ကရင်ပြည်နယ်၊ မြဝတီမြို့ရှိ စျေးများနှင့် ရပ်ကွက်အတွင်းရှိ စျေးဆိုင်များမှသိမ်းဆည်းရမိသော FDA ခွင့်ပြုချက်မရှိသည့် စားသောက်ကုန်များနှင့် သက်တမ်းလွန်စာသောက်ကုန်များကို ဧပြီ ၂၁ ရက်က မီးရှို့ဖျ-က်ဆီးခဲ့ကြောင်း သိရသည်။
သက်ဆိုင်ရာ တာဝန်ရှိသူများက အဖွဲ့(၃)ဖွဲ့ခွဲ၍ မြဝတီမြို့နယ်ရှိ ဘုရင့်နောင်ဈေး၊ ကျွန်းတောဈေး၊ ကြံခင်းဈေး၊ အင်ကြင်းမြိုင်ကျေးရွာနှင့် ရပ်ကွက်အတွင်းရှိ ဈေးဆိုင်များအားကွင်းဆင်းစစ်ဆေးခဲ့ကြကြောင်း သိရသည်။
ထိုသို့ ကွင်းဆင်းစစ်ဆေးပြီးနောက် သိမ်းဆည်းရမိသည့် ခွင့်ပြုချက်မဲ့ စားသောက်ကုန်များ၊ သက်တမ်းလွန်စားသောက်ကုန်များကို အမှတ်(၁)ရပ်ကွက် ဘောလုံးကွင်းတွင် မီးရှို့ဖျ-က်ဆီးခဲ့ကြကြောင်း သိရသည်။
FDA ခွင့်ပြုချက်မရှိသော စားသောက်ကုန်များ ဈေး ကွက်အတွင်းရောင်းချမှုမရှိစေရေးနှင့် ပြည်သူများ အစာအဆိပ်သင့်ခြင်းမဖြစ်စေရေးအတွက် ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ၏ကြီးကြပ်မှုဖြင့် ကွင်းဆင်းစစ်ဆေးခဲ့ကြခြင်းဖြစ်ကြောင်း သိရသည်။