ကုလသမဂ္ဂ တာဝန်ရှိသူအချို့နှင့် နိုင်ငံအချို့၏ မြန်မာ နိုင်ငံနှင့်ပတ်သက်သည့် ပြစ်တင်ဝေဖန်မှုများ၊ အပြုသ ဘောမဆောင်သော သတင်းထုတ်ပြန်ခဲ့မှုများ၊ မှန်ကန်မှုမရှိ၊ ဘက်လိုက်ကာ တစ်ဖက်သတ်ထုတ်ပြန်ပြောဆိုချက်များမှာ ရှေ့နောက်မညီသည့်အပြင် မြန်မာနိုင်ငံက ပြတ် သားစွာပယ်ချသည်ဟု နိုင်ငံခြားရေးဝန်ကြီးဌာနက ဖေ ဖော်ဝါရီ (၄) ရက်၌ ထုတ်ပြန်ခဲ့သည်။
ဖေဖော်ဝါရီ (၁) ရက်တွင် နစက၏ နိုင်ငံတော်တာဝန် ထ မ်းဆောင်မှု (၂)နှစ်ပြည့်ခြင်းနှင့် ပတ်သက်၍ နိုင်ငံအချို့နှင့် ကုလသမဂ္ဂ တာဝန်ရှိသူအချို့က အပြုသဘောမဆောင်သော သတင်းများ ထုတ်ပြန်ခဲ့ကြသည်ဟုလည်း ဆိုသည်။
ယင်း ထုတ်ပြန်ချက်များတွင် မြန်မာနိုင်ငံ၌ ဖြစ်ပေါ်နေသည့် အကြမ်းဖက်မှုများနှင့် ပတ်သက်၍ ကျူးလွန်သူအား ထုတ်ဖော်ပြောကြားခြင်းမပြုဘဲ ရင်ဆိုင်ဖြေရှင်းနေသည့် အစိုးရအပေါ်အပြစ် တင်ကာ၊ အကြမ်းဖက်အုပ်စုများဖြစ်သည့် NUG ၊ CRPH နှင့် PDF အဖွဲ့ဝင်များ၏ လု ပ်ရပ်ကြောင့် အပြစ်မဲ့ပြည်သူ ၅ဝဝဝ ကျော်အသက်ဆုံး ရှုံးရခြင်းကို ဖုံးကွယ်ထားခြင်းသည် အများပြည်သူအား အထင်အမြင်လွဲမှားစေသည်ဟု ထုတ်ပြန်ချက်တွင် ရေး သားထားသည်။
နစက အနေဖြင့် နိုင်ငံတော် တာဝန်ထမ်းဆောင်ရာ တွင် ရှေ့လုပ်ငန်းစဉ် (၅) ရပ်ချမှတ်ခဲ့ပြီး အကောင်အထည် ဖော်ဆောင်ရွက်လျက်ရှိကြောင်းလည်း နိုင်ငံခြားရေး ဝန် ကြီးဌာန ထုတ်ပြန်ချက်က ဆိုသည်။
ထို့အပြင် နိုင်ငံတကာအသိုက်အဝန်းအနေဖြင့် ဒီမိုကရေစီလမ်းကြောင်းပေါ် လျှောက်လှမ်းနိုင်ရန် အစိုးရမှဆောင် ရွက်နေသည့် ကြိုးပမ်းအားထုတ်မှုများကို ကုလသမဂ္ဂပ ဋိညာဉ်စာတမ်းပါ အဖွဲ့ဝင်နိုင်ငံများ၏ အချုပ်အခြာ အာ ဏာတန်းတူညီမျှမှုကိုလေးစား ၍ အပြုသဘော အထော က်အကူပြုသင့်ကြောင်းလည်း ယင်း ထုတ်ပြန်ချက်က ဆိုသည်။
အစိုးရမှ ၂ဝ၂ဝ ပြည့်နှစ် ပါတီစုံဒီမိုကရေစီအ ထွေထွေရွေးကောက်ပွဲတွင် ဖြစ်ပေါ်ခဲ့သည့် မဲမသမာမှုများနှင့်တ ရားမဲ့ပြုကျင့်မှုများ၊ ရွေးကောက်ပွဲဆိုင်ရာလုပ်ငန်း ဆော င်ရွက်မှု အဆင့်ဆင့်တွင် အုပ်ချုပ်ရေးအာဏာကို အလွဲ သုံးစားပြုမှုများကို သက်သေပြခဲ့ပြီး တိုင်းရင်းသားများ ဒီမိုကရေစီအခွင့်အရေးမဆုံးရှုံးစေရန် တစ်နိုင်ငံလုံးအ ကြားအလပ်မရှိ ရွေးကောက်ပွဲကျင်းပနိုင်ရေးကို ကြိုးပ မ်းဆောင်ရွက်လျက်ရှိသည်ဟုလည်း ဆိုသည်။
လက်ရှိတွင် နိုင်ငံအချို့နှင့် ကုလသမဂ္ဂတာဝန်ရှိသူအချို့သည် မြန်မာနိုင်ငံအား ဒီမိုကရေစီလမ်းကြောင်းပေါ် ပြန် လည်ရောက်ရှိရန် တိုက်တွန်းလျက်ရှိသော်လည်း လွတ် လပ်မျှတသည့် ရွေးကောက်ပွဲကျင်းပရန် အစိုးရ၏ ကြိုး ပမ်းမှုများကို ပြစ်တင်ဝေဖန်နေခြင်းမှာ ရှေ့နောက်မညီကြောင်း နိုင်ငံခြားရေးဝန်ကြီးဌာနက ဆိုသည်။
မြန်မာနိုင်ငံအား ပုံမှန်အခြေအနေသို့ ရောက်ရှိစေလိုပါက မြန်မာအစိုးရမှရှေ့ဆက်ဆောင်ရွက်မည့် ရှေ့လုပ်ငန်းစဉ် (၅) ရပ် ဆက်လက်အကောင်အထည်ဖော်ခြင်းမှတစ်ဆင့် နိုင်ငံတော် အေးချမ်းတည်ငြိမ်ရေးနှင့် ဒီမိုကရေစီဖြစ်ထွ န်းရေး မြန်မာအစိုးရ၏ ကြိုးပမ်းဆောင်ရွက်မှုများကို အ သိအမှတ်ပြုရန်လိုအပ်သည်ဟု နိုင်ငံခြားရေး ဝန်ကြီးဌာ နက ထုတ်ပြန်ရေးသားထားသည်။