ကွာလာလမ်ပူ – မလေးရှားဝန်ကြီးချုပ် အန်ဝါအီဘရာဟင် က အီရန်က အဆိုပြုထား သော အချက် ၁၀ ချက်ကို အမေရိက က အပြုသဘောဆောင်သော လက်ခံမှု အစီအစဉ်ကို ကြိုဆို လိုက် သော်လည်း လှည့်ဖြားမှုနှင့် နောက်ကျောဓါးနှင့်ထိုးခြင်း တို့ဖြင့် ဖုံးကွယ်ထားမည်ဆိုပါက ငြိမ်းချမ်းရေးဆွေးနွေးပွဲများ အောင်မြင် နိုင်မည် မဟုတ်ကြောင်း သတိပေးခဲ့သည်။
2023 ခုနှစ် ဂါဇာ ပဋိပက္ခ စတင်ကတည်းက အမေရိက နှင့် အစ္စရေး၏ နိုင်ငံခြားရေး မူဝါဒကို အပြင်းအထန် ဝေဖန်သူ တစ်ဦးက “အီရန်အတွက်သာမက အီရတ်၊ လက်ဘနွန်နှင့် ယီမင်တို့အတွက်ပါ ပြီးပြည့်စုံသော ငြိမ်းချမ်းရေးသဘော တူညီချက်တစ်ရပ်” တောင်းဆိုခဲ့သည်။
“ဒါ့အပြင် ဂါဇာမှာတင် မဟုတ်ဘဲ ပါလက်စတိုင်းပြည်သူတွေ ကို လူမျိုးတုံးသတ်ဖြတ်မှုနဲ့ သုတ်သင်ရှင်းလင်းမှု အဆုံးသတ် ရေးအတွက် လက်ရှိ သက်ဆိုင်သူတွေဟာ ပါလက်စတိုင်း တွေအပေါ် တာဝန်ရှိပါတယ်” ဟု ၎င်းက ဧပြီ ၈ ရက်တွင် ကြေညာချက်ထုတ်ပြန်ခဲ့သည်။
“ချစ်ခြင်း နဲ့ မုန်းခြင်း သို့မဟုတ် ကြောက်ခြင်း” မပါဘဲ ဘက်ပေါင်းစုံကို စကား ပြောဆိုလိုတဲ့ ပါကစ္စတန်ရဲ့ ဆန္ဒက မွတ်စလင်စည်းလုံး ညီ ညွတ်မှုနဲ့ နိုင်ငံတကာတာဝန်ယူမှုရဲ့ အမြင့်ဆုံးအစဉ်အလာကို ထင်ဟပ်နေပါတယ်” ဟု ၎င်းက ထပ်လောင်းပြောကြား ခဲ့သည်။
ဆော်ဒီအာရေးဗျ အပါအဝင် ပင်လယ်ကွေ့နိုင်ငံအများအပြားက ၎င်းတို့နှင့် အီရန်တို့ကြား ဖျန်ဖြေပေးရန်အတွက် ကွာလာလမ်ပူကို တောင်းဆိုခဲ့ပြီး အနောက်အာရှ ငြိမ်းချမ်း ရေးအတွက် “ပံ့ပိုးကူညီမှုနှင့် ကြိုးပမ်းမှုအားလုံးကို ဖြည့်ဆည်းရန် မလေးရှားက အဆင်သင့်ဖြစ်” ကြောင်း မစ္စတာအန်ဝါက ထပ်လောင်းပြောကြားခဲ့ဟုသိရသည်။