ယူကရိန်းမြို့တော် ကိယက်ဗ်တွင် ဥရောပသမဂ္ဂအကြီးအကဲများ အစည်းအဝေးကို လက်ခံကျင်းပနေစဉ်အတွင်း သမ္မတ ဇလန်းစကီးက ယူကရိန်းနိုင်ငံ၏ Bakhmut မြို့ကို တတ်နိုင်သမျှ ခုခံကာကွယ်သွားမည်ဟု ကတိပြုခဲ့သည်။
ရုရှားက ယူကရိန်း စစ်ပွဲဖြစ်ပွားပြီးနောက် တစ်နှစ်နီးပါးအကြာတွင် Bakhmut သည် တိုက်ပွဲ၏ဗဟိုချက်ဖြစ်လာကာ ရုရှားတပ်များသည် အနည်းငယ်သော နယ်မြေပိုင်ဆိုင်မှုကို မကြာသေးမီက ရရှိခဲ့သည်။
“Bakhhmutကို ဘယ်သူကမှ စွန့်လွှတ်မှာ မဟုတ်ပါဘူး၊ ကျွန်တော်တို့ တတ်နိုင်သလောက် တိုက်ပွဲဝင်သွားမှာပါ” ဟု အကြီးတန်း ဥရောပအရာရှိများနှင့် ထိပ်သီးဆွေးနွေးပွဲအပြီးတွင်ဇလန်းစကီးက ပြောကြားခဲ့သည်။
“တကယ်လို့ အနောက်နိုင်ငံတွေက ယူကရိန်းကို လက်နက်တွေ ပေးပို့ရာမှာ အထူးသဖြင့် တာဝေးပစ် လက်နက်တွေကို တိုးမြှင့်ပြီးပေးပို့မယ်ဆိုရင်တောင်မှ ရုရှားတပ်တွေဟာ Bakhmut ကနေ ဆုတ်ခွာပေးမှာ မဟုတ်သလို Donbass ကိုလဲ အဆုံးတိုင်သိမ်းပိုက်မှု စတင်တော့မှာဖြစ်တယ်” ဟု ရုရှားဖက်မှ ပြောကြားခဲ့သည်။ .
စစ်ပွဲမတိုင်မီက လူ ၇၀,၀၀၀ ခန့်ရှိသည့် Bakhmut မြို့၌ လူ ၆,၅၀၀ ခန့်သာ ကျန်ရှိနေတော့ကြောင်း ဒေသအာဏာပိုင်များက ပြောသည်။