ရေစကြိုပခန်းငယ် ရဲစခန်းရဲကင်း မီးရှို့ ခံရပြီး အကူ စစ်ကြောင်းပါ မိုင်းဆွဲ တိုက်ခိုက်ခံရဟုဆို

ရေစကြိုပခန်းငယ် ရဲစခန်းရဲကင်း မီးရှို့ ခံရပြီး အကူ စစ်ကြောင်းပါ မိုင်းဆွဲ တိုက်ခိုက်ခံရဟုဆို
November 14, 2021 Asian Fame
ရေစကြိုပခန်းငယ်ရဲစခန်းရဲကင်း မီးရှို့ ခံရပြီး အကူစစ်ကြောင်းပါ မိုင်းဆွဲတိုက်ခိုက်ခံရဟုဆို
 
ပခုက္ကူခရိုင်၊ ရေစကြိုမြို့နယ်ရှိ ပခန်းငယ်ရဲစခန်းကို နိုဝင်ဘာလ ၁၃ ရက်နေ့လည် ၁နာရီ အချိန်ခန့်က PDF အဖွဲများမှ လက်နက်များဖြင့် လာရောက်တိုက်ခိုက်ခဲ့မှုကြောင့် လက်နက်ပစ္စည်းများ ပါသွားပြီး ရဲကင်းစခန်းအဆောက်အဦးပါ မီးရှိဖျက်ဆီးခဲ့သည်ဟု ရေစကြို ပြန်/ဆက်က သတင်းရေးသားမှုအား MOIက ယနေ့ ဖော်ပြသည်။
 
ပခန်းငယ်ရဲစခန်းတိုက်ခိုက်ခံရမှုဖြစ်စဉ်ကိုရေစကြို ပြန်/ဆက်က “PDF အင်အား(၇၀)ဦးခန့်သည် ပခန်းငယ်ရဲစခန်းသို မောင်းပြန်/လက်လုပ်သေနပ်များဖြင့် အဆက် မပြတ် ပစ်ခတ်ခြင်း၊ လက်လုပ်ဗုံး(၄)လုံးတို့ဖြင့် ပစ်ပေါက်တိုက်ခိုက်ပြီး လက်နက်ပစ္စည်းများ ယူဆောင်သွားကြောင်းနှင့် ရဲကင်းစခန်းအဆောက်အဦအား မီးရှို့ဖျက်ဆီးခဲ့ကြောင်း”ဖော်ပြသည်။
 
ယင်းအပြင် တိုက်ခိုက်ခံရသည့်နေရာသို့ စစ်ကူပေးရန်လာရောက်ကြသည့် ပူးပေါင်းအဖွဲ့သည် မော်တော်ယာဉ်များဖြင့် ရေစကြိုမှ ညောင်ဇောက်ကျေးရွာ-နွားထိန်းကျေးရွာ-စဉ့်ကိုင်ကျေးရွာ သို့ရောက်ရှိပြီး ခြေလျင်ချီတက်ထွက်ခွာသွားစဉ် ကျေးရွာအထွက် (၅)ဖာလုံခန့်အကွာ မြေသားလမ်းပေါ်အရောက် လမ်း၏ယာဘက် (၅)ပေခန့် အကွာတွင် ရီမုမိုင်း(၁)လုံးပေါက်ကွဲခဲ့သဖြင့် ပူးပေါင်းအဖွဲမှ တာဝန်ရှိသူတစ်ဦး မျက်နှာပါးပြင် နှစ်ဖက်နှင့် အပေါ်နှုတ်ခမ်းတိုတွင် ပွန်းပဲ့ဒဏ်ရာ (၁)ချက်စီ၊ ဝဲလက်ခုံစုတ်ပြတ်၊ ပေါက်ပြဲ ဒဏ်ရာ(၁)ချက်၊ ယာလက်ခုံ ပေါက်ပြဲဒဏ်ရာ (၁)ချက်နှင့် ဝဲခြေသလုံး မိုင်းစထိမှန် ဒဏ်ရာ(၁)ချက်(မစိုးရိမ်ရ)တို့ ရရှိခဲ့ပြီး ၎င်းနေရာနှင့် ပေ(၃၀)ခန့်အကွာတွင် ရီမုမိုင်း(၁)လုံး ထပ်မံ၍ ပေါက်ကွဲခဲ့ပြီး လူ/ယာဉ်များ ထိခိုက်ဒဏ်ရာရရှိမှု မရှိကြောင်းလည်း သတင်းထဲ ဖော်ပြထားသည်။
 
လက်ရှိတွင် ပခုက္ကူခရိုင်ရဲတပ်ဖွဲ့၊ ရေစကြိုမြို့နယ် ရဲတပ်ဖွဲနှင့် ပူးပေါင်းအဖွဲ့သည် ပခန်းငယ်ရဲစခန်းသို့ PDF များ ထပ်မံလာရောက် တိုက်ခိုက်မှုမရှိစေရေး ရဲကင်းစခန်း၏ ပတ်လည်တွင် ခံတပ်များဖြင့် အသင့်နေရာယူနေကြောင်းလည်း ဆိုသည်။
 
ရေစကြိုမြို့နယ်၊ ပခန်းငယ်ရဲစခန်းကို PDF ပူးပေါင်းတပ်ဖွဲဖြစ်သည့်People Defense Force Yesagyo ၊Phoenix အထူးပြောက်ကျားတပ်ဖွဲ (ရေစကြို) တို့ပူးပေါင်း၍ ဝင်ရောက် တိုက်ခိုက်သိမ်းပိုက် မီးရှို့စဉ် စစ်ကူလာသော စစ်ကြောင်းကို PDF ပူးပေါင်းတပ်ဖွဲ့က မိုင်းဆွဲတိုက်ခိုက်ရာ စစ်သား ၆ ဦးသေဆုံးပြီး အများအပြား ဒဏ်ရာရရှိကြောင်း PDF ပူးပေါင်း တပ်ဖွဲ့ဘက်က သတင်းထုတ်ပြန်ထားသည်ကိုတွေ့ရသည်။

Comments (0)

Leave a reply

Your email address will not be published. Required fields are marked *

*