ဝါရှင်တန်၊ဖေဖော်ဝါရီ ၃
အမေရိကလေပိုင်နက်အတွင်း လွန်ခဲ့သည့်ရက်အနည်းငယ်ကတွေ့ရှိခဲ့ရသည့် တရုတ်ထောက်လှမ်းရေးမီးပုံးပျံဟု ယူဆရသည့်အရာအား အမေရိက ကခြေရာခံလျက်ရှိသော်လည်း မြေပြင်ရှိလူများအန္တရာယ်ရှိနိုင်သဖြင့် ပစ်ချခြင်းမပြုရန် ပင်တဂွန်ကဆုံးဖြတ်ခဲ့ကြောင်း တာဝန်ရှိသူများကပြောကြားခဲ့သည်။
အမေရိက-တရုတ်ဆက်ဆံရေးတင်းမာမှုများမြင့်တက်နေသည့်အချိန်၌ ယခုမီးပုံးပျံအားတွေ့ရှိရခြင်းသည် အခြေနေကိုပိုမိုဆိုးရွားသွားစေနိုင်သည်ဟုဆိုသည်။အဆိုပါမီးပုံးပျံသည် တရုတ်ဘက်မှလွှတ်တင်လိုက်ခြင်းဖြစ်ပြီး အမေရိက၏သတင်းအချက်အလက်များကို စုစည်းရန်ဝင်ရောက်လာခြင်းဖြစ်သည်မှာသေချာသည်ဟု ပင်တဂွန်ကသတင်းထောက်များအားပြောကြားခဲ့သည်။
အဆိုပါမီးပုံးပျံအား Malmstrom လေတပ်အခြေစိုက်စခန်းရှိ နိုင်ငံ၏နျူဒုံးခွင်းကွင်းသုံးခုအနက် တစ်ခုအပါအဝင်ဖြစ်သည့် မွန်တာနာပြည်နယ်၌လည်းတွေ့ရှိခဲ့ရသည်။
ယခုဖြစ်စဉ်သည် မကြာခင်ကာလအတွင်း ပေကျင်းသို့သွားရောက်ရန်စီစဉ်နေသည့် ကန်နိုင်ငံခြားရေးဝန်ကြီး အန်တိုနီဘလင်ကန်၏ ခရီးစဉ်မတိုင်ီဖြစ်ပေါ်ခဲ့သဖြင့် ခရီးစဉ်အပေါ်ထိခိုက်မှုရှိမရှိမသေချာသေးကြောင်းပြောကြားခဲ့သည်။
တရုတ်နှင့်အမေရိကကြားတင်းမာမှုများသည် ထိုင်ဝမ်အရေးသာမက တောင်တရုတ်ပင်လယ်နှင့် တရုတ်နိုင်ငံအနောက်ပိုင်းရှင်ကျန်းဒေသရှိ လူ့အခွင့်အရေးပြဿနာများအပါအဝင် ဟောင်ကောင်ဒီမိုကရေစီလှုပ်ရှားသူများအား ဖိနှိပ်မှုစသည့်အရေးပေါင်းများစွာကြောင့်ဖြစ်သည်။
အဆိုပါပြဿနာများကြောင့်ပင် တရုတ်၏ရုရှားထောက်ခံအားပေးမှု၊ မြောက်ကိုရီးယား၏တိုးချဲ့ဒုံးကျည်အစီအစဉ်အား ထိန်းချုပ်ရန်ငြင်းဆိုမှုအပြင် ကုန်သွယ်ရေးနှင့်နည်းပညာဆိုင်ရာအငြင်းပွားမှုများ ဆက်လက်ဖြစ်ပွားနေခြင်းဖြစ်သည်။
Source : Nikkei Asia
