တိုင်းရင်းသူ သရုပ်ဆောင် မာရီကိုး ဦးဆောင်တဲ့ “ကူးစက်ရောဂါ သင့် နာဂလူမျိုးများ ကယ်ဆယ်ရေးနှင့် ပြန်လည် ထူထောင်ရေး ရန်ပုံငွေပွဲတော်” ကို ဇန်နဝါရီလ ၂၈ ရက်နေ့ အမျိုးသား ကဇာတ်ရုံမှာ ကျင်းပပြု လုပ် သွားမှာဖြစ်ပါတယ်။ နာဂလူမျိုးတွေကို အများပြည် သူ သိရှိသွားစေချင်တဲ့ မာရီကိုးက ရန်ပုံငွေပွဲ ပြုလုပ်ရခြင်း နဲ့ပတ်သက်ပြီး
“ဒီပွဲလေးလုပ်ဖြစ်ဖို့ကို ရည်ရွယ်ထားတာ ကြာပါပြီ။ နာဂဒေသမှာ ကပ်ရောဂါတွေလည်းဖြစ်တယ်။ လယ်ဧကတွေလည်း ဆုံးရှုံးပြီး ၁၁လပိုင်း တုန်းကလည်း မီးလောင်မှုဖြစ်ခဲ့ပါတယ်။ နာဂဆိုတာ အစစ အရာရာ ဖွံ့ဖြိုး တိုးတက်မှုတွေ နောက် ကျနေ ပါသေး တယ်။ နောက်ပြီး နာဂလူမျိုး ဆိုတာကို မသိကြသေး တာတွေလည်း တော်တော်လေး ရှိပါတယ်။ အလှူရှင်တွေ အနေနဲ့က လည်း လှူချင် တယ် ဆိုရင်တောင် ဘယ်နေရာ၊ ဘယ်ဒေသမှာ ရှိတယ်ဆိုတာ မသိကြပါဘူး။ ညီမကလည်း နာဂလူမျိုးဖြစ်တဲ့ အတွက် ကိုယ့်လူမျိုးကို တစ်ဖက် တစ်လမ်းက ကူညီချင်တဲ့ သဘောနဲ့ ဒီပွဲလေး ပြုလုပ်ဖြစ်တာ ပါ” လို့ ပြောပါတယ်။
ဒီပွဲတော်မှာ နာဂရိုးရာ ဝတ်စားဆင်ယင်မှုတွေကို အဓိကထား ပြသမယ့် Fashion show နဲ့ နာဂ တိုင်းရင်းသား အကများကို ဖျော်ဖြေ တင်ဆက်သွား မှာပါ။ နိုင်နိုင်း၊ ပိုင်တံခွန်၊ ထွန်းကိုကို၊ အောင်လေး၊ မိုးယံဇွန်၊ အွန်ဆိုင်း၊ နန်းခေးမား၊ မေမြတ်နိုး စတဲ့ အနုပညာရှင် များက နာဂရိုး ရာ အဝတ်အစား များကို ဝတ်ဆင်ပြသမယ့် အပြင် ထူးခြားတဲ့ အစီအစဉ်များကို မာရီကိုးက
“ဒီပွဲမှာ ဒီဇိုင်နာ ဦး၊ စီစီအောင်၊ ဒီဇိုင်နာ နန်းလောင်ခမ်း၊ ဒီဇိုင်နာ အပွတ်တို့ရဲ့ ဝတ်စုံတွေကို ပြသသွားမှာပါ။ ရိုးရာအတိုင်း ဝတ်ဆင်ပြ သ တဲ့အပိုင်းနဲ့ Modernizeလုပ်ပြီး ဖန်တီးထားတဲ့ အပိုင်း ၂ ပိုင်း ပြသွားမှာပါ။ နာဂရိုးရာ အက တင်ဆက်မှုအတွက်လည်း ညီမ ကိုယ်တိုင် လည်း လဟယ် ဒေသကို သွားပြီး အကောင်းဆုံး အက အဖွဲ့တွေကို ခေါ်လာပြီး ရန်ကုန်မှာ ဖျော်ဖြေမှာပါ။ ညီမ ကိုယ်တိုင် လည်း သီချင်းတွေနဲ့ ဖျော်ဖြေသွားမှာပါ” လို့ ပြောပါတယ်။ အဲဒါအပြင် တေးသံရှင် ဇော်ပိုင်၊ ထွန်းထွန်း၊ မင်းသွေး၊ သာဒီးလူ၊ ဆုန်သင်းပါရ်၊ ပိုပို တို့ကလည်း တေးသီချင်းတွေ သီဆို ဖျော်ဖြေ သွားမယ်လို့ သိရပါတယ်။ ပွဲမှာရရှိတဲ့ အလှူငွေများကို မာရီကိုး ကိုယ်တိုင် နာဂဒေသရဲ့ လိုအပ်နေတဲ့ နေရာများကို သွားရောက်ပြီး စားနပ်ရိက္ခာ၊ ဆေးဝါး၊ အဝတ်အထည်များ လှူဒါန်းသွား မှာ ဖြစ်ပါ တယ်။
မြတ်နိုးပွင့်
