ယမန်နေ့ ဒီဇင်ဘာ (၂၈)ရက်၌ ရန်ကုန်မြို့ သုဝဏ္ဏ Futsal Stadium တွင် စတင်ကျင်းပနေပြီဖြစ်သော MFF Vita Max Futsal League II Week -1 ပွဲစဉ်အတွင်း သွင်းဂိုး (၁၀)အထိ သွင်းယူခဲ့နိုင်သည့် အသင်းတစ်သင်း ထွက်ပေါ်လာခဲ့ကြောင်း သိရသည်။
ယနေ့ အဖွင့်ပွဲစဉ်အတွင်း Pacific Sun Far FC အသင်းနှင့် Shwe Pyi THar United FC အသင်းတို့ ယှဉ်ပြိုင်ကစားကြရာ Pacific Sun Far FC အသင်းက သွင်းဂိုး(၁၀)ဂိုးသွင်းယူ ၍ ဂိုးပြတ်ဖြင့် အနိုင်ရခဲ့ခြင်းဖြစ်သည်။
တဖန် Week -1ပွဲစဉ် တစ်ခုဖြစ်သည့် JZ Yangon FC အသင်းနှင့် Let Wel Thone Nara FC အသင်းတို့ ထပ်မံယှဉ်ပြိုင်ရာ JZ Yangon FC အသင်းက (၃)ဂိုးသွင်းယူ၍ တစ်ဂိုးအသာဖြင့် အနိုင်ရရှိခဲ့သည်။
VITA Max Futsal League (II) 2024- 25 ပြိုင်ပွဲကို ဖူဆယ်အသင်းပေါင်း(၁၂) သင်း ဝင်ရောက်ယှဉ်ပြိုင်ကစားနေပြီး ၂၀၂၄ ဒီဇင်ဘာ (၂၈)ရက်မှ ၂၀၂၅ မတ်လ (၂၂) ရက်အထိ ပွဲစဉ်ပေါင်း (၁၃၂)ပွဲ ယှဉ်ပြိုင်ကစားသွားကြမည်ဖြစ်ကြော င်း ဖူဆယ်ကော်မတီ၏ အသိပေးချက်အရ သိရသည်။
ပွဲစဉ်များကို ကွင်းဝင်ကြေးအဖြစ် တစ်ရက်လျှင် ကျပ် (၂,၀ ၀၀) နှုန်း သတ်မှတ်ထားပြီး ကွင်းအတွင်းလာရောက်အား ပေးရန် ဖူဆယ်ကော်မတီက ဖိတ်ခေါ်ထားသည်။