မူဆယ်နယ်စပ် ကျင်စန်းကျော့ဂိတ်ကို နိုဝင်ဘာ ၂၆ ရက်နေ့ပြန်လည်ဖွင့်လှစ်မည်ဖြစ်ပြီး ကွန်တိန်နာ ၅ လုံးဖြင့် ကနဦးကုန်သွယ်မှုပြုသွားမည်

မူဆယ်နယ်စပ် ကျင်စန်းကျော့ဂိတ်ကို နိုဝင်ဘာ ၂၆ ရက်နေ့ပြန်လည်ဖွင့်လှစ်မည်ဖြစ်ပြီး ကွန်တိန်နာ ၅ လုံးဖြင့် ကနဦးကုန်သွယ်မှုပြုသွားမည်
November 24, 2021 Asian Fame

(Unicode)

မူဆယ်နယ်စပ် ကျင်စန်းကျော့ဂိတ်ကို နိုဝင်ဘာ ၂၆ ရက်နေ့ပြန်လည်ဖွင့်လှစ်မည်ဖြစ်ပြီး ကွန်တိန်နာ ၅ လုံးဖြင့် ကနဦးကုန်သွယ်မှုပြုသွားမည်

နေပြည်တော် နိုဝင်ဘာ ၂၄

မူဆယ်နယ်စပ် ကျင်စန်းကျော့ဂိတ်ကို ယခု နိုဝင်ဘာလ ၂၆ ရက်နေ့တွင် ပြန်လည်ဖွင်လှစ်ကာ တရုတ်နိုင်ငံနှင့် ကုန်သွယ်မှုများပြန်လည်၍ စတင်စမ်းသပ်ဆောင်ရွက်တော့မည်ဖြစ်ကြောင်း ကုန်သွယ်ရေးဦးစီးဌာနမှ သိရသည်။

မြန်မာ-တရုတ်နယ်စပ် ကုန်သွယ်ရေးကဏ္ဍတွင် အဓိကအရေးပါသည့် နှစ်နိုင်ငံကုန်ပစ္စည်းများ အများဆုံး တင်သွင်း၊ တင်ပို့နေရသည့် မူဆယ်နယ်စပ် ကုန်သွယ်ရေးဇုန်ကို ၂၀၂၁ ခုနှစ်၊ ဇူလိုင်လ ၈ ရက်နေ့မှစ၍ တရုတ်နိုင်ငံဘက်မှ ပိတ်လိုက်ခြင်းကြောင့် နှစ်နိုင်ငံ ကုန်စည်ကူးသန်းရောင်းဝယ်မှုများ ရပ်တန့်နေလျက်ရှိပြီး ဆေးနှင့်ဆေးဝါးပစ္စည်းများကိုသာ ပြည်ပမှတင်သွင်းခွင့်ပြုနေခြင်းဖြစ်ကြောင်း၊ ပြည်တွင်းမှ ပို့ကုန်များကိုမူ တင်ပို့နိုင်ခြင်းမရှိသေးသည့်အတွက် ပြည်ပဝင်ငွေရရှိစေရန်အတွက် ပြည်တွင်းပို့ကုန်များကို အမြန်ဆုံးတင်ပို့နိုင်ရန်အတွက် နှစ်နိုင်ငံညှိနှိုင်းဆောင်ရွက်လျက်ရှိရာ မူဆယ်ကုန်သွယ်ရေး ဇုန်ရှိ ကျိန်စန်းကျော့ဂိတ်ကို ယခုနိုဝင်ဘာလ ၂၆ ရက်နေ့တွင် ပြန်လည်ဖွင့်လှစ်သွား မည်ဖြစ်ကြောင်း၊ ထိုသို့ နှစ်နိုင်ငံကုန်သွယ်မှုများ ပြန်လည်စတင်ဆောင်ရွက်ရာတွင် တရုတ်နိုင်ငံဘက်မှ ကွန်တိန်နာ ၅ လုံး၊ မြန်မာနိုင်ငံဘက်မှ ကွန်တိန်နာ ၅ လုံးဖြင့်သာ စတင်စမ်းသပ်ကုန်သွယ်သွားမည်ဖြစ် ကြောင်း သိရသည်။

“ ဒီလ ၂၆ ရက်နေ့ဖွင့်မှာပါ။ ကျွန်တော်တို့ဘက်က ကွန်တိန်နာ ၅ လုံးနဲ့ သူတို့ဘက်က ကွန်တိန်နာ ၅ လုံးနဲ့ စပြီး စမ်းသပ်ကုန်သွယ်သွားမှာပါ။ ဒီလိုကုန်သွယ်ရာမှ ရှန်တိန်ယာဉ်မောင်းတွေရော၊ ကုန်တင်ကုန်ချ သမားတွေရောက ကိုဗစ်-၁၉ ရောဂါပိုးစစ်ဆေးထားပြီး ရောဂါပိုးကင်းစင်တဲ့သူတွေနဲ့ ပဲ ဆောင်ရွက်သွားမှာပါ။ ဒီ တင်ပို့မဲ့ ကုန်ပစ္စည်းတွေကို ကွန်တိန်နာထဲမှာ ပိုးသတ်ပြီး ၄၈ နာရီထားပြီးမှ တစ်ဖက်နိုင်ငံကို တင်ပို့သွားမှာပါ။ ပထမတော့ ကွန်တိန်နာ ၅ လုံးစီနဲ့ စမ်းသပ်ကုန်သွယ်မယ်။ နောက်ပိုင်း အဆင်ပြေရင် ထပ်ပြီးတိုးချဲ့ဆောင်ရွက်သွားမှာပါ” ဟု ကုန်သွယ်ရေးဦးစီးဌာနမှ တာဝန်ရှိသူတစ်ဦးကပြောသည်။

ထိုသို့ နှစ်နိုင်ငံကုန်သွယ်ရေးပြန်လည်စတင်ချိန်တွင် မြန်မာနိုင်ငံဘက်မှ ဆန်ကွဲ၊ သီဟိုဠ်စေ့၊ ဆန်၊ ရော်ဘာ အစရှိသည်တို့ကို တင်ပို့သွားမည်ဖြစ်ပြီး တရုတ်နိုင်ငံဘက်မှ ဆိုင်ကယ်အပိုပစ္စည်းများ တင်သွင်းမည်ဖြစ်ကြောင်း၊ တရုတ်နိုင်ငံသို့ တင်ပို့သည့် ဒေသထွက်ကုန်များအတွက် မူဆယ်ဒေသ ၁၀၅ မိုင် ကုန်သွယ်ရေးဇုန်အတွင်း ပိတ်မိနေသည့် ဆန်၊ ပြောင်း အစရှိသည့်ပစ္စည်းများကို ဦးစားပေးတင်ပို့သွားမည် ဖြစ်ပြီး ၎င်းပစ္စည်းများပြတ်လပ်သွားချိန်မှသာ ပြည်တွင်းရှိ ကုန်ကားများကို မူဆယ်ဒေသသို့ တက်ရောက်ခွင့် ပြုမည်ဖြစ်ကြောင်း သိရသည်။

လက်ရှိတွင် မြန်မာ-ထိုင်းနယ်စပ်၊ မြန်မာ- ဘင်္ဂလားဒေ့ရှ် နယ်စပ်များမှ ဖွင့်လှစ်ထားပြီး ကုန်သွယ်မှု များဆောင်ရွက်လျက်ရှိကြောင်း သိရသည်။

(Zawgyi)

မူဆယ္နယ္စပ္ က်င္စန္းေက်ာ့ဂိတ္ကို ႏိုဝင္ဘာ ၂၆ ရက္ေန႔ျပန္လည္ဖြင့္လွစ္မည္ျဖစ္ၿပီး ကြန္တိန္နာ ၅ လုံးျဖင့္ ကနဦးကုန္သြယ္မႈျပဳသြားမည္

ေနျပည္ေတာ္ ႏိုဝင္ဘာ ၂၄

မူဆယ္နယ္စပ္ က်င္စန္းေက်ာ့ဂိတ္ကို ယခု ႏိုဝင္ဘာလ ၂၆ ရက္ေန႔တြင္ ျပန္လည္ဖြင္လွစ္ကာ တ႐ုတ္ႏိုင္ငံႏွင့္ ကုန္သြယ္မႈမ်ားျပန္လည္၍ စတင္စမ္းသပ္ေဆာင္႐ြက္ေတာ့မည္ျဖစ္ေၾကာင္း ကုန္သြယ္ေရးဦးစီးဌာနမွ သိရသည္။

ျမန္မာ-တ႐ုတ္နယ္စပ္ ကုန္သြယ္ေရးက႑တြင္ အဓိကအေရးပါသည့္ ႏွစ္ႏိုင္ငံကုန္ပစၥည္းမ်ား အမ်ားဆုံး တင္သြင္း၊ တင္ပို႔ေနရသည့္ မူဆယ္နယ္စပ္ ကုန္သြယ္ေရးဇုန္ကို ၂၀၂၁ ခုႏွစ္၊ ဇူလိုင္လ ၈ ရက္ေန႔မွစ၍ တ႐ုတ္ႏိုင္ငံဘက္မွ ပိတ္လိုက္ျခင္းေၾကာင့္ ႏွစ္ႏိုင္ငံ ကုန္စည္ကူးသန္းေရာင္းဝယ္မႈမ်ား ရပ္တန႔္ေနလ်က္ရွိၿပီး ေဆးႏွင့္ေဆးဝါးပစၥည္းမ်ားကိုသာ ျပည္ပမွတင္သြင္းခြင့္ျပဳေနျခင္းျဖစ္ေၾကာင္း၊ ျပည္တြင္းမွ ပို႔ကုန္မ်ားကိုမူ တင္ပို႔ႏိုင္ျခင္းမရွိေသးသည့္အတြက္ ျပည္ပဝင္ေငြရရွိေစရန္အတြက္ ျပည္တြင္းပို႔ကုန္မ်ားကို အျမန္ဆုံးတင္ပို႔ႏိုင္ရန္အတြက္ ႏွစ္ႏိုင္ငံညႇိႏႈိင္းေဆာင္႐ြက္လ်က္ရွိရာ မူဆယ္ကုန္သြယ္ေရး ဇုန္ရွိ က်ိန္စန္းေက်ာ့ဂိတ္ကို ယခုႏိုဝင္ဘာလ ၂၆ ရက္ေန႔တြင္ ျပန္လည္ဖြင့္လွစ္သြား မည္ျဖစ္ေၾကာင္း၊ ထိုသို႔ ႏွစ္ႏိုင္ငံကုန္သြယ္မႈမ်ား ျပန္လည္စတင္ေဆာင္႐ြက္ရာတြင္ တ႐ုတ္ႏိုင္ငံဘက္မွ ကြန္တိန္နာ ၅ လုံး၊ ျမန္မာႏိုင္ငံဘက္မွ ကြန္တိန္နာ ၅ လုံးျဖင့္သာ စတင္စမ္းသပ္ကုန္သြယ္သြားမည္ျဖစ္ ေၾကာင္း သိရသည္။

“ ဒီလ ၂၆ ရက္ေန႔ဖြင့္မွာပါ။ ကြၽန္ေတာ္တို႔ဘက္က ကြန္တိန္နာ ၅ လုံးနဲ႔ သူတို႔ဘက္က ကြန္တိန္နာ ၅ လုံးနဲ႔ စၿပီး စမ္းသပ္ကုန္သြယ္သြားမွာပါ။ ဒီလိုကုန္သြယ္ရာမွ ရွန္တိန္ယာဥ္ေမာင္းေတြေရာ၊ ကုန္တင္ကုန္ခ် သမားေတြေရာက ကိုဗစ္-၁၉ ေရာဂါပိုးစစ္ေဆးထားၿပီး ေရာဂါပိုးကင္းစင္တဲ့သူေတြနဲ႔ ပဲ ေဆာင္႐ြက္သြားမွာပါ။ ဒီ တင္ပို႔မဲ့ ကုန္ပစၥည္းေတြကို ကြန္တိန္နာထဲမွာ ပိုးသတ္ၿပီး ၄၈ နာရီထားၿပီးမွ တစ္ဖက္ႏိုင္ငံကို တင္ပို႔သြားမွာပါ။ ပထမေတာ့ ကြန္တိန္နာ ၅ လုံးစီနဲ႔ စမ္းသပ္ကုန္သြယ္မယ္။ ေနာက္ပိုင္း အဆင္ေျပရင္ ထပ္ၿပီးတိုးခ်ဲ႕ေဆာင္႐ြက္သြားမွာပါ” ဟု ကုန္သြယ္ေရးဦးစီးဌာနမွ တာဝန္ရွိသူတစ္ဦးကေျပာသည္။

ထိုသို႔ ႏွစ္ႏိုင္ငံကုန္သြယ္ေရးျပန္လည္စတင္ခ်ိန္တြင္ ျမန္မာႏိုင္ငံဘက္မွ ဆန္ကြဲ၊ သီဟိုဠ္ေစ့၊ ဆန္၊ ေရာ္ဘာ အစရွိသည္တို႔ကို တင္ပို႔သြားမည္ျဖစ္ၿပီး တ႐ုတ္ႏိုင္ငံဘက္မွ ဆိုင္ကယ္အပိုပစၥည္းမ်ား တင္သြင္းမည္ျဖစ္ေၾကာင္း၊ တ႐ုတ္ႏိုင္ငံသို႔ တင္ပို႔သည့္ ေဒသထြက္ကုန္မ်ားအတြက္ မူဆယ္ေဒသ ၁၀၅ မိုင္ ကုန္သြယ္ေရးဇုန္အတြင္း ပိတ္မိေနသည့္ ဆန္၊ ေျပာင္း အစရွိသည့္ပစၥည္းမ်ားကို ဦးစားေပးတင္ပို႔သြားမည္ ျဖစ္ၿပီး ၎ပစၥည္းမ်ားျပတ္လပ္သြားခ်ိန္မွသာ ျပည္တြင္းရွိ ကုန္ကားမ်ားကို မူဆယ္ေဒသသို႔ တက္ေရာက္ခြင့္ ျပဳမည္ျဖစ္ေၾကာင္း သိရသည္။

လက္ရွိတြင္ ျမန္မာ-ထိုင္းနယ္စပ္၊ ျမန္မာ- ဘဂၤလားေဒ့ရွ္ နယ္စပ္မ်ားမွ ဖြင့္လွစ္ထားၿပီး ကုန္သြယ္မႈ မ်ားေဆာင္႐ြက္လ်က္ရွိေၾကာင္း သိရသည္။

Comments (0)

Leave a reply

Your email address will not be published. Required fields are marked *

*