပါတယ်။
ကွာရန်တင်းဝင်ရောက်ရန်မလိုတဲ့ခရီးသွားအစီအစဉ်ကို တောင်ကိုရီးယားနိုင်ငံအနေနဲ့လည်း လာမယ့်နိုဝင်ဘာလလည်မှာ စတင်မယ်လို့သိရပါတယ်။
Source – NHK
Photo – Forbes