နေပြည်တော်၊မြို့ရှောင်လမ်းတွင် ဖေဖော်ဝါရီ ၉ ရက်ညပိုင်းက တွဲကားနှင့် Hijet ကားတိုက်မိခဲ့သည်ဟု မိုးစေတနာပရဟိတအသင်း(ပျဥ်းမနားရုံး)မှ သိရသည်။
ယမန်နေ့ည ၁၀ နာရီခန့်က နေပြည်တော်၊မြို့ရှောင်လမ်း၏ အောင်းကုန်းကျေးရွာအကျော်တွင် တွဲကားနှင့် Hijet ကားတိုက်မိ၍ Hijet ကားပေါ်တွင်လိုက်ပါလာသူ ၃ ဦးမှာ ကားအတွင်း၌ညပ်နေကြောင်း သိရသည်။
ထို့ကြောင့် မိုးစေတနာပရဟိတအသင်း(ပျဥ်းမနားရုံး)နှင့်လူမှုကူညီရေးအသင်းများက ကူညီကယ်ဆယ်ရေးလုပ်ငန်းများပြုလုပ်ခဲ့ကြသော်လည်း Hijet ကားအတွင်းညပ်နေသူ ၃ ဦးသည် ထိခိုက်ဒဏ်ရာများရရှိ၍ အခင်းဖြစ်နေရာတွင် သေဆုံးသွားခဲ့ကြောင်း သိရသည်။
ထို့ကြောင့် သေဆုံးသူ ၃ ဦး၏ ရုပ်အလောင်းများအား မိုးစေတနာပရဟိအသင်း(ပျဥ်းမနားရုံး)၊ပျဥ်းမနားဗြဟ္မရ်စိုနှလုံးသားပရဟိတအသင်း၊ပျဥ်းမနားမွန်မြတ်သူနာရေးကူညီမှုအသင်းတို့မှ နေပြည်တော်ကုတင် ၁၀၀၀ ဆေးရုံကြီးသို့ပို့ဆောင်ပေးခဲ့ကြကြောင်း သိရသည်။
Photo-မိုးစေတနာပရဟိတအသင်း(ပျဥ်းမနားရုံး)
