ဒေသထွက် စားသောက်ကုန်လုပ်ငန်းများ အဆင့်မြှင့်တင်ရေး
ငရုတ်သီးအမှုန့်လုပ်ငန်း
တောင်ငူမြို့၊ အမှတ် (၂) ရပ်ကွက်ရှိ ငရုတ်သီးအမှုန့်မျိုးစုံလုပ်ငန်းသို့ သွားရောက်ကာ ထုတ်လုပ်မှုအဆင့်ဆင့်တွင် သန့်ရှင်းသပ်ရပ်မှုရှိစေရေး၊ အစားအစာဘေးကင်းလုံခြုံမှု (Food Safety) နှင့် ထုတ်ပိုးမှုစနစ် (Packaging) အဆင့်မြှင့်တင်ရန် လမ်းညွှန်ခဲ့သည်။
မျှစ်စားသောက်ကုန်လုပ်ငန်း
“မိဘမေတ္တာ” မျှစ်ချို/မျှစ်ချဉ်လုပ်ငန်းတွင် မျှစ်အစိုထုတ်လုပ်ရုံသာမက ပြည်ပပို့ကုန်အဖြစ် မျှစ်ခြောက်လုပ်ငန်း တိုးချဲ့ရန်နှင့် ဝါးအချောထည် စက်မှု/လက်မှု ထုတ်ကုန်များ ထုတ်လုပ်နိုင်ရေး တိုက်တွန်းမှာကြားခဲ့သည်။
မွေးမြူရေးနှင့် သီးညှပ်စိုက်ပျိုးရေး ကဏ္ဍ
ဥစားဘဲမွေးမြူရေး
ကံရိုးကျေးရွာအုပ်စုရှိ ဥစားဘဲကောင်ရေ (၅,၀၀၀) မွေးမြူထားရှိမှုကို ကြည့်ရှုပြီး မျိုးကောင်းမျိုးသန့်ရရှိရေးနှင့် ဒေသစပ်စာ ကိုယ်တိုင်ထုတ်လုပ်မွေးမြူနိုင်ရေးအတွက် တာဝန်ရှိသူများနှင့် ပေါင်းစပ်ညှိနှိုင်းပေးခဲ့သည်။
ကော်ဖီနှင့် သီဟိုဠ်စိုက်ပျိုးရေး
အုတ်တွင်းမြို့နယ်၊ အမြန်လမ်းမကြီးဘေးရှိ သီဟိုဠ်ခြံများအတွင်း ရိုဘတ်စတာကော်ဖီ (၁၆၈) ဧက သီးညှပ်စိုက်ပျိုးအောင်မြင်နေမှုကို ကြည့်ရှုခဲ့ပြီး ကျန်ရှိသည့် ကော်ဖီပျိုးပင်များကို ယခုမိုးရာသီအတွင်း အပြီးစိုက်ပျိုးရန် လမ်းညွှန်ခဲ့သည်။