ခတ္တမန္ဒူ၊စက်တင်ဘာ ၃၀
နီပေါနိုင်ငံ၌ မုတ်သုန်ရာသီကာလအတွင်း မိုးသည်းထန်စွာရွာသွန်းကာ ရေကြီးမြေပြိုခဲ့ပြီး ေ-သဆုံးသူ ၂၀၅ ဦးအထိရှိလာကာ ေ-သဆုံးသူများ၏မိသားစုဝင်များကို နီပေါအစိုးရက ရူပီး ၂၀၀,၀၀၀ (ကန်ဒေါ်လာ ၁,၄၉၇ ဒေါ်လာ) စီပေးအပ်မည်ဖြစ်ကြောင်းပြောကြားခဲ့သည်။
ယင်းနောက် ေ-သဆုံးသွားသူများအတွက် ဝမ်းနည်းခြင်းအထိမ်းအမှတ်အနေဖြင့် အင်္ဂါနေ့မှစတင်ကာ သုံးရက်တိတိ ဝမ်းနည်းခြင်းအထိမ်းအမှတ်အခမ်းအနားကျင်းပမည်ဖြစ်ကြောင်းသိရသည်။
ဝမ်းနည်းခြင်းအထိမ်းအမှတ်ကာလအတွင်း နိုင်ငံတော်အလံကို တိုင်တစ်ဝက်အထိသာလွှင့်ထူမည်ဖြစ်ကြောင်း အစိုးရ၏ပြောရေးဆိုခွင့်ရှိသူလည်းဖြစ်သလို ဆက်သွယ်ရေးနှင့်သတင်းအချက်အလက်နည်းပညာဝန်ကြီးကပြောကြားခဲ့သည်။
လက်ရှိအချိန်အထိ မိမိတို့၏ မိသားစုဝင်များေ-သဆုံးခြင်းရှိမရှိအတိအကျမသိရသေးသော်လည်း ဆယ်ရက်နှင့်အထက် ပျောက်ဆုံးနေသူမိသားစုဝင်များရှိပါကလည်း တူညီသည့်လျော်ကြေးငွေပမာဏရရှိမည်ဖြစ်ကြောင်း အစိုးရကပြောကြားခဲ့သည်။
ဝန်ကြီးချုပ်၏ သဘာဝဘေးကယ်ဆယ်ရေးရန်ပုံငွေများအနက်မှ ရူပီး ၁ ဘီလျံ (ကန်ဒေါ်လာ ၇ ဒသမ ၄၈ သန်း) အား ခွဲဝေသုံးစွဲရန် အစိုးရအဖွဲ့ဝန်ကြီးများက သဘောတူညီဆုံးဖြတ်ခဲ့ကြကြောင်းသိရသည်။
တနင်္လာနေ့ညနေအထိ နီပေါနိုင်ငံ၌ လူ ၂၄ ဦးပျောက်ဆုံးနေသေးကာ ၁၃၀ ဦးထိခိုက်ဒဏ်ရာရရှိထားကြောင်း နီပေါရဲတပ်ဖွဲ့ကထုတ်ပြန်ကြေငြာခဲ့ပြီး ကယ်ဆယ်ရေးလုပ်ငန်းများဆက်လက်ဆောင်ရွက်နေသည်။
Source : ရှင်းဟွာ
