ရှမ်းပြည်နယ်အတွင်း တိုင်းရင်းသားအသင်းအဖွဲ့များနှင့် တွေ့ဆုံမှု
ယမန်နေ့က တောင်ကြီးမြို့ရှိ တိုင်းရင်းသားလူမျိုးများရေးရာဝန်ကြီးဌာန၊ ပြည်နယ်ညွှန်ကြားရေးမှူးရုံး၌ ရှမ်းပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံစဉ် ပြည်ထောင်စုဝန်ကြီးက အထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။
ဂုဏ်ပြုချီးမြှင့်မှု
အဆိုပါတွေ့ဆုံပွဲတွင် ရှမ်း၊ ပအိုဝ်း၊ ဓနု၊ တောင်ရိုး၊ အင်းသား၊ ကချင်၊ လီဆူ၊ ကိုးကန့်နှင့် ထနော့ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များကို ဝန်ကြီးဌာနမှ ချီးမြှင့်ငွေများ ပေးအပ်ခဲ့သည်။
ရည်ရွယ်ချက်
တိုင်းရင်းသားစာပေနှင့် ယဉ်ကျေးမှုများ ရေရှည်တည်တံ့ခိုင်မြဲစေရန်နှင့် စာပေသင်ကြားရေးကဏ္ဍတွင် ကြုံတွေ့နေရသည့် ဆရာ/ဆရာမ လိုအပ်ချက်များကို ဖြည့်ဆည်းပေးနိုင်ရန် ရည်ရွယ်သည်။
လက်ရှိခန့်ထားမှု အခြေအနေ
မြန်မာနိုင်ငံတစ်ဝန်းရှိ အခြေခံပညာကျောင်းများတွင် တိုင်းရင်းသားဘာသာသင်ထောက်ကူ (Teaching Assistant – TA) နှင့် ဘာသာစကားသင် ဆရာ/ဆရာမ (Language Teacher – LT) များကို နှစ်စဉ်ခန့်ထားပေးလျက်ရှိသည်။ စာရင်းအချက်အလက်များအရ တိုင်းရင်းသားဘာသာသင်ထောက်ကူ (TA) ပေါင်း ၅,၂၀၀ နီးပါးကို ခန့်အပ်ထားပြီးဖြစ်ကာ ရှေ့ဆက်၍လည်း လိုအပ်ချက်ရှိသည့် ဒေသများတွင် ထပ်မံတိုးမြှင့်ခန့်ထားနိုင်ရန် စီစဉ်လျက်ရှိကြောင်း သိရသည်။
တိုင်းရင်းသားဘာသာသင် (TA/LT) ဆိုင်ရာ အမျိုးအစား၊အဓိပ္ပာယ်ဖွင့်ဆိုချက်
နှင့်တာဝန်
TA (Teaching Assistant)
တိုင်းရင်းသားဘာသာသင်ထောက်ကူ
KG တန်းနှင့် မူလတန်းကလေးငယ်များအတွက် ဘာသာစကားအခက်အခဲမရှိစေရန် သင်ကြားမှုတွင် ကူညီပေးခြင်း။
LT (Language Teacher)
ဘာသာစကားသင် ဆရာ/ဆရာမ
သက်ဆိုင်ရာ တိုင်းရင်းသားဘာသာစကား သီးသန့်သင်ကြားချိန်များတွင် စာပေသင်ကြားပေးခြင်း။
