၂၀၂၀-၂၀၂၁ ဘဏ္ဍာနှစ်ကြံစိုက်ရာသီတွင် နေပြည်တော်အတွင်း စိုက်ဧက ၁၀၀၀၀ ကျော် စိုက်ပျိုးထား

၂၀၂၀-၂၀၂၁ ဘဏ္ဍာနှစ်ကြံစိုက်ရာသီတွင် နေပြည်တော်အတွင်း စိုက်ဧက ၁၀၀၀၀ ကျော် စိုက်ပျိုးထား
October 13, 2021 Asian Fame

၂၀၂၀-၂၀၂၁ ဘဏ္ဍာနှစ်ကြံစိုက်ရာသီတွင် နေပြည်တော်အတွင်း စိုက်ဧက ၁၀၀၀၀ ကျော် စိုက်ပျိုးထား

နေပြည်တော် အောက်တိုဘာ ၁၃

၂၀၂၀-၂၀၂၁ ဘဏ္ဍာနှစ် ကြံစိုက်ရာသီတွင် နေပြည်တော်ရှိပြည်ထောင်စုနယ်မြေအတွင်း ကြံစိုက်ဧက ၁၀၀၂၉ ဧက ကိုစိုက်ပျိုးထားနိုင်ကြောင်း ပြည်ထောင်စုနယ်မြေ နေပြည်တော်တိုင်းစိုက်ပျိုးရေးဦးစီးဌာနမှ သိရသည်။

၂၀၂၀-၂၀၂၁ ဘဏ္ဍာနှစ် ကြံစိုက်ရာသီတွင် နေပြည်တော်ပြည်ထောင်စုနယ်မြေအတွင်း ကြံစိုက်ဧက ၁၃၀၀၀ စိုက်ပျိုးရန်လျာထားခဲ့ပြီး အကြောင်းအမျိုးမျိုးကြောင့် ကြံစိုက်ဧက ၁၀၀၂၉ ဧက ကိုစိုက်ပျိုးထားနိုင်ကြောင်း၊ ထိုသို့စိုက်ပျိုးသည့် ဧကများမှာ ပျဉ်းမနားမြို့နယ်တွင် ၃၇၄ ဧက၊ လယ်ဝေးမြို့ နယ်တွင် ၅၉၇၃ ဧက၊ တပ်ကုန်းမြို့နယ်တွင် ၇၂၃ ဦး၊ ဇေယျာသီရိမြို့နယ်တွင် ၁၈၁ ဧက၊ ပုဗ္ဗသီရိမြို့နယ် တွင် ၁၂၃၀ ဧကနှင့် ဥတ္တရသီရမြို့နယ်တွင် ၁၅၄၈ ဧက တို့ဖြစ်ကြကြောင်း သိရသည်။

“ နေပြည်တော်မှာက မြို့နယ်ရှစ်မြို့နယ်မှာ ဒက္ခိဏသီရိမြို့နယ်နဲ့ ဇမ္ဗူသီရိမြို့နယ်တွေမှာတော့ မစိုက်ပါဘူး။ ဝန်ထမ်းအိမ်ရာတွေ၊ ရုံးအဆောက်အဦတွေ များတဲ့မြို့နယ်တွေလဲဖြစ်တော့ မစိုက်ကြပါဘူး။ နေပြည်တော်မှာက သကြားစက်လေးလုံးရှိပါတယ်။ အခုပြီးခဲ့တဲ့ ၂၀၂၀-၂၀၂၁ ဘဏ္ဍာနှစ် ကြံစိုက်ရာသီမှာက သကြားစက်ရုံတစ်ခုက နိုင်ငံတော်ကိုပြန်အပ်မယ်ဆိုတဲ့ သတင်းတွေကြောင့် တောင်သူတွေက မစိုက်ရဲကြတော့ အခုပြီးခဲ့တဲ့ ဘဏ္ဍာနှစ်မှာ အနည်းငယ်တော့ လျော့သွားတာပေါ့” ဟု ပြည်ထောင်စုနယ်မြေ၊ နေပြည်တော်တိုင်းစိုက်ပျိုးရေးဦးစီးဌာနမှ တာဝန်ရှိသူတစ်ဦးက ပြောသည်။

လက်ရှိနေပြည်တော်ပြည်ထောင်စုနယ်မြေတွင် သကြားစက်လေးလုံးရှိပြီး ပျဉ်းမနားသကြားစက် အမှတ်(၂)နှင့် အမှတ်(၃)၊ တပ်ကုန်းမြို့နယ်ရှိ ဒဟတ်ကုန်းသကြားစက်၊ လယ်ဝေးမြို့နယ်ရှိ တောင်ဇင်အေး သကြားစက်ရုံ တို့ဖြစ်ကြကြောင်း၊ လက်ရှိ မီနီဘတ်ဂျတ်တွင် သကြားဈေးများမြင့်တက်မှုရှိနေ၍ ပြီးခဲ့သည့် ကြံစိုက်ရာသီထက် တောင်သူများ ကြံသီးနှံစိုက်ပျိုးမှု ပိုမိုစိတ်ဝင်စားမှုရှိနေကြကြောင်း သိရသည်။

Comments (0)

Leave a reply

Your email address will not be published. Required fields are marked *

*