နစက ဥက္ကဋ္ဌ၊ဗိုလ်ချုပ်မှူးကြီးမင်းအောင်လှိုင်နှင့်မြန်မာနိုင်ငံဆိုင်ရာ ကူဝိတ်နိုင်ငံသံအမတ်ကြီး H.E. Mr. Mubarak M A Aladwani တို့တွေ့ဆုံဆွေးနွေးခဲ့ကြခြင်းဖြစ်သည်။
နစက ဥက္ကဋ္ဌအား မြန်မာနိုင်ငံဆိုင်ရာ ကူဝိတ်နိုင်ငံသံအမတ်ကြီးအဖြစ်ခန့်အပ်ခံရသည့် သံအမတ်ကြီး H.E. Mr. Mubarak M A Aladwani မှ ဇန်နဝါ ရီ ၂၄ ရက်(ယနေ့)နံနက် ၁၀ နာရီက လာရောက်ဂါရဝပြုတွေ့ဆုံ၍ ၎င်း၏သံအမတ်ခန့်အပ်လွှာကို ပေးအပ်ခဲ့သည်။
တွေ့ဆုံစဥ် မြန်မာ-ကူဝိတ် နှစ်နိုင်ငံသံတမန်ဆက်ဆံရေးတိုးမြှင့်ရန်၊နှစ်နိုင်ငံ ချစ်ကြည်ရင်းနှီးမှုဆိုင်ရာနှင့်ချစ်ကြည်ရေးခရီးစဉ်များအပြန်အလှန်လည်ပတ်ရေး၊ကုန်သွယ်မှုမြှင့်တင်ရေးတို့အား ဆွေးနွေးခဲ့ကြသည်။
ထို့ပြင် မြန်မာ-ကူဝိတ် နှစ်နိုင်ငံခရီးသွားလုပ်ငန်းများတိုးတက်ရေးအတွက်ပူးပေါင်းဆောင်ရွက်ရန်နှင့်မြန်မာနိုင်ငံ၏ လက်ရှိနိုင်ငံရေးဆိုင်ရာဖြစ်ပေါ်တိုးတက်နေမှုများအား ဆွေးနွေးခဲ့ကြသည်။
သံအမတ်ခန့်အပ်လွှာပေးအပ်ပွဲသို့ နစက တွဲဖက် အတွင်းရေးမှူး ဒု-ဗိုလ်ချုပ်ကြီးရဲဝင်းဦး၊နိုင်ငံခြားရေးဝန်ကြီးဌာန ပြည်ထောင်စုဝန်ကြီးဦးဝဏ္ဏမောင်လွင်နှင့်သံတမန်ရေးရာဦးစီးဌာန ညွှန်ကြားရေးမှူးချုပ်ဦးဝဏ္ဏဟန် တို့လည်းတက်ရောက်ခဲ့ကြသည်။
![](https://www.popularmyanmar.com/wp-content/uploads/2023/01/E1BDFE25-58BB-4D77-8565-E9F40AA3F743-1024x682.jpeg)
![](https://www.popularmyanmar.com/wp-content/uploads/2023/01/BA748C7A-193C-4523-9E25-6026423D0881-1024x682.jpeg)
![](https://www.popularmyanmar.com/wp-content/uploads/2023/01/9010DA14-CB40-4F2D-91EA-EE74D03EAB0C-1024x682.jpeg)
![](https://www.popularmyanmar.com/wp-content/uploads/2023/01/B72FF5D8-B0DE-4246-8F8C-CC2952F0988E-1024x682.jpeg)
![](https://www.popularmyanmar.com/wp-content/uploads/2023/01/34465EA9-4864-4A58-B34E-BB911F86B47D-1024x683.jpeg)
![](https://www.popularmyanmar.com/wp-content/uploads/2023/01/BB88EAF3-12F0-4A02-A18E-7CCA80128735-1024x682.jpeg)