NCA လက်မှတ် ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်း (၇)ဖွဲ့ ( 7 EAO Alliance) က အရပ်သားများကာကွယ်ရေးနှင့် လူသားချင်းစာနာထောက်ထားမှု အကူညီပေးရေးကော်မတီ အပါအဝင် လုပ်ငန်းကော်မတီ (၆) ခုကို ဖွဲ့စည်းခဲ့ကြောင်း သိရသည်။
7 EAO Alliance အဖွဲ့၏ ဦးဆောင်အဖွဲ့အစည်းအဝေး ၁/ ၂၀၂၄ ကို မေ(၇)ရက်နှင့် မေ(၈)ရက်တို့တွင် Video Conferencing ဖြင့် (၂) ရက်တာ ကျင်းပအပြီး ယင်းသို့ ဖွဲ့စည်းလိုက်ခြင်းဖြစ်သည်။
အဆိုပါ လုပ်ငန်းကော်မတီ (၆)ခုတွင် နိုင်ငံရေးဆွေးနွေးမှုကော်မတီ၊ နိုင်ငံတကာဆက်ဆံရေးကော်မတီ၊ လုံခြုံရေးကော်မတီ၊ အရပ်သားကာကွယ်ရေးနှင့် လူသားချင်းစာနာထောက်ထားမှု အကူညီပေးရေးကော်မတီ၊ ရန်ပုံငွေကော်မတီ၊ အမျိုးသမီးနှင့် လူငယ်ကော်မတီ စသည်ဖြင့် ဖွဲ့စည်းလိုက်ခြင်းဖြစ်ကြောင်း သိရသည်။
နိုင်ငံရေး ဆွေးနွေးမှုကော်မတီနှင့် ရန်ပုံငွေရှာဖွေရေးကော်မတီအား အတွင်းရေးမှူးအဖွဲ့က တာဝန်ယူထားပြီး၊ကျန်ကော် မတီ (၄ )ခုအား 7 EAO Alliance အဖွဲ့၏ ကိုယ်စားလှယ် (၂၈) ဦးဖြင့် ဖွဲ့စည်းထားကြောင်း သိရသည်။

