ချောင်းဦးမြို့ ရန်အောင်မြေရပ်ကွက်ရှိ ကိုမင်းခန့်ဇော်ပိုင်နေအိမ်ချိတ်ပိတ်ခံရ

ချောင်းဦးမြို့ ရန်အောင်မြေရပ်ကွက်ရှိ ကိုမင်းခန့်ဇော်ပိုင်နေအိမ်ချိတ်ပိတ်ခံရ
April 25, 2022 Popular Journal

ချောင်းဦးမြို့ ရန်အောင်မြေရပ်ကွက်ရှိ ကိုမင်းခန့်ဇော်ပိုင်နေအိမ်ချိတ်ပိတ်ခံရ

စစ်ကိုင်းတိုင်း၊ချောင်းဦးမြို့၊ရန်အောင်မြေရပ် ကွက်ရှိ နေအိမ်တစ်လုံးအား နစက ၏လုံခြုံရေးအဖွဲ့ဝင်များက ဧပြီ ၂၄ ရက်ညနေပိုင်းက ချိတ်ပိတ်ခဲ့ကြောင်း ဒေသခံများထံမှသိရသည်။

အဆိုပါ နေအိမ်ပိုင်ရှင်ဖြစ်သူ ကိုမင်းခန့်ဇော်သည် ဧပြီ ၂၄ ရက်နံနက်အစောပိုင်းက ချောင်းဦးမြို့ နယ်၊မဲသဲကြိုးဝိုင်းအနီးရှိ ချောင်းဦး-အမြင့်သွားကားလမ်းတွင် လက်လုပ်မိုင်းထောင်နေသူများအား လုံခြုံရေးအဖွဲ့ဝင်များဖမ်းဆီးရာတွင် နှစ်ဖက်အပြန်အလှန်ပစ်ခတ်မှုကြောင့် သေဆုံးခဲ့သူဖြစ်ကြောင်း ဒေသခံများထံမှသိရသည်။

“စစ်သားတွေနဲ့ရဲတွေလာပြီး ချိတ်ပိတ်သွားတဲ့အိမ်မှာ ကိုမင်းခန့်ဇော်မနေတာကြာပြီ ချိတ်ပိတ်တယ်ဆိုတာကိုရေးထားတဲ့ ဗီနိုင်းလာကပ်သွားတယ် ကိုမင်းခန့်ဇော်ကတော့ သေဆုံးသွားပြီလို့သိရတယ်”ဟုဒေသခံတစ်ဦးကပြောသည်။

လက်လုပ်မိုင်းထောင်စဥ် ပစ်ခတ်ဖမ်းဆီးခံရသူ ကိုမင်းခန့်ဇော်နှင့်အတူ AK 47 ၁ လက်၊၎င်းကျည် ၂၀၂ တောင့်၊လက်လုပ်လက်ပစ်ဗုံး ၂ လုံး၊ ၇ ဒသ မ ၆၂ ကျည် ၁ တောင့်၊ မိုင်းခွဲရာတွင်သုံးသည့် ဆင်းကတ် ၂ ကတ်၊ ကီးပတ်ဖုန်း ၁ လုံး၊စိတ်ကြွ ဆေးပြား ၁ ပြား၊မူးယစ်ဆေးဝါးသုံးစွဲရာတွင်အသုံးပြုသည့် ပိုက်တံ ၁ ချောင်း၊မှတ်ပုံတင်နှင့်ကားမောင်းလိုင်စင် တို့အားသိမ်းဆည်းရမိခဲ့ကြောင်း သိရသည်။

“ကားလမ်းမှာလက်လုပ်မိုင်းထောင်နေတယ်ဆိုတာကိုသိရလို့ သွားဖမ်းတဲ့အချိန်မှာ လက်လုပ်မိုင်းထောင်တဲ့အဖွဲ့က ပြန်ပြီးပစ်ခတ်ခဲ့တာကြောင့် ပစ်ခတ်ဖမ်းဆီးခဲ့ရတာပါ နှစ်ဖက်အပြန်အလှန်ဖြစ်ခတ်မှုအချိန်အနည်းငယ်ဖြစ်ခဲ့ပါတယ်”ဟု လုံခြုံရေးအဖွဲ့နှင့်နီးစပ်သူတစ်ဦးကပြောသည်။

ကိုမင်းခန့်ဇော် သေဆုံးသွားခြင်းအား ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့မှ ၎င်းတို့၏ လူမှုကွန်ယက်စာမျက်နှာ၌ ဝမ်းနည်းကြောင်းသ ဝဏ်လွှာထုတ်ပြန်ရေးသားထားသည်။

Comments (0)

Leave a reply

Your email address will not be published. Required fields are marked *

*