ရုရှားနှင့် တရုတ်နိုင်ငံတို့၏ ပူးပေါင်းဆောင်ရွက်မှုနှင့် ခိုင်မာအားကောင်းမှုတို့သည် အာရှအတွက်သာမက ဥရောပအတွက်ပါ ခြိမ်းခြောက်မှုတစ်ရပ်ဖြစ်ကြောင်းနှင့် အင်ဒို-ပစိဖိတ်ဒေသရှိ နေတိုးအုပ်စုအတွက် ယခုလက်ရှိထက် ပိုမိုခိုင်မာသော ပူးပေါင်းဆောင်ရွက်မှုနှင့် မိတ်ဆွေများ ပိုမိုရှာဖွေရန်လိုအပ်ကြောင်း နေတိုးအတွင်းရေးမှူးချုပ် Jens Stoltenberg က ဗုဒ္ဓဟူးနေ့တွင် ပြောကြားခဲ့သည်။
“ရုရှားနှင့် တရုတ်တို့ ပိုမိုနီးကပ်လာနေပြီး တရုတ်၏ သိသာထင်ရှားသော ရင်းနှီးမြှုပ်နှံမှုများနှင့် အဆင့်မြင့်စစ်ရေးစွမ်းရည်အသစ်များက တရုတ်နိုင်ငံသည် အလွန်အင်အားကြီးမားလာခြင်းကို အလေးပေးဖော်ပြနေကာ နေတိုးမဟာမိတ်များအတွက်လည်း စိန်ခေါ်မှုတစ်ရပ်ဖြစ်လာသည်” ဟု Stoltenberg က တိုကျိုရှိ Keio တက္ကသိုလ်မှ ပရိသတ်များကို ပြောကြားခဲ့သည်။
“လုံခြုံရေးသည် ဒေသတွင်းမဟုတ်သော်လည်း ကမ္ဘာလုံးဆိုင်ရာဖြစ်သည်” “ကျွန်ုပ်တို့တွင် မိတ်ဆွေများရှိကြောင်း သေချာစေရန် လိုအပ်သည်” စသည်ဖြင့် ၎င်းက ပြောကြားခဲ့သည်။
“အင်ဒို-ပစိဖိတ်ဒေသရှိ ကျွန်ုပ်တို့၏လုပ်ဖော်ကိုင်ဖက်များနှင့် ပိုမိုနီးကပ်စွာလုပ်ဆောင်ရန် အရေးကြီးပါသည်” ဟု လည်း Jens Stoltenberg ကထည့်သွင်းပြောကြားခဲ့သည်။