အာရှအမျိုးသမီး ယူ-၂၀ ဒုတိယအဆင့် ခြေစစ်ပွဲယှဥ်ပြိုင်မည့် တရုတ်အမျိုးသမီးအသင်း ရန်ကုန်မြို့သို့ ရောက်ရှိလာ

0
152

မြန်မာနိုင်ငံမှ အိမ်ရှင်အဖြစ် လက်ခံကျင်းပမည့် အာရှအမျိုးသမီး ယူ-၂၀ ဒုတိယအဆင့် ခြေစစ်ပွဲဝင်ရောက်ယှဥ်ပြိုင်မည့် တရုတ်အမျိုးသမီးအသင်းသည် ယနေ့ ဇွန် (၃) ရက်နံနက်ပိုင်းက ရန်ကုန်မြိုသို့ ရောက်ရှိလာကြောင်း သိရသည်။

တရုတ်အမျိုးသမီးအသင်းသည် အာရှအမျိုးသမီး ယူ – ၂၀ ဒုတိယ အဆင့်ခြေစစ်ပွဲ၏ အဖွင့်ပွဲစဥ်အဖြစ် ဇွန် (၆) ရက်နေ့လည် (၃) နာရီခွဲ၌ တရုတ်(တိုင်ပေ) အမျိုးသမီးအသင်းနှင့် သုဝဏ္ဏကွင်းတွင် ယှဥ်ပြိုင်ကစားသွားမည်ဖြစ်သည်။

ထို့အတူ မြန်မာ့လက်ရွေးစင်အမျိုးသမီး ယူ-၂၀ အသင်းသည်လည်း အာရှအမျိုးသမီး ယူ -၂၀ ခြေစစ်ပွဲ ဒုတိယအဆင့်၌ ဇွန် (၆) ရက် ည (၆) နာရီခွဲတွင် နီပေါအသင်း၊ ဇွန် (၈) ရက် ည (၆) နာရီခွဲတွင် တရုတ်(တိုင်ပေ)အသင်း၊ ဇွန် (၁၀) ရက် ည(၆) နာရီခွဲတွင် တရုတ်အသင်းတို့နှင့် သုဝဏ္ဏကွင်း၌ ယှဥ်ပြိုင်ကစားသွားမည် ဖြစ်သည်။

မြန်မာ့လက်ရွေးစင် အမျိုးသမီး ယူ – ၂၀ အသင်းသည် အာရှအမျိုးသမီး ယူ -၂၀ ဒုတိယအဆင့်ခြေစစ်ပွဲ၏ အုပ်စု (ခ)တွင် တရုတ်၊ တရုတ်(တိုင်ပေ)၊ နီပေါ အမျိုးသမီး ယူ၂၀ အသင်းများနှင့် တစ်အုပ်စုတည်း ကျရောက်လျက်ရှိသည်။


LEAVE A REPLY

Please enter your comment!
Please enter your name here