ပြစ်မှုကျူးလွန်ခြင်းမရှိဘဲ ဥပဒေဘောင်အတွင်း ပြန်လည်ဝင်ရောက်လာသည့် PDF အဖွဲ့ဝင် ၇ ဦးအား မိဘများထံပြန်လည်အပ်နှံ

ပြစ်မှုကျူးလွန်ခြင်းမရှိဘဲ ဥပဒေဘောင်အတွင်း ပြန်လည်ဝင်ရောက်လာသည့် PDF အဖွဲ့ဝင် ၇ ဦးအား မိဘများထံပြန်လည်အပ်နှံ
June 20, 2022 Popular Journal

ပြစ်မှုကျူးလွန်ခြင်းမရှိဘဲ ဥပဒေဘောင်အတွင်း ပြန်လည်ဝင်ရောက်လာသည့် PDF အဖွဲ့ဝင် ၇ ဦးအား မိဘများထံပြန်လည်အပ်နှံ

တိုင်းရင်းသားလက်နက်ကိုင်အဖွဲ့များထံ၌ သင်တန်းတက်ရောက်ပြီး ပြစ်မှုကျူးလွန်ခြင်းမရှိဘဲ ဥပဒေဘောင်အတွင်းသို့ ပြန်လည်ဝင်ရောက်လာသည့် PDF အဖွဲ့ဝင် ၇ ဦးအား ဇွန် ၁၉ ရက်က မိဘများထံပြန်လည်အပ်နှံပေးခဲ့သည်ဟု နစက မှထုတ်ပြန်ခဲ့သည်။

ရန်ကုန်တိုင်းနှင့်ဧရာဝတီတိုင်းအတွင်းရှိ မြို့နယ် ၆ ခုမှ PDF အဖွဲ့ဝင် အမျိုးသား ၇ ဦးအား ရန်ကုန် တိုင်းအစိုးရအဖွဲ့ရုံး၌ ရန်ကုန်တိုင်းစစ်ဌာနချုပ်ဒု-တိုင်းမှူး ဗိုလ်မှူးချုပ်ဝင်းမြင့်ခိုင်နှင့်တာဝန်ရှိသူများက ပြန်လည်အပ်နှံပေးခဲ့ခြင်းဖြစ်သည်။

ထိုသို့ ပြန်လည်အပ်နှံရာတွင် ဥပဒေဘောင်အ တွင်းပြန်လည်ဝင်ရောက်လာသည့် PDF အဖွဲ့ဝင် အမျိုးသား ၇ ဦးအားထောက်ပံ့ပစ္စည်းများကိုလည်းပေးအပ်ခဲ့ကြသည်။

နစက မှ PDF အပါအဝင် အဖွဲ့အစည်းအမျိုးမျိုးအား နိုင်ငံတော်၏ရှေ့လုပ်ငန်းစဉ်များ၌ ပူးပေါင်းပါဝင်ဆောင်ရွက်နိုင်ရန် သတ်မှတ်စည်းကမ်းချက်များနှင့်အညီ ဥပဒေဘောင်အတွင်းသို့ လက်နက်အပ်နှံပြီး ပြန်လည်ဝင်ရောက်မည်ဆိုပါက ကြိုဆိုလက်ခံသွားမည်ဟု ထုတ်ပြန်ကြေညာထားသည်။

ထိုသို့ ထုတ်ပြန်ကြေညာခဲ့ပြီးနောက် ဥပဒေဘောင်အတွင်းသို့ပြန်လည်ဝင်ရောက်လာသည့် PDF အဖွဲ့ဝင် ၃၈ ဦးရှိပြီဖြစ်ကြောင်း ဇွန် ၁၆ ရက်ကပြုလုပ်သည့် နစက သတင်းထုတ်ပြန်ရေးအဖွဲ့၏ ၁၆ ကြိမ်မြောက်သတင်းစာရှင်းလင်းပွဲ၌ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းကပြောကြားခဲ့သည်။

Comments (0)

Leave a reply

Your email address will not be published. Required fields are marked *

*