ရန်ကုန် သိမ်ဖြူမီးပွိုင့်တွင် မီးရထားဝန်ထမ်းတစ်ဦး သေနတ်ပစ်ခတ်ခံရပြီးသေဆုံး

ရန်ကုန် သိမ်ဖြူမီးပွိုင့်တွင် မီးရထားဝန်ထမ်းတစ်ဦး သေနတ်ပစ်ခတ်ခံရပြီးသေဆုံး
October 13, 2021 Asian Fame

ရန်ကုန် သိမ်ဖြူမီးပွိုင့်တွင် မီးရထားဝန်ထမ်းတစ်ဦး သေနတ်ပစ်ခတ်ခံရပြီးသေဆုံး

ရန်ကုန်၊အောက်တိုဘာ ၁၃ရက်

ရန်ကုန် မင်္ဂလာတောင်ညွှန့် မီးရထားရပ်ကွက် ဗိုလ်မင်းရောင်လမ်း၊ သိမ်ဖြူမီးပွိုင့်တွင် ယနေ့မနက်၉နာရီအချိန်က မီးရထားဝန်ထမ်းတစ်ဦးသေနတ်ပစ်ခတ်ခံရ၍ သေဆုံးသွားခဲ့သည်။

သေနတ်သမားတစ်ဦးက ပစ်ခတ်သွားသည်ဟု ကနဦးသတင်းများအရသိရသည်။

၎င်းသည် ရန်ကုန်ဘူတာကြီးမှ ဗိုလ်တထောင်မြို့နယ်ရှိ မြန်မာ့မီးရထားတိုင်း (၆) ရုံးသို့မော်တော်ယာဉ်ဖြင့်သွားရောက်စဉ် သိမ်ဖြူမီးပွိုင့်အရောက်တွင် စီစစ်ဆဲယာဉ်ပေါ်မှလူတစ်ဦးဆင်းလာပြီးသေနတ်ဖြင့်ပစ်ခတ်ခဲ့သည့်အတွက် ရင်ဘတ်တွင်ကျည်ထိဒဏ်ရာသုံးချက်ဖြင့် အခင်းဖြစ်နေရာတွင်ပင်သေဆုံးသွားခဲ့ခြင်းဖြစ်သည်။

သေဆုံးသွားသူမှာ မြန်မာ့မီးရထား၏ သတင်းနှင့် ပြန်ကြားရေးဌာနမှဦးထိန်ဝင်း (ခေါ်) ရန်ကင်းမောင်ဖြစ်သည်။

Comments (0)

Leave a reply

Your email address will not be published. Required fields are marked *

*