ကမ္ဘောဒီးယားက ဗီယက်နမ် နှင့်ဆက်ဆံရေးတိုးမြှင့်

ဗီယက်နမ်နှင့် ကမ္ဘောဒီးယားတို့သည် နှစ်နိုင်ငံ အဆင့်မြင့် အစည်းအဝေးတွင် ဆက်ဆံရေး၏ အဓိကမဏ္ဍိုင်အဖြစ် ကာကွယ်ရေးဆိုင်ရာ ဆက်ဆံရေးကို မြှင့်တင်ရန် ကတိပြုကြသည်။

2026 ခုနှစ် ဖေဖော်ဝါရီလအစောပိုင်းတွင် ပါတီအထွေထွေ အတွင်းရေးမှူး To Lam က လာအိုနှင့် ကမ္ဘောဒီးယားသို့ တရားဝင်လာရောက်လည်ပတ်မှုသည် ဗီယက်နမ်၏ တသမတ်တည်းသော အိမ်နီးချင်းများနှင့် ဆက်ဆံရေးကို ဦးစားပေးသည့် မူဝါဒကို အလေးပေးကြောင်း Giang က ပြောကြားခဲ့သည်။

ဗီယက်နမ်ကာကွယ်ရေးဝန်ကြီးက ဟနွိုင်းနှင့် ဖနွမ်းပင်ကြား အစဉ်အလာချစ်ကြည်ရင်းနှီးမှုကို အလေးပေးပြောကြားခဲ့ပြီး စစ်ရေးပူးပေါင်းဆောင်ရွက်မှုကို နှစ်နိုင်ငံတည်ငြိမ်ရေး၏ အခြေခံမဏ္ဍိုင်အဖြစ် အဆင့်မြင့်အစည်းအဝေးတွင် ထည့်သွင်းပြောကြားခဲ့သည်။

ပေါ်လစ်ဗျူရိုအဖွဲ့ဝင်နှင့် ဗဟိုစစ်ကော်မရှင်လက်ထောက် အတွင်းဝန် ဗီယက်နမ်ကာကွယ်ရေးဝန်ကြီး ဗိုလ်ချုပ် Phan Van Giang က အထက်လွှတ်တော် ဥက္ကဋ္ဌ ဟွန်ဆန်နှင့် ဝန်ကြီးချုပ် ဟွန်မန်နက်တို့ ဦးဆောင် သော ကမ္ဘောဒီးယား ပြည်သူ့ပါတီ၏ ဦးဆောင်မှု အောက်တွင် ကမ္ဘောဒီးယား ပိုမိုဖွံ့ဖြိုးတိုးတက်လာမည်ဟု ယုံကြည် ကြောင်း ပြောကြားခဲ့သည်။

မကြာသေးမီနှစ်များအတွင်း ကာကွယ်ရေးဆိုင်ရာ ပူးပေါင်း ဆောင်ရွက်မှုသည် ပိုမိုအားကောင်းလာခဲ့ပြီး ယခုအခါ နှစ်နိုင်ငံစလုံးမှ ထိပ်တန်းခေါင်းဆောင်များက အဆိုပါကဏ္ဍကို နှစ်နိုင်ငံဆက်ဆံရေး၏ အဓိကအခြေခံအုတ်မြစ်အဖြစ် အသိအမှတ်ပြုခဲ့ကြသည်။

Giang က အဆင့်မြင့် ကိုယ်စားလှယ်အဖွဲ့များ ဖလှယ်ခြင်း၊ တွေ့ဆုံဆွေးနွေးရေးနှင့် ညှိနှိုင်းရေး ယန္တရားများ ထားရှိခြင်းနှင့် သတင်းအချက် အလက် မျှဝေခြင်း အပါအဝင် မကြာသေးမီက ပူးပေါင်း ဆောင်ရွက်မှု ရလဒ်များကို အလေးအနက် ပြောကြားခဲ့ပါသည်။

ဗီယက်နမ် စေတနာ့ဝန်ထမ်း စစ်သည်များ၏ ရုပ်ကြွင်းများကို ရှာဖွေရေးနှင့် ပြန်လည်လွှဲပြောင်း ပေးရေး ၊ နယ်စပ် စီမံခန့်ခွဲရေး နှင့် တပ်ဖွဲ့ဝင်များ လေ့ကျင့်ရေးတို့ပါဝင် ခဲ့သည်။

Ref ခမာတိုင်မ်းစ်