တရုတ်နိုင်ငံ၏ ဝါရင့်အမတ် ဟီဝေသည် အီရန်နိုင်ငံ၊ တေရန်မြို့တွင် ကျင်းပမည့် ကွယ်လွန်သူ အီရန်ခေါင်းဆောင်ဟောင်း အယာတိုလာ အလီခါမေနီ၏ ဈာပနအခမ်းအနားသို့ တက်ရောက်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာနက ဇူလိုင် ၂ ရက်တွင် ထုတ်ပြန်ကြေညာသည်။
တရုတ်နိုင်ငံခြားရေးဝန်ကြီးဌာန၏ ပုံမှန်သတင်းစာရှင်းလင်းပွဲတွင် ပြောရေးဆိုခွင့်ရှိသူက ဟီဝေသည် ဇူလိုင် ၃ ရက်တွင် ကျင်းပမည့် ဈာပနအခမ်းအနားသို့ တရုတ်အစိုးရကိုယ်စား တက်ရောက်မည်ဖြစ်ကြောင်း ပြောကြားခဲ့သည်။
ဟီဝေသည် တရုတ်နိုင်ငံ၏ အမျိုးသားပြည်သူ့ကွန်ဂရက် (National People’s Congress) အမြဲတမ်းကော်မတီ၏ ဒုတိယဥက္ကဋ္ဌအဖြစ် တာဝန်ထမ်းဆောင်လျက်ရှိသူဖြစ်သည်။
အီရန်ခေါင်းဆောင်ဟောင်း အယာတိုလာ အလီခါမေနီသည် အစ္စရေးနှင့် အမေရိကန်တို့က အီရန်နိုင်ငံအပေါ် စတင်ပြုလုပ်ခဲ့သည့် လေကြောင်းတိုက်ခိုက်မှု ပထမဆုံးနေ့တွင် ကွယ်လွန်ခဲ့ကြောင်း သိရသည်။
အီရန်နိုင်ငံပိုင်မီဒီယာ၏ ဖော်ပြချက်အရ နိုင်ငံတော်ဈာပနအခမ်းအနားကို ဇူလိုင် ၄ ရက်တွင် တေရန်မြို့၌ စတင်ကျင်းပမည်ဖြစ်ပြီး၊ ဇူလိုင် ၉ ရက်တွင် ၎င်း၏ ဇာတိမြို့ဖြစ်သည့် နိုင်ငံအရှေ့မြောက်ပိုင်းရှိ မက်ရှ်ဟက်မြို့၌ မြှုပ်နှံသဂြိုလ်မည်ဖြစ်ကာ ဈာပနအစီအစဉ်ကို အဆုံးသတ်မည်ဖြစ်ကြောင်း သိရသည်။
Ref: The Straits Times