အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့အခမ်း အနား၌ အမေရိကန်ဒေါ်လာသန်း ၆၀၀ ကျော်တန် ဖိုးရှိ မူးယစ်ဆေးဝါးများအား မီးရှို့ဖျက်ဆီးမည်

အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့အခမ်း အနား၌ အမေရိကန်ဒေါ်လာသန်း ၆၀၀ ကျော်တန် ဖိုးရှိ မူးယစ်ဆေးဝါးများအား မီးရှို့ဖျက်ဆီးမည်
June 22, 2022 Popular Journal

အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့အခမ်းအနား၌ အမေရိကန်ဒေါ်လာသန်း ၆၀၀ ကျော်တန် ဖိုးရှိ မူးယစ်ဆေးဝါးများအား မီးရှို့ဖျက်ဆီးမည်

ဇွန် ၂၆ ရက်၌ကျရောက်မည့် ၃၅ ကြိမ်မြောက် အ ပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့်တ ရားမဝင်ရောင်းဝယ်မှုတိုက်ဖျက်ရေးနေ့ အခမ်း အနား၌ ဖမ်းဆီးရမိထားသည့် မူးယစ်ဆေးဝါး အမေရိကန်ဒေါ်လာ ၆၄၂ ဒသမ ၆၀၈ သန်းကျော်အား တစ်နိုင်ငံလုံးအတိုင်းအတာဖြင့် မီးရှို့ဖျက် ဆီးသွားမည်ဖြစ်ကြောင်း သိရသည်။

ရှမ်းပြည်နယ်ဝန်ကြီးချုပ်ဒေါက်တာကျော်ထွန်းက (၃၅)ကြိမ်မြောက် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့်တရားမဝင်ရောင်းဝယ်မှု တိုက်ဖျက်ရေးနေ့အခမ်းအနားနှင့်ဖမ်းဆီးရမိမူး ယစ်ဆေးဝါးများမီးရှို့ဖျက်ဆီးခြင်းတို့အား အောင်မြင်စွာကျင်းပနိုင်ရေး ဒုတိယအကြိမ်လုပ် ငန်းညှိနှိုင်းအစည်းအဝေး၌ ပြောကြားခဲ့ခြင်းဖြစ် သည်။

“အရင်နှစ်က ရှမ်းပြည်(မြောက်ပိုင်း၊အရှေ့ပိုင်း၊တောင်ပိုင်း)နဲ့ကယားပြည်နယ်တို့က ဖမ်းဆီးရမိခဲ့တဲ့ မူးယစ်ဆေးဝါးတွေကိုစုစည်းပြီး တောင်ကြီးမြို့မှာ မီးရှို့ဖျက်ဆီးခဲ့ရာမှာ မူးယစ်ဆေးဝါးကာ လတန်ဖိုးက မြန်မာကျပ်ငွေ ၅၆၂ ဘီလီယံကျော်၊အမေရိကန်ဒေါ်လာအနေနဲ့ဆိုရင် ၃၅၁ သန်းကျော်ကို မီးရှို့ဖျက်ဆီးခဲ့ပါတယ်”ဟုပြည်နယ်ဝန်ကြီး ချုပ်ဒေါက်တာကျော်ထွန်းကပြောသည်။

ယခုနှစ်တွင် ရှမ်းပြည်နယ်နှင့်ကယားပြည်နယ်တို့အတွင်းမှ မူးယစ်ဆေးဝါးဖမ်းဆီးရမိမှုများအနက် သက်ဆိုင်ရာတရားရုံးအသီးသီးတွင် အမှုပြီးပျက်ထားသည့် အမှုပေါင်း ၂၁၁၈ မှုမှမူးယစ်ဆေးဝါး အမျိုးအစား ၁၈ မျိုး၊ထိန်းချုပ်ဓါတုပစ္စည်း အ မျိုးအစား ၄၀ မျိုး(စုစုပေါင်း ၅၈ မျိုး)တန်ဖိုးငွေကျပ် ၅၁၅ ဒသမ ၃၆ ဘီလီယံကျော် အမေရိကန်ဒေါ်လာအနေဖြင့် ဒေါ်လာသန်းပေါင်း ၂၇၈ ဒသမ ၅၇ သန်းကျော်အား တောင်ကြီးမြို့၌ မီးရှို့ဖျက် ဆီးသွားမည်ဟု သိရသည်။

“တစ်ချိန်တည်းမှာပါ ရန်ကုန်မြို့မှာ မူးယစ်ဆေး ဝါးအမျိုးအစား ၃၃ မျိုး အမေရိကန်ဒေါ်လာ ၁၉၂ ဒသမ ၀၈၄ သန်း မန္တလေးမြို့မှာ မူးယစ်ဆေးဝါးအမျိုးအစား ၂၅ မျိုး အမေရိကန်ဒေါ်လာ ၁၇၁ ဒသမ ၂၃၁ သန်းနဲ့ရှမ်းပြည်နယ်မှာ မူးယစ်ဆေး ဝါးအမျိုးအစား ၅၈ မျိုး အမေရိကန်ဒေါ်လာ ၂၇၈ ဒသမ ၅၇ သန်းကျော် တစ်နိုင်ငံလုံးအနေနဲ့ဆိုရင် မီးရှိုးဖျက်ဆီးမယ့် မူးယစ်ဆေးဝါး စုစုပေါင်းတန် ဖိုးက မြန်မာငွေကျပ် ၁၁၈၈ ဒသမ ၈၂၈ ဘီလီယံကျော် အမေရိကန်ဒေါ်လာအနေနဲ့ဆိုရင် ၆၄၂ ဒသမ ၆၀၈ သန်းကျော်ကို မီးရှို့ဖျက် ဆီးသွားမှာပါ”ဟုပြည်နယ်ဝန်ကြီးချုပ်ဒေါက်တာကျော်ထွန်းကပြောသည်။

ထိုသို့ မီးရှို့ဖျက်ဆီးနိုင်ခြင်းမှာ ၂၀၂၂ ခုနှစ်တွင် ကမ္ဘာ့တစ်ဝှမ်း၌ ကိုဗစ်(၁၉)ရောဂါဖြစ်ပွားမှုများ ဆက်လက်ဖြစ်ပေါ်နေသော်လည်း မူးယစ်ဆေးဝါး တားဆီးနှိမ်နင်းရေးအထူးစစ်ဆင်ရေးများ၊မူး ယစ်ဆေးဝါးပပျောက်ရေး ဘက်စုံကြိုးပမ်း ဆောင်ရွက်မှုများကြောင့်ဖြစ်သည်ဟု ပြည်နယ်ဝန်ကြီးချုပ်ကပြောသည်။

 

Comments (0)

Leave a reply

Your email address will not be published. Required fields are marked *

*