စစ်ကိုင်းတိုင်း အင်းတော်မြို့တွင် ရွှေဆိုင်တစ်ဆိုင်အား သေနတ်ပြခြိမ်းခြောက်၍ ရွှေထည်များဓားပြတိုက်ခံရ

စစ်ကိုင်းတိုင်း အင်းတော်မြို့တွင် ရွှေဆိုင်တစ်ဆိုင်အား သေနတ်ပြခြိမ်းခြောက်၍ ရွှေထည်များဓားပြတိုက်ခံရ
January 18, 2022 Popular

စစ်ကိုင်းတိုင်း အင်းတော်မြို့တွင် ရွှေဆိုင်တစ်ဆိုင်အား သေနတ်ပြခြိမ်းခြောက်၍ ရွှေထည်များဓားပြတိုက်ခံရ

စစ်ကိုင်းတိုင်း၊အင်းတော်မြို့၊အောင်ချမ်းသာရပ် ကွက်၊သီတာအေးလမ်းရှိနေအိမ်၌ ဖွင့်လှစ်ထားသည့် ရွှေဆိုင်အား အမည်မသိအမျိုးသားငါးဦးက ဇန်နဝါရီ ၁၆ ရက်နံနက် ၁၁ နာရီ ၄၅ မိနစ်တွင် သေနတ်နှင့်လက်လုပ်မိုင်းများ အသုံးပြုခြိမ်း ခြောက်၍ ရွှေထည်များအား ဓားပြတိုက်ခဲ့ခြင်းဖြစ်သည်။

သီတာအေးလမ်း၌ ဦးတင်အောင်(၆၆)နှစ်နှင့်ဒေါ်ခင်ခင်ကြီး(၆၁)နှစ်တို့၏နေအိမ်၌ “ဦးတင်အောင် + ဒေါ်ခင်ခင်ကြီး”အမည်ဖြင့် ဖွင့်လှစ်ထားသည့် ရွှေဆိုင်နှင့်အပေါင်ဆိုင်အား Mask တပ်ထားသည့် အမည်မသိအမျိုးသားငါးဦးက ဆိုင်ကယ်နှစ်စီးဖြင့်ရောက်ရှိလာကာ ရွှေပေါင်မည်ဟုပြောဆိုပြီး ဆိုင်အတွင်းသို့ဝင်ရောက်လာခဲ့သည်ဟု သိရသည်။

ဆိုင်အတွင်းရောက်ပြီးနောက် အမျိုးသားနှစ်ဦးက ဆိုင်ပိုင်ရှင်နှစ်ဦးအား သေနတ်များဖြင့်ချိန်ရွယ်၍ နေအိမ် အိပ်ခန်းအတွင်းသို့ချုပ်နှောင်ခေါ်ဆောင်သွားခဲ့သည်။

ထို့အတူ ရွှေဆိုင်၌ကျန်ခဲ့သည့် အမျိုးသားသုံးဦးက မှန်ကောင်တာများအားရိုက်ခွဲ၍ TA တံဆိပ်ပါ ရွှေထည်ပစ္စည်းမျိုးစုံ ၁၄၈၇ ခု(အလေးချိန် ၁ ပိ ဿာ ၆၅ ကျပ်သားခန့်၊ကာလတန်ဖိုးငွေကျပ် ၃၀၆၉ သိန်း)အားယူဆောင်ပြီး လုံခြုံရေးအဖွဲ့ဝင်များအားတိုင်ကြားပါက ဖောက်ခွဲမည်ဟုပြောဆိုကာ နေအိမ်အိပ်ခန်းအတွင်းနှင့်မှန်ကောင်တာအ ပေါ်တို့၌ ရေသန့်ဘူးဖြင့်ပြုလုပ်ထားသည့် လက် လုပ်မိုင်း နှစ်လုံးထောင်၍ပြန်လည်ထွက်ခွာသွားခဲ့ကြောင်း သိရသည်။

ဖြစ်စဥ်မှပြစ်မှုကျူးလွန်သူများအား ဖမ်းဆီးရမိရေးအတွက် လုံခြုံရေးအဖွဲ့ဝင်များက စုံစမ်းရှာ ဖွေစစ်ဆေးလျက်ရှိသည်။

Comments (0)

Leave a reply

Your email address will not be published. Required fields are marked *

*