နီပေါနိုင်ငံအလယ်ပိုင်းတွင် ဗုဒ္ဓဟူးနေ့က ရဟတ်ယာဉ်တစ်စီး ပျ-က်ကျခဲ့ရာ လေယာဉ်မှူးနှင့် တရုတ်ခရီးသွားလေးဦး အပါအဝင် လိုက်ပါလာသူ လူငါးဦးစလုံး ေ-သဆုံးခဲ့သည်။
Air Dynasty လေကြောင်းမှ အဆိုပါ ရဟတ်ယာဉ်သည် နီပေါနိုင်ငံ၏ မြို့တော် ခတ္တမန္ဒူမှသည် တောင်တက်ခရီးသွားများ အစပြုရာနေရာဖြစ်သည့် ဆယာဘရူဘေစီသို့ ဦးတည်ပျံသန်းနေစဉ် ပျ-က်ကျခဲ့ခြင်းဖြစ်သည်။
လေယာဉ်ပျံတက်ပြီး ၃ မိနစ်ခန့်အကြာတွင် အဆက်အသွယ်ပြတ်တောက်သွားခဲ့ကြောင်းနှင့် မြို့တော်မြောက်ဘက် နူဝါကော့ခရိုင်တွင် ပျ-က်ကျခဲ့ခြင်းဖြစ်ကြောင်း မြို့ပြလေကြောင်းအာဏာပိုင်အဖွဲ့၏ သတင်းထုတ်ပြန်ချက်အရ သိရသည်။
“လေယာဉ်မှူး အပါအဝင် လိုက်ပါလာတဲ့ လူငါးဦးစလုံး ေ-သဆုံးသွားပါတယ်” ဟု ရဲတပ်ဖွဲ့ ပြောရေးဆိုခွင့်ရှိသူ Dan Bahadur Karki က ပြောကြားခဲ့သည်။ ရှာဖွေရေးနှင့် ကယ်ဆယ်ရေးအတွက် နောက်ထပ် ရဟတ်ယာဉ်တစ်စင်းကို မတော်တဆမှုဖြစ်ပွားရာနေရာသို့ ချက်ချင်း စေလွှတ်ခဲ့ကြောင်း သူက ဆိုသည်။
