တရားလွှတ်တော်ရှေ့နေ ဦးခင်မောင်ဇော်အား ရာဇဝတ်ကျင့်ထုံးဥပဒေပုဒ်မ ၁၄၄ ထုတ်ပြီး ဆက်သွယ်၊တွေ့ဆုံ၊ပြောဆိုခြင်းမပြုလုပ်ရန် တားမြစ်

တရားလွှတ်တော်ရှေ့နေ ဦးခင်မောင်ဇော်အား ရာဇဝတ်ကျင့်ထုံးဥပဒေပုဒ်မ ၁၄၄ ထုတ်ပြီး ဆက်သွယ်၊တွေ့ဆုံ၊ပြောဆိုခြင်းမပြုလုပ်ရန် တားမြစ်
October 15, 2021 Asian Fame

တရားလွှတ်တော်ရှေ့နေ ဦးခင်မောင်ဇော်အား ရာဇဝတ်ကျင့်ထုံးဥပဒေပုဒ်မ ၁၄၄ ထုတ်ပြီး ဆက်သွယ်၊တွေ့ဆုံ၊ပြောဆိုခြင်းမပြုလုပ်ရန် တားမြစ်

နေပြည်တော်၊အောက်တိုဘာ၁၅ရက်

ပျဉ်းမနားမြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူးက တရားလွှတ်တော်ရှေ့နေ ဦးခင်မောင်ဇော်အား ရာဇဝတ်ကျင့်ထုံးဥပဒေပုဒ်မ-၁၄၄ ထုတ်ပြီး ၂၀၂၁ ခုနှစ်၊ အောက်တိုဘာလ ၁၄ ရက်ကစ၍ ပြည်တွင်းပြည်ပမီဒီယာများ၊နိုင်ငံခြားသံတမန်များ၊အပြည်ပြည်ဆိုင်ရာအဖွဲ့အစည်းများနှင့်ယင်းအဖွဲ့အစည်းများမှ ပုဂ္ဂိုလ်များ၊ နိုင်ငံတကာအစိုးရမဟုတ်သော အဖွဲ့အစည်းများ၊ ယင်းအဖွဲ့အစည်းများမှ ပုဂ္ဂိုလ်များ၊နိုင်ငံခြားအစိုးရတာဝန်ရှိသူများ၊မည်သည့်ပြင်ပ အဖွဲ့အစည်းများမှ ပုဂ္ဂိုလ်များနှင့်မျှ တိုက်ရိုက်ဖြစ်စေ၊ သွယ်ဝိုက် ဖြစ်စေ တနည်းနည်းဖြင့် ဆက်သွယ်ခြင်း၊ တွေ့ဆုံခြင်း၊ မပြောဆိုခြင်းများ မပြုလုပ်ရန် တားမြစ်လိုက်သည်ကို တွေ့ရသည်။

တားမြစ်ရခြင်းနှင့် စပ်လျဉ်းပြီး တရားလွှတ်တော် ရှေ့နေ ဦးခင်မောင်ဇော် သည် သတင်းဌာနများနှင့်ဆက်သွယ်၍ သက်သေများ၏ရုံးရှေ့ထွက်ဆို ချက်များ၊ စွပ်စွဲခံရသူများ၏ထွက်ဆိုချက်များကို ထုတ်ပြန်ပြောဆိုလျက်ရှိပြီး ဦးခင်မောင်ဇော် ၏ ဆက်သွယ်ပြောဆိုချက်များသည် တရားဥပဒေနှင့်အညီ ဆောင်ရွက် ရသော ပုဂ္ဂိုလ်တစ်ဦးဦးအား နှောက်ယှက်မှု သို့မဟုတ် ထိခိုက်နာကျင်ဆုံးရှုံးမှု၊ အများပြည်သူတို့၏ ငြိမ်ဝပ်မှု၊ ရုန်းရင်းဆန်ခတ်ဖြစ်မှုတို့ကို ဖြစ်ပေါ်စေနိုင်သည်ဟု တားမြစ်စာကဖော်ပြသည်။

နောက်ထပ်အမိန့်တစ်စုံတစ်ရာမရမချင်း ယခုထုတ်သည့် အမိန့်သည် အတည်ဖြစ်စေရမည်ဟု ဖော်ပြထားသည်ကိုလည်းတွေ့ရသည်။

တရားလွှတ်တော်ရှေ့နေ ဦးခင်မောင်ဇော်အား ပြောဆိုခွင့်ပိတ်ခြင်းက သက်သေများ၏ရုံးရှေ့ထွက်ဆို ချက်များ၊ စွပ်စွဲခံရသူများ၏ထွက်ဆိုချက်များအား ပြည်သူများ မသိရှိနိုင်တော့ဟုဆိုပြီး ဝေဖန်နေမှုများ ရှိနေကြသည်။

Comments (0)

Leave a reply

Your email address will not be published. Required fields are marked *

*